كان في واحدة بتحكي إنها يتيمة من وهي عندها 7 سنين ودخلت طب وات | مَا لاَّ نَبُوحُ بِةِ''.

كان في واحدة بتحكي إنها يتيمة من وهي عندها 7 سنين ودخلت طب واتجوزت دكتور وهي عندها 24 سنة

وبعد سنة من الجواز حصل مشادة عنيفة بينهم فضربها بالقلم فالبنت نزلت منهارة لحماها وقالتله " ابنك مد ايده عليا عشان مليش ضهر يحميني "

فنادى على ابنه وقاله : " أنت مديت إيدك عليها"
فقاله آه عشان ... ولسه هيكمل كلامه أبوه ضربه قلمين وقاله الراجل اللي ياخد قوامته في ضرب مراته يبقى مترباش وأنا عارف إني ربيت عيالي كويس وهند دي بنتي الرابعة واللي يزعلها يزعلني

وراح قايله " اطلع شقة أخوك وكان - أخوه متجوزش - واقعد فيها لحد ما مراتك تصفالك وراح باصص لها وقالها :
" حقك عليا أنا يابنتي وقولي إيه يرضيكي وأنا أعمله وأوعي تقولي إنك ملكيش ضهر تاني

بتقول وقتها انهارت في العياط وقعد أبوس إيده وبدل ما كنت بقوله ياحاج بقيت بقوله " يابابا "

ومن بعدها جوزي عمره ما زعلني ولا حتى مد إيده عليا وأهو حمايا مات من سنة وكل يوم بقعد أستغفر له وأطلعله صدقة

" الطيَّب أثره مبيروحش "

#علي_زهيري