#المراجعة_للوزاري س/ شوكت ابدي مراجعة؟ ج/ تبدي من تكمل المو | محمد ابن بغداد | طلاب العراق
#المراجعة_للوزاري
س/ شوكت ابدي مراجعة؟ ج/ تبدي من تكمل المواد ونقوصاتك بالكامل.
س/ شكد احتاج ايام للمراجعة؟ ج/ كمتوسط تحتاج (50 _55 يوم) يوم، كمراجعة وحدة مضبوطة من كل النواحي: (منهج + وزاريات + اختبارات + افكار وزارية + متابعة التوجيهات الي راح تنزلك بهل الفترة).
#توضيح يعني اذا كنت متأخر بالمواد وبديت بعد العيد مباشرةً فانت بالسليم ان شاءالله (تكدر تراجع المواد بالكامل بهاي الفترة الذكرتها).
نصيحة للطلاب الي بعدها ماكملت المواد: اذا كنت طالب عندك نقوصات هسة فتحسب حساب عندك لنصف هذا الشهر الرابع تنهي بي كل نقوصات.
فمطالب بالآتي الى ان تبدي مراجعة:
الحرص على الوقت واستغلالة بالدراسة بشكل كامل
تترك التسخيت تبتعد عن كل شي يضيع وقتك تبتعد عن كل صديق يضيع وقتك تنظم وقتك صح وعلى جدول انت تسوي وتعوف الدراسة بعشوائية والاهم تبقى متوكل على رب العالمين دائما وابدا هو أعرف بحالتك وبكل الصعوبات الي دتواجهة تلتزم بالدعاء والعبادات لان راح تمر بايام الاخيرة برمضان،فلعل دعواتكم تستجاب
#اخيرا احب اكللكم بهل الوقت المبارك: ربي يوفقكم ويسهل عليكم الدراسة
