قصيده فزاعي يوم الوصول الى كربلاء مولاتنا زينب (ع )تخاطب سكينه | قناة نحر الحسين ع العلويه ام اياد

قصيده فزاعي
يوم الوصول الى كربلاء مولاتنا زينب (ع )تخاطب سكينه بنت اخيها ع)

تكلهه

*يسكنه هناه الج عم اليدك ساس*
*رعبهه من نزل عمج العباس*



الج عم اليهز حومت الميدان
يحط ابكربله عباس نيشان
بسيفه لونزل يثرم الجيمان
عمج ياسكينه يرفع الراس


الكاع تروط منه لو نزل بيهه
ابو فاضل خبطهه وشرب صافيهه
تضيع ادروبهه الكافل ايخليهه
سيفه ايجيس عمج عيب ينجاس


عده بالشجاعه صيت وعلوم
لوشد علكفر يكضيهم اليوم
سبع تنعام من عمج الجيدوم
ثايتنه ابوجوده عيب تنداس


عمج ثابت بعنوانه معروف
بيهه لونزل يمحيهه الطفوف
تترادم تضل اعداه من الخوف
وبفعاله تضل اتسولف الناس


من ينزل يحط احدود لعداه
يكص روس الزلم وطير وياه
سبع الكنطره ياهله بطرواه
اعرفناه شهم راعي النوماس


يذكرهم بيوم الكنطره الحيد
ويخلي افكاره وماضيهه اتعيد
سبع الموزمه عده الحرب عيد
يشهدله الدرع والسيف والطاس



*لخادمة الحسين العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده


https://t.me/joinchat/-h0l4_B6FIg2ZjYy
العلويه ام اياد

*قناة نحر الحسين (ع))