2022-08-29 02:38:50
#الحدود_الدنيا يعني المعدلات
بعض الطلاب ما فاهمين سالفة الحدود الدنيا !
قسم منهم ينتظر الحدود الدنيا مال هاي السنة ياله يقدم !
عزيزي كلمة الحدود الدنيا معناها هي اقل معدل قبلته الكليه بعد اعلان نتائج القبول !
يعني مثلا نفرض بسنة 2018 شكو طالب مطلع معدل 97 فما فوق مقدم على طب بغداد (فرضا يعني )
ونفرض وزارة التعليم محدده 200 مقعد لطب بغداد !
ف ب 2018 طلع الحد الادنى لطب بغداد 100.4 معناها جميع الطلاب الي قدموا على طب بغداد تنافسوا فيما بينهم …. وال 200 مقعد تم حجزهم وفق اعلى 200 معدل للطلبة المقدمين بالتنافس على تلك الكلية ( يعني اعلى 200 طالب من بين جميع اللي ذكرتهم الك )
فكان اقل معدل قبلته الكليه بالتنافس هو 100.4
ونفس الشي يُقاس على جميع الاقسام والكليات في باقي الجامعات
فالحدود الدنيا معناها اقل معدل قبلته الكليه في ذلك العام
طيب ممكن واحد يسأل … الحدود الدنيا مال هاي السنة شوكت تطلع ؟
تطلع لمن تقدمون انتو وطلاب الدور الثاني وتنغلق الاستمارة وتطلع نتائج القبول المركزي مالتكم ساعتها راح نشوف كل كليه شكد قابله اقل معدل وراح نسميها الحدود الدنيا لعام 2021
يعني الحدود الدنيا هي تحصيل حاصل لتنافسكم على الجامعات
يعني نفهم من كلامك ماكو حدود دنيا لهاي السنة الا نقدم وتطلع نتائج قبول جميع الطلاب ياله تطلع الحدود الدنيا مالتنه صح ؟
نعم صحيح وعاشت ايدك هسه
︎ أنضم وتابع :
︎TELEGRAM CHANNAL :
t.me/m_31v0
︎ TELEGRAM GROUP :
t.me/m_31v0chat
1.5K viewsمحمد هادي || 𝐌𝐎𝐇𝐀𝐌𝐌𝐀𝐃 𝐇𝐀𝐃𝐈, 23:38