في رحاب اهل البيت عليهم السلام المجلس الثاني ..... لطميه ..... ناديت واجذب الونه يهلال بين حزنه .......... يهلال شهر الفاجعة بيك الدهر يرميني بيك افكد أهل واخوتي وبيك العدو يسبيني يهلال هلت دمعتي لمن نظرت بعيني ذبح الاهل ذبح الاخو وأنه شنو اليلفيني يهلال شهرك فجعنه ناديت واجذب الونه ........ يهلال دلالي انفطر من شفت هل ا هلالك يهلال والبست الحزن ومتغيره شفت احوالك حسيت بالام او محن وشفت الحزن يبرالك شفتك تون لحالتي ونيت انه لحالك يهلال سلم اهلنه ناديت واجذب الونه ....... يهلال حاجيني صحت وخبرني عليجرالي احتار انه وعيلتي لمن يطيح الوالي ولمن اخيامي تنحرك وينهتك خدري الغالي اصرخ بصوت الفاجعة هبطت رأس العالي يهلال يجري دمعنه ناديت واجذب الونه ......... يهلال عباس النفل تنكطع بيك اجفوفه وامشي واعوفه علترب وروحي عليه ملهوفه واشبيدي وأنه امحيره وبعيلته مكلوفه وناديت يانور البصر بدمعاتي المذروفه يهلال هو الكفلنه ناديت واجذب الونه ...... يهلال شبان الزهت علترب تالي نومه جسام عريس الحسن متغيرات ارسومه هم شفت عريس اويون وحنته من ادمومه ومنصته بدم وترب منصوبه وسط الحومه يهلال زفه حزنه ناديت واجذب الونه ........ يهلال الأكبر ينذبح وعلترب يبقه دمه وحسين ضلعه منحني واشلون حالة امه تحاجيه وتسجب للدمع ونوبه تفرفح يمه يمه يشمعه دنيتي يمه يالاكبر يمه يهلال حاله صدعته ناديت واجذب الونه ....... يهلال عبدالله الطفل لمن النبله تفطمه يرفع اجفوفه للسمه وللسمه يرمي دمه وبوسط حزنه ولوعته وخوفه لا تسمع امه يحفر كبر ويوسده وللباري يشكي همه يهلال بيك انصدعنه ناديت واجذب الونه ....... يهلال تاليها تضل روس الاهل ويانه واليحدي بينه ياشهر زجر وشمر واعوانه بس العليل بياوضع من علته واشجانه يكفكف ادموعه بالقهر ويبجي ويون لبجانه يهلال گيده نحلنه ناديت واجذب الونه ...... الحاجة ام احسان كتاب مجالس الثقلين ج1 لطفا لا تحذف اسم الشاعره @A1993BC #الناشرالحسيني_حسين_جاسم_الطائي 40 views20:32
