نعي للولد سكينه بنت الحسين ع تنعى والدها في المقبره يوم الا | قناة نحر الحسين ع العلويه ام اياد

نعي للولد
سكينه بنت الحسين ع تنعى والدها
في المقبره يوم الاربعين



وصلنه المكبره وصار العتاب
نسولف ونحجي ويه الحباب
يغياب هم الكم بعد رده يغياب

جبت الدرب ونه على ونه
ويم المكبره جدم ضعنه
انعاتب ابونه وما سمعنه

شفت المباني وطار ذهني
مسدوده ومابيهه باب مبني
حدر الثره هلي ماسمعو بوني
راح اليشيل الهضم عني

اااخ شلونكم يالبلرمل نمتو
بعدكم نفسكم لو تغيرتو
وحشه المكبره وبيهه سكنتو

ضلمه الكبور اشلون بيكم
ولابيهه باب انطب عليكم
ترد ارواحنه لو نسمع حجيكم


ااه عزازنه توسدو باللحود
وعليهم باب الكبر مسدود
وكلبي عليهم والله ممرود


بويه ثنيت بالمكبر اثني
انه العزيزه تعذرتني
افراكم جود و كتلني


طريت المكبره والدمع هالي
ومحد كالي يمي تعالي
شعدج دكولي امضيعه والي


اجيتك يبويه اسحل ابهدمي
تسوه المناحه وهذا وني
على راسي اهيل الرمل خلني





*لخادمة الحسين ع العلويه ام اياد لا يجوز حذف الاسم اهدي ثوابهه الى شرف والنبي وال بيته والى روح والدي السيد قاسم ابن السيد عطوان الفاتحه*
السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده


https://t.me/joinchat/-h0l4_B6FIg2ZjYy
العلويه ام اياد

*قناة نحر الحسين (ع))