نعي يوم العيد تعالو خل نعايدكم يهلنه نكعد سوه ويلتم شملن | قناة نحر الحسين ع العلويه ام اياد

نعي يوم العيد



تعالو خل نعايدكم يهلنه
نكعد سوه ويلتم شملنه
احنه اخلافكم بالعيد شلنه
حرمنه الدهر منكم حرمنه


وين السنه ايعيدون الأحباب
او ياعيد الأكشر حدر التراب
الجانو اويانه هسه غياب


يهل المكابر هم تعيدون
لوحدر الثره امغضين العيون
ايهد الحيل يفراك اليغيبون


اجانه العيد وانتم ما اجيتو
هم كعتو مثلنه وتعايديتو
لو مر العيد بويه ومادريتو

اعتاب عندي وبيه حتاريت
و للمكبره عيديه وديت
شنهي اخباركم بصوت ناديت
موجودين ويانه تمنيت


ماريد طاريك يهالعيد
وهلي بالمكابر نامو ابعيد
للبيهم محنه روحي تريد


بويه العيد ماريد شلي بيه
كلبي يلجم من يمر طاري
البيت فارغ عكب اهاليه


يا عيد رد لا تمر بينه
مانعيد و ابونه فاكدينه
اخلاف المشو روحي حزينه


*لخادمة الحسين العلويه ام اياد لا يجوز حذف الاسم هدى ثوابهه الى روح والدي السيد قاسم ابن سيد عطوان الفاتحه*
https://t.me/joinchat/-h0l4_B6FIg2ZjYy