الوزاريات شوكت وشلون اراجع او ادرس الوزاريات؟ ج/ على حسب | محمد ابن بغداد | طلاب العراق
الوزاريات
شوكت وشلون اراجع او ادرس الوزاريات؟
ج/ على حسب انت شكد دارس منها قبل المراجعة: • اذا كنت دارسها كلها او نصها قبل المراجعة>> فمن تكمل الفصل كلة راجع وزارياته • اذا كنت مدارسها قبل نهائيا او دارس جزء بسيط منها>> فمن تكمل مراجعة كل موضوع تدرس وزارياتو.
#ملاحظات_مهمة: - بالرياضيات انصحك تراجع الوزاريات بعد كل موضوع ، حتى لو چنت دارسها قبل كلها او لا. - بالقواعد للعربي اذا مكمل وزارياته وعندك وزاريات حسب كل اداة فما انصحك تراجع بيها (انصحك تراجع بوزاريات شاملة مثلا كل الاستفهام مقسم حسب كل دور لان راح تلاكي آية قرآنية وبيها استخرج كذا اداة فتعرف شلون تطبق ٣ قاعدات وتستخرج ٣ ادوات بوقت واحد)
#استفساراتكم يصير ادرس الوزاريات بعد ما اكمل كل المادة؟ ج/ ما أنصح. يصير اخلي دراسة الوزاريات ع المراجعة الثانية؟ ج/ ما أنصح.
نصيحتي تدرس الوزاريات بعد كل فصل اقصى شي
#المواد_والوزاريات: • بالنسبة للمواد الحفظية: اذا جان مصدرك بي وزاريات ومخلي كل الصيغ بيها فما تحتاج تدرس وزاريات وحد(مجرد اختبر نفسك بنمط وزاري بعد كل فصل).
• بالنسبة للمواد الفهمية:
عندك الفيزياء والكيمياء اذا مجان عندك وقت تكدر تكتفي بأمثلة وتمارين ومسائل اسئلة الفصول + الافكار الوزارية كلها بالبوت @Six6Ebot (حصراً). واذا تشوف عندك وقت زايد اتدرب اكثر بالوزاريات. عندك القواعد والرياضيات نفس ماذكرت فوك بس هاي المادتين وخاصة القواعد شكد تكدر تسحك وزاريات اسحك بيها
