بی لطف الله
نسوم ، سبزه قِوا بیّه ، نمویی
ونوشه چشم به راه بیه ، نمویی
پی‌یر دل بَیه هفتا کِلا خون
پیر و بی دست وپا بیه، نمویی
ته مارِ روزگار بی ته شو بیّه
بی نفت و سو لَمپا بیه، نمویی
برارونِ زاری تموم نوونه
پَییز چلچلا بینه ، نمویی
خاخِر ، موری دِله گوته درینی
ندوندی بی گاگا بیّه ، نمویی
ته غم همه دل ره کهو هاکارده
غاصّه همتی کوپا بیّه ، نمویی
خدا دونده مه دل تنگ بیه تِستِه
مَله بی #لطف_الله بیّه ، نمویی
اسماعیل بابایی
خرداد ۱۴۰۱
یکسال از غروب غمبار از پر کشیدن زنده یاد لطف الله یوسفی به سوی ابدیت گذشت
و ما همچنان در بهت و حیرت، لحظات خوب بودن او را مرور می‌کنیم
روحش شاد یادش گرامی
@mahdirajeh1400
