قصيده اللاربعين *اليوم جيت انصب عزيه* | قناة نحر الحسين ع العلويه ام اياد

قصيده اللاربعين



*اليوم جيت انصب عزيه*
*وفاتحه بالغاضريه*
*بربعين اخواني محد تلكاني*
*واحسينا واحسينا*


جيت انصب مأتمي بكربله اليوم
والمناحه على الذي من الماي محروم
بربعين حسين حيلي كله مهدوم
يمه نسوانه وبناته كامت اتحوم
*هايه تلطم على كبر / وذيج تبجي على نحر*
*واحسينا واحسينا*


اجيتكم تعبانه يهلي وهمي اهواي
كلت عباس من اندهه ايكوم وياي
اينزل ابيده الحرم ويلم يتاماي
خويه من كثر البواجي طفت عيناي
*عيني مابطل بجيهه /حكي اعليكم اعميهه*
*واحسينا واحسينا*



اكبوركم يمهه كعدت وهلت العين
تراب غطاكم يوسفه يالميامين
وياي راسك جبته خويه يحسين
جيت ازور اكبوركم بالاربعين
*اجيت ازورن كربله /والمدامع هامله*
*واحسينا واحسينا*


من وصلنه الكربله و نوخ ضعنه
سكنه ركضت للكبر كامت تشمه
تكله بويه تخيلك اكعد يبو اليمه
عدهه شكوه و اجت تشتكي يمه
*تنده وماكو جواب/وكامت تهيل التراب*
*واحسينا واحسينا*

بعد شتفيد المناحه والعتب ماتسمعونه
اليفكد اعزازه سوه يرحن اعيونه
اعليهم اعتب والعتب ما يهيسونه
ويه الغرب يحسين خويه نسيتونه
*لا تخلوني غريبه /بعد ماحمل مصيبه*
*واحسينا واحسينا*



*لخادمة الحسين العلويه ام اياد لا يجوز حذف الاسم* اهدي ثوابهه الى شرف النبي وال بيته والى روح والدي السيد قاسم ابن السيد عطوان الفاتحه*

السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده


https://t.me/joinchat/-h0l4_B6FIg2ZjYy
العلويه ام اياد

*قناة نحر الحسين (ع))