قصيده الى ليله ضربة الامام علي ((ع )) *جابوه الولي وا | قناة نحر الحسين ع العلويه ام اياد

قصيده الى ليله ضربة الامام علي ((ع ))


*جابوه الولي والراس مطبور*
*عليه الحيف ابوي الجان الي سور*

جابو الولي والراس نصين
صحت شلون هذه فارس احنين
جابوه الحسن لدار وحسين
مشدود الجرح او دمه ايفور


باذان الفجر للدار جابوه
عليه الحيف ابو الحسنين غدروه
وكلب زينب الليله بيه فجعوه
شال البي محنه وعافهه الدور


زينب شافته اونت ابحسره
كلبي عليك بويه بعد شيصبره
عليه تنوح بته او جرّت العبره
تكله موش الك نومت الكبور


شلون ايطيح ابونه على امصلاه
ونزل جبريل كّبر كام ينعاه
اليوم الدنيه كله طاح وياه
ضل جامع الكوفه عكبه مهجور



هذه الشايلينه جنه ابو اتراب
ترادت حالته وبراسه الصواب
بويه اشلون لو شخصك علي غاب


عكبك دارنه منهه طفه النور
جابوه الولي والراس مشدود
كلفه طبرته والحيل مهدود
بجيت العيد بيتك يضل مسدود
اضل اعليك ابجي اسنين ودهور


*لخادمة الحسين العلويه ام اياد لا يجوز حذف الاسم هدى ثوابهه الى روح والدي السيد قاسم ابن سيد عطوان الفاتحه* https://t.me/joinchat/-h0l4_B6FIg2ZjYy