نزله (٥) لمشاية الاربعين طور(هليوم مجروح الوحي) ....... زينب ا | قناة نحر الحسين ع العلويه ام اياد

نزله (٥)
لمشاية الاربعين
طور(هليوم مجروح الوحي)
.......
زينب اجت من السبي والهم يعت بيها
حكها مهظومه بت علي العدو امأذيها
مسبيه شو جيتي
ايكلي انذليتي
......
ابعباس عيروني العده وتشمتو بيه
وينه كفيلج بت علي شوجيتي مسبيه
لجمو اجروحي يالولي ليش اگطعت بيه
تدري يبو فاضل صعب جلمة بني ميه
مسبيه شوجيتي
ايگلي انذليتي
......
تمنيت يا شيعه الارض تنشك اوتبلعني
اولا اشوف اهل الشام مسروره اوتشتمني
هذي الاسيره امنين ياشيعه متعرفني
تشتم علي وترد علي بحجار تضربني
اسمعها تاليتي
ايگلي انذليتي
......
بالطشت يا شيعه شفت راس العلي غالي
ويزيد بيديه الرمح ويجلبه اكبالي
ياشيعه ذيج الساعه جان الموت اشوالي
اتمنيت ابو الحمله يجي ويشاهده الحالي
يتقصد اذيتي
ايگلي انذليتي
.......
لوما اعتقادي بالجره بيه حكمة الباري
ناديت في سري اوصحت
واتغيرت احوالي
ايتام اخوتي والنسه امچلبه بذيالي
ساعدني ياربي تراني منشده بالي
ايحطم ابنفسيتي
ايگلي انذليتي
.....
اشكر الباري جاوبت جلمات خزنه
تنكر وحي جدنه النبي اوبيه تعيرنه
حضر جوابك بالحشر يوم الحَكم جدنه
شوف الفلج المن بذاك اليوم حاججنه
جاوب اشمحجيتي
ايگلي انذليتي
....
ميهمني جدج والوحي لا ما اصدكنه
انتو لعبتو بالحُكم اوبيكم اكفرنه
منكم استرجعنه الملك والناس تبعتنه
اوهسه اجيتي امجتفه علًيها للًونه
اوغيضي اشفيتي
ايگلي انذليتي
....
هيهات جاوبته اوكلت ال النبي احنه
وبدين جدنه اهتدت كل الي تبعتنه
خابت الكوم التبعتك وتحزبت ضدنه
ايام معدوده اوبعدها تنتهي المحنه
ابذاك الوكت تعرف
منزلة اهل بيتي
....
مهما تفرعن باطلك واشتدت المحنه
كيدك يزول اوتنتهي والعاقبه النه
اوتتحقق احكام العدل والخبر عن جدنه
او بالمهدي موعوده الامم تنتظر دولتنه
اوتتحقق امنيتي
ابدولة اهل بيتي
.....
الحاجه ام احسان الخاقاني
١١صفر ١٤٤٢هـ


https://t.me/sarkhat_alahzan