هذي رواية احد الاطباء بطوارئ مدينة الطب الي جان خفر قبل يوم .. | انٍٰتّٰـظَِْـارِٰ 💠 •|• ‘
هذي رواية احد الاطباء بطوارئ مدينة الطب الي جان خفر قبل يوم .. كل شخص مملقح لحد هسه شنو عذرك ؟ تعتبر نفسك اذكى من ٣ مليار شخص لقح ؟ مقتنع بهالحجي ؟!منو انت حتى تنتقد اللقاح؟ باحث ؟ عالم ؟مخترع لقاحات قبل ؟ زين من تحتاج انعاش لو اوكسجين انت او والدك او الدتك ومتلكون شراح تكول ؟ الطب فاشل ؟ الاطباء اغبياء؟ الوزارة تعبانة ؟! هذي المره الوحيدة الي مو من حقك تحجي لو تنتقد طبيب او وزارة ابدا ابدا من بدايه الوضع كالولكم التزمو .. متلتزمون لبسو كمامات .. محد يلبس اجه لقاح وببلاش ويتوسلون لقحو .. محد يلقح اذن كلشي يصيربيك وبعائلتك هذا ذنبه برقبتك واهمالك اللقاح يحميك ب ٨٠٪ من الاصابه و١٠٠٪ من الوفاة
الوضع جدا تعيس بارحة جنت خفر طوارى نايت مدينه الطب المرضى كل سديه اثنين اثنين بالترايج الباطنيه مليانه والجراحه انسدت لان تحولت عزل وهي بس ١١ سرير بيها اجتني طفله Femur Fracture ( كسر عظم الفخذ )سوتيلها سكن تركشن ( سحب جلدي) على مايجي ابو الكسور على الكرسي مال الحمامات واسمع عياطها الليل كله لان المكان ضيق وماكدر اروح اشوفها لان مكاعد الحك انسدت الطوارى مانستقبل غير بس بلت وRTA ( مضروب طلقه او حادث سيارة) كلها ترجع رقعه جغرافيه اغلب الابندكسات ( زائدة دودية )والاكيوت ابدومن ( حاله بطن حاده طارئة )ترجع لان فعلا ماكو مكان صعبه من طفله عشره سنوات ابندكس وترجعها اصلا تصفن شتكلهم الوضع حيل لا يطاق كاعد انصير بمواجهه العالم وماكو اسره
صارلي سنه من اداوم كلها اتكلي بارك الله بيك والله يوفقك بس البارحه سمعت حجي مال سنه ليكدام كلها تدعي عليه وعلى اهلي كلسع ايكلولي الله لايوفقك وانت ماعندك انسانية واني اتمنى اسويلهم حل بس ماكو حل بالسبعه الصبح الطوارى عباره عن مرضى مكسبنه واسره ماكو والطوارى كلها بلت وRTA والبقيه ترجع صعبه من انفيرير MI ( جلطه قلبيه)يتمدد على الكاع بنص المين هول لان ماكو مكان اتخيلوا اكوم وحده هيباتك انكفيلاوباثي علمود اكعده بمكانه صعب من ستروك ( جلطه دماغيه)وتايرد يرجع رقعه جغرافيه لان اتخيلوا حتى الكرسي اللي يدفعون بي المرضى ماكو صعب من يوصلك واحد كوفيد ستينات او خمسينات ومايلكه مكان سنتر اوكسجين لان مقبطه وتركض اجيب القنينه وبالنهايه تصفن وين تحطه ! ماكو مكان !
