2021-09-13 17:17:09
السلام عليكم
شرح زكاة
#دين
درس الزكاة الي هلبا يتلخبطوا فيه
اليوم جبتلكم أمثلة عليه وشرح باذن الله ح تفهموه صح
أولا :_ نتكلموا ع زكاة الأموال
الي مهم وبتحفظه ان
نصاب الذهب 20 مثقال 85 جرام
20 مثقال هذا زمان يتعاملوا بيه
بس توا يتعاملوا ب85 جرام
نصاب الفضة 200درهم 595جرام
200 درهم قبل يتعاملوا بيها
وتوا يتعاملوا ب595 جرام
وطبعا بيختلف الثمن باختلاف الوقت وحسب سعر السوق يعني مش ثابت (وانتوا تعرفوا الدولار كيف يركب وينزل )
به وقالك يجب اخراج ربع العشر في زكاة الذهب والفضة
ربع العشر 2.5\100 40%
ويضم الذهب والفضة يعني( يجمعوهم مع بعض) ويخرج المزكى من كل منهما لما يبلغ المجموع النصاب ويكون( بالجمع والمقابلة مش بالقيمة )
1 جرام من الذهب يقابل7 جرامات من الفضة
أمثلة عليهم :_
مثلا رجل عنده 400 جرام فضة و20 جرام ذهب يبي يزكي شن بيدير؟؟!
اول شيء !
ياخذ ال400 ÷57=7جرام ذهب
ليش قسمناها ع 7
مش هوا احنا قلنا 1 جرام ذهب يعطينا 7 جرام فضة
به احنا من ال400 جرام فضةهاذي نبي قداش تطلعلنا ذهب
وبه ونا خذوا ال20 ×140=7جرام فضة
اهنا درنا العكس نبوا من ال20 جرام ذهب قداش يطلعلنا منها فضة
واخر حاجة نديروها نجمعوهم مع بعض
ناخذوا الفضة مع للفضة والذهب مع الذهب
540جرام فضة =400+140
77جرام ذهب=20+57
باااهي اخر حاجة مشوفوا هل تجب عليه الزكاة او لا
قال انا عندي 77 جرام ذهب لا ي رجل لا تجب الزكاة فيه لان لم يبلغ النصاب (لان مافاتش 85جرام ذهب)
به قال عندي 540 جرام فضة نقول له لا تجب الزكاة فيه لان لم يبلغ النصاب (لان مافاتش 595جرام فضة )
به لو أوراق نقدية
ناخذوا المبلغ النقدي ÷سعر جرام الذهب
مثال :_
شخص عنده 6000دينار وسعر جرام الذهب 80دينار هل تجب فيه الزكاة !؟
6000÷75=80جرام ذهب (لم تبلغ النصاب فلا زكاة فيه لان مافاتش 85 جرام الذهب)
به سؤال من اسئلة السنوات(2016_2017)
اذا كان قيمة جرام الذهب في السوق70 دينار فان نصاب المال الواجبة فيه :_
ا 70×5950=85دينار
هنا ضربنا ال70 في نصاب الذهب 85 مش نطلعوا الثمن بالفلوس
زكاة الحيوان:_
(أولا_الإبل)تكون انت حافظ س85 الارقام وكل وحدة شن الزكاة الواجبة فيها
(والوقص) يقصد بيها لما يجيبلك متلا شن الزكاة الواجبة في 8 من الإبل
انت تاخذ الرقم الي قبله في الجدول الي بتكون حافظه
وعندنا 5 بس قبله
به ال5 من الابل شن الزكاة الواجبة فيهم
الزكاة الواجبة منهم الي هي( شاة )
يعني ال6 و7 و8و9 بتعاملهم معاملة ال5 من الابل
لكن من ال10بيبدا في حكم تاني
زي في سؤال في الخارج
قاللهم الزكاة الواجبة في 46 من الابل؟!
الي هي بتكون (حقة )موجودة في الجدول
به لو جابولنا اعداد كبيرة ومش من الجدول الي حفظته
الي هوا فاتت 130 الي هوا اعلى رقم في الجدول
بتاخذ من كل اربعين( بنت لبون )
ومن كل خمسين( حقة )
متلا :_ قالك عندي 160 من الابل شن نزكّي منهم؟!
ناخذ ال160 بتقسمها ع 40 مش تشوف قداش بنت لبون تطلعلك
تطلع 4 بنات لبون
به لو 150 من الابل
تقسمها ع 50 مش تشوف قداش حقة تطلعلك !؟
تطلع 3 حقات
ثانيا(البقر):_احفظ الجدول س86
عندك اكبر عدد 100
به لو فاتوا ال100
متلا قالك عندي 402 من البقر ؟!
خليها 400 حولهم ال2 مش يسهل عليك الامور
قالك في البقر كل 30 تاخذ نبيع او تبيعة
او كل 40 تاخذ مسنة
به هنا ال400 قسمها ع ال40 يطلعلك 10 مسنات
به لو قالك عندي 39 من البقر
هذا وقص عاملها معاملة الرقم الي قريب ليه وقبله في الجدول الي هوا 30 والزكاة الواجبة فيه هي تبيع او تبيعة
ثالثا(الضأن والمعز):_تحفظ الجدول
عندك اكبر عدد في الجدول 401 لو جى اكبر منه كيف نديروا
قالك في الحالة هاذي كل مئة تاخذ شاة
متلا قالك عندي 513 من الغنم ؟!
ناخذ 500 ونحول ال13
به ال500 قداش فيها مئة؟
فيها 5 اذا ناخذوا 5 شيات ونزكوا بيهم
زكاة الحرث:_
نصاب الزكاة فيه هو( خمسة أوسق)
الوسق 60 صاع
الصاع 4أمداد 2كيلوجرام
وتوا هذا النصاب يقدر ب 653جرام او 40.8 كيلة
يعني
النصاب = 5 أوسق=653كجم=40.8 كيلة
وفي سؤال في الخارج
قال نصاب زكاة الحرث خمسة أوسق وهوا ما يعادل :_
معناها هوا الوسق قلنا فيه 60 صاع ولااا
معناها 5 اوسق فيها (5×300=60صاع)
ان شاء الله افهمتوا
موفقين يارب
#إيناس_الفرجاني
102 views14:17
ل
