للسيده رقيه(( ع)) رقيه تريد ابوهه اليله مانامت شافته بحلمهه | قناة نحر الحسين ع العلويه ام اياد

للسيده رقيه(( ع))


رقيه تريد ابوهه اليله مانامت
شافته بحلمهه وروحهه هامت
ونت بالخرابه وتنتحب كامت


((ما نامت و تريد الوالي ))




تون بحضن زينب تجري دمعتهه
رقيه ماهادت ولا سكنت ونتهه
احسين منين اجيبه تكلهه عمتهه


((فجعوهه من اجابو راسه))




جابو راس ابوهه وشافته الطفله
ياهو الكطع راسك بويه اتكله
اخلافك اليتم يحسين ماحمله

((ماتت علراس المهيوبه))



راس احسين جابوه ابطشت يمهه
شبكت علنحر واكطعت ونتهه
الله ايساعدج زينب يعمتهه

((بالشام شلون تعوفيهه))



زغيروه ويتيمه شلون اودعنهه
بديار البعيده صعبه اعوفنهه
اشلون ابهل تراب الحار ادفنهه


((ازغيرونه وشلون ادفنهه))




ازغيرونه اوعزاهه وين انصبنه
عليهه الطم ونوحن وجذب الونه
بعد هاذ الوداع اوهل تفاركنه


((اوعفناه بديار الغربه ))

*لخادمة الحسين العلويه ام اياد لا يجوز حذف الاسم اهدي ثوابهه الى شرف ا*نبي محمد وال بيته والى روح والدي السيد قاسم ابن السيد عطوان الفاتحه*السلام عليكم ..

*اعلان*

تم نقل قناة نحر الحسين ع الى هذه القناه
يرجى الإنضمام للرابط ادناه
هذا رابط القناة الجديده


https://t.me/joinchat/-h0l4_B6FIg2ZjYy
العلويه ام اياد

*قناة نحر الحسين (ع))