نعي كرناوي عن حال ملاتنا زينب لفقد الاحباب يوم العيد والك | قناة نحر الحسين ع العلويه ام اياد

نعي كرناوي عن حال ملاتنا زينب لفقد الاحباب يوم العيد




والك ياعيد وشل دمع العيناي
شعدك جاي وانه اهلي مبعدين
الجانو كل سنه ايصبحون وياي
هذا العيد بالمكبره امعيدين
بيهه افراشهم صاير التربان
ولا لبسو ولا كشخو الغالين
ابطرك الجفن شالو من الدار
وضلت بس صورهم بالحياطين
اشتم ابعطرهم ضل بالهدوم
نهجم بيتج يروحي ماتموتين
ضلي بكسرتج والحزن زيديهه
وبعد باالعيد لو مرلا تفرحين
ضوه اعيوني دفنته ويه العزاز
الماعدج اهل بيمن تصبحين
كبلهم كون اموت الجانو اوياي
وعلي ضاعت ملامحهم الزينين
مابيهم بعد جيه ويردون
صارو بالنجف عنه بعيدين


نعي مجرد

ماريد طاري العيد اسمعه
وانه بالمكبره دفنيت شمعه
الفاكد ابوه مانشف دمعه


زعلانين منك عيد رمضان
ضيج خلكنه بليه واليان
مايرجع ابوي الهيبه الي جان
اكله عيدك امبارك وين ماجان


براضه يادمعتي بالعيد هلي
على الشال الضعن وفترك مني
بعد ياهو اليدك بابي ويمرني
مصباح المكبره والله شدهني


مصباح المكبره باالعيد وحشه
تهد الحيل من طبيت غبشه
كون اترابهه على الهامه اطشه


يامكبره امنين اطب اليج
جلمه على اعزازي ارد احاجيج
اهل المحنه توسدو بيج


مصباح الكدر صبح علينه
عليهم ثوب السود لابسينه
حذاهم نضل لوصح بدينه



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*https://t.me/joinchat/-h0l4_B6FIg2ZjYy