الشاعرة الملة﴿ࢪﺣمة ﷲ تحسين﴾

2022-02-13 22:28:34 ان شاء الله يعجبنكم
واعتذر من مولاتي زينب " ع "
على التقصير ومنكم
واسالكم الدعاء لي ولولادي
تحيتي ومودتي لكم
الــشــاعــره المله رحـمـة اللّٰـه تـحـسيـن باز کردن / نظر دهید

2022-02-13 22:27:34 هوسات لوفاة السيده زينب
(عليها السلام)
❥ــــــــ☆ــــــــ●ــــــــ☆ــــــــ❥
زينب بالغرب ويلاه مـــــــوتتها
محد حضر ليها وتجــــــر ونتها
لا أم لا أبو لاجــــــو اخوتـها
(المظلــــــومه // ماتت بالشام)
❥ــــــــ☆ــــــــ●ــــــــ☆ــــــــ❥
ماتـــت بالغرب زينــب المضلومه
من ذيج المــــصايب تون مالومـه
بس اعضم مصاب احسين ويومه
(مــــــــــــاذيها // يايوم حسين)
❥ــــــــ☆ــــــــ●ــــــــ☆ــــــــ❥
تذكــــــــر كربله وذيج المصايب
يـــــــــوم النام اخوها عالترايب
آ يم الخدر شافـــــــــت عجايب
(ابـــــــــدنياها //ماشفت راحه)
❥ــــــــ☆ــــــــ●ــــــــ☆ــــــــ❥
كل شيـلت نعــش مريود زاتوت
يحــمل الجنازه وينحب ابصوت
بس زينب غريب ابسـاعه الموت
(المحــــــــزونه //ماحضرو ليها)
❥ــــــــ☆ــــــــ●ــــــــ☆ــــــــ❥
لاحضرو أهل لاحاضر احســـــين
مالومج يــــــــزينب من تونيــــن
صوب الغاضريه اديـــــــر هالعين
( عيناج اتصـــــد //لرض الغالي)
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-02-13 22:26:11 رداديه للسيده زينب (عليها السلام)
❥ــــــــ☆ــــــــ●ــــــــ☆ــــــــ❥
تطيح اجبال// زينب مـــن تونين

ونيـــــنج للكمر وونـــه لحــسين
ومنج كالجمر تتهامـــــل الـعـيـــن
انتي بالصبر مامــــــــثلج اثـــنـين
الله يســـــــاعدج يم گلب نصيــن
ماصحــــــلج دوه بيمــــن تطيبين
تهيج اجــــــروح اهلج من تذكرين
من زغرج حــــــــــــزينه وتنوحين
وضلت هل مناحه كـــــــل الاسنين
خلصتــــــي العــــمر باهات وونين

(مهضــــــــــومه //خلصتي ايامج)
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-02-13 22:24:20 فزاعيه للسيده زينب (عليها السلام)
❥ــــــــ☆ــــــــ●ــــــــ☆ــــــــ❥
يريد احزام ميـــدان العقيله
واجب بالعزه البيــرغ نشيله
❥ــــــــ☆ــــــــ●ــــــــ☆ــــــــ❥
يريد احزام ولطـمه حماسـيه
شدي احزامج وعازي الزحيه
تجازيج وتكـول اجرج علــيه
واطلبي حاجــــتج منها لليله
❥ــــــــ☆ــــــــ●ــــــــ☆ــــــــ❥
يريد احزام والميدان وسعنه
بالدگ والطم هالصدر خسفنه
والمــــدمع عليها لليله هـــلنه
تستاهل لطــــم هــاي الجليله
❥ــــــــ☆ــــــــ●ــــــــ☆ــــــــ❥
تستاهل لطم تستاهل النــوح
وماننسه اخوها المات مذبوح
گضتها هضم ومعذبه الـــروح
ماتت بالهضم ويلي ونحـــيله
❥ــــــــ☆ــــــــ●ــــــــ☆ــــــــ❥
گضتها هضم ومشيب الراس
وياضيم العليها ماله مقياس
رادت للنعش زاتوت عــباس
وبس الله هضـــــمها تشكيله
❥ــــــــ☆ــــــــ●ــــــــ☆ــــــــ❥
ساعة موتها ماحضرو اخوان
نادت بالحزن حضرو يالحنان
ياعبــــــاس ردتك لـــيه دفان
تعال وشوف روحي العــــليله
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-02-13 22:23:05 مربعه لطلب الحاجه من السيده زينب
( عليها السلام)
❥ــــــــ☆ــــــــ●ــــــــ☆ــــــــ❥
اريد امراد مـــــــــن چفج يزينب
واحلفچ بالگمــــــر عباس المعتب
❥ــــــــ☆ــــــــ●ــــــــ☆ــــــــ❥
اريد امراد منــــــج يل جليـــــله
عليج الحاجه ادري مـــــو ثجيله
انطــيني امـــــراد ادخيلج الليله
انضر الحالتـــــي حالي امــعذب
❥ــــــــ☆ــــــــ●ــــــــ☆ــــــــ❥
انضري الحالتي مــولاتي الزوم
اجيت انخاج مني الكلب مالوم
ابجفج يالكريمه زيلــــي الهموم
عليج الحاجه ابد ماضنها تصعب
❥ــــــــ☆ــــــــ●ــــــــ☆ــــــــ❥
احلفــــج بالعزيز الغالي عبـــاس
تعبنـــي الوكت والگلـب حساس
بيه ادخــــيل لاتشمتين هالنـاس
ابابج يزينــــــــب الــــي مطلب
❥ــــــــ☆ــــــــ●ــــــــ☆ــــــــ❥
ابسهم العــين احلفــج وبالجفوف
فرحه هالمسه رايـــــده اشــــوف
وجرح البلـــكلب ياجفج يــــروف
اجيت ابابج ومحــــــــتاره انحب
❥ــــــــ☆ــــــــ●ــــــــ☆ــــــــ❥
يزينب هالمسه انطـــــيني مرادي
حزينه ابــابج ابحــــــرگه انـادي
لا تخــــلين تشـــــــــمت الاعادي
گاصــــــــدتج بعــــد وبيج اگرب
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-02-13 22:21:53 فائزي للسيده زينب (عليها السلام)
┈┉━❀❥❃❥❀━┅┄ ┈┉━❀❥❃❥❀━┅┄
بالشام زينــــــب هالمسه ماتت غريبه
احاه يبت المرتضــــــــــئ نارج لهيبه
┈┉━❀❥❃❥❀━┅┄ ┈┉━❀❥❃❥❀━┅┄
زينب غريبه هالمسه تنحــــب باالام
ويلي يبت المرتـضئ مـــوتتها بالشام
بين الكفر زينب وحيده وبين ضــلام
ليهــــا الكمر عبــــــاس ياهو اليجيبه
┈┉━❀❥❃❥❀━┅┄ ┈┉━❀❥❃❥❀━┅┄
موتتها ويلي بالغـــرب اشكثر صعبه
مو يم أهلها ام الخدر وابديره غربه
وأبعـــاد عنها هل اهل ياهو التندبه
حتئ يجي ويشـــيل نعش النجيبه
┈┉━❀❥❃❥❀━┅┄ ┈┉━❀❥❃❥❀━┅┄
جاوين اهلها ام الحزن هاي المسيه
هم تدري زينب بالغرب شبعت اذيه
ودمعتها مانشــفت ابد اتصب جريه
وماهدت وسكتت تون زينب نحيبه
┈┉━❀❥❃❥❀━┅┄ ┈┉━❀❥❃❥❀━┅┄
ماكو مثلها بالبـــشر شافت عجايب
من الضلع والطبره وذيــج المصايب
ونوب اجتها كربله ونـــوم الخرايب
زينب جـــــرحها مابره ضايع طبيبه
┈┉━❀❥❃❥❀━┅┄ ┈┉━❀❥❃❥❀━┅┄
بالغرب زينب تنتــحب ويلي عليها
ولهسه طبــعه الحبل طابـع ابديها
ماكو مثل غــربتها اولوعــة سبيها
الله يعينج بـــــت علي آ يالحبيبه
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-02-13 22:19:45 نعي للسيده زينب (عليها السلام)
❥ــــــــ☆ــــــــ●ــــــــ☆ــــــــ❥
(المقدمه)
بسم ﷲ الرحمن الرحيم
صل الله عليك يارسول ﷲ
(اللهم صلِّ على محمد وآل محمد)
صل ﷲ عليك يا ابا عبدﷲ ياغريب
ياسليب العمامة والرداء يبو علي
صل ﷲ على زينب الحوراء المظلومه
المهتضمه صاحبة القلب الجريح الغريبه
كاغربة اخيها الحسين
❥ــــــــ☆ــــــــ●ــــــــ☆ــــــــ❥
(المصيبه)
هذه مولاتنا زينب ع حانت ساعه رحيلها
دنت منيتها والحزن لا يفارقها ابدا وهي
تتذكر مصائب كربلاء وما جرى عليها في
طف كربلاء
كأني بها ادارت بوجهها ناحية المدينة تارة
تشتكي لأمها غربتها والمها وتشتكي
وحدتها و وحشتها... وتارتا لوالدها
امير المؤمنين ع وتارة لاخيها وكافلها
ابا الفضل العباس ع
وعن لسان حالها وهي تشكي المها
❥ــــــــ☆ــــــــ●ــــــــ☆ــــــــ❥
(نعي شعبي)
انه زينب اليحــــــــجون بيه
هالليله حضــــــــرتني المنيه
جاوينه عـــــــباس الشــــفيه
شكثر ونيــــــت والونه خفيه

بعدهم عاشرت دمعـي ونيني
انه الضحيت باخواني وبنيني
لو حتئ واحد خل يجـــــيني
ويســـــــكت ابشـوفه حنيني

شلون انسبي واندفن بالشام
بيــــها اتذكر لوعة الايتـــــام
واحـــدهم ولا غمض ولا نام
وضليت انه بـــــگلب محتام

اوحيـــــده ابموتي غريــــبه
روحي مصـــيبتها مــــصيبه
وجرح الگلـــب ضايع طبيبه
فراك الاهـــل گلبي امشـيبه

ياهلــــــــي جايتكم الـــليله
من القهـــــــــر والهم نحيله
والجــــــــفن مابطل مسيله
مــن ظلم ومـصايب ثجيله
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-02-13 22:17:33 اللهم صل على محمدً وال محمدً
وعجل فرجهم ولعن اعدائهم يالله

15.. رجب - وفاة السيدة زينب

واليكم قصائد وفاتها
"عليه السلام "
بقلم الشاعره رحـمـة اللّٰـه تـحـسين

واسالكم الدعاء لي ولوالدي باز کردن / نظر دهید

2022-02-12 14:13:50 هنالك درس مهم وعميق يجب أن نتعلمه من المختار الثقفي وما جرى معه... أفتح الرابط التالي لتعلم ذلك الدرس فتستفيد منه جيدا وتفيد به غيرك... #دقيقتين_ فقط من وقتك أفتح الرابط واستمع فالأمر خطيررر وهام ويستحق الاهتمام ..
https://t.me/saqyetashakarbala/5265
https://t.me/saqyetashakarbala/5265 باز کردن / نظر دهید

2022-02-12 11:30:39 قناة الشاعرة المبدعة صاحبة القلم الذهبي الشاعرة المبدعة يقين الكربلائية
ارجو الانضمام

https://t.me/aayy1993

ملاحظة : #الحذف بعد ٣ ساعات عليكم
#مشكول-الذمه اليحذف قبل ٣ ساعات

للإنضمام بالدعم الفردي الخاص بالشعراء والرواديد أرسل قناتك هنا
@AliAlizeki25bot
#شرط ان تكون القناة 1k باز کردن / نظر دهید