قصيده حميده بنت مسلم تناشد زينب (ع) تقول لها طال غياب والدي | قناة نحر الحسين ع العلويه ام اياد

قصيده
حميده بنت مسلم تناشد زينب (ع) تقول لها طال غياب والدي



*ونت وتبچي حميده*
*عمه ابوي اليوم اريده*
*طول اغيابه يزينب*
*والحنين افراگه يصعب*
*عمه زينب عمه زينب*


تبجي وتناشد حميده بگلب مكسور
راح ابونه الچان يازينب الي سور
ضلمه اخلافه الليالي الچانت اتنور
بعد شيرده السكن عمه بالگبور
نام بالكوفه ونسانه
زغار ابونه ويتمانه
*عمه زينب عمه زينب*


بعيد درب الكوفه عني شلون امشيه
بلكي الحگ الولي والگاه وحاچيه
بويه يامسلم اگله اودمعي اجريه
گلبي ماسكن ونينه الفرگه تچويه
حيل ياذينه اليتم
عمه ضليت بهضم
*عمه زينب عمه زينب*


ريت كون احضر وشوف اشلون حاله
ليش طول سفرته شنهي الجراله
بعد وين الگه الولي والگه دلاله
دمع عيني خلص بس بقه وشاله
راح ابوي الدللاني
والدهر بلوه بلاني

*عمه زينب عمه زينب*


والدي طول اغيابه شنهي الأسباب
تنشد بزينب حميده والگلب ذاب
وين ابوي تگلهه وينه طال الغياب
تگلهه عمه اجرچ عله الله بهذا المصاب
والدچ عمه انغدر
الله ينطيچ الصبر
*عمه زينب عمه زينب*



احتارت الحره شتگلهه وهلت العين
تبجي وتواسي حميده وتنضر احسين
انفجع گلبه عل اليتيمه وزاد الونين
ياحميده تروح روحي من تنوحين
حگچ تهلين الدموع
گلبچ عالأبو مشلوع

*عمه زينب عمه زينب*




*لخادمة الحسين العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*
السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده


https://t.me/joinchat/-h0l4_B6FIg2ZjYy
العلويه ام اياد

*قناة نحر الحسين (ع))