قناة خطباء المنبر الحسيني

2022-08-31 20:58:50 #السيدة_رقية


ألا ليتَ الغريبَ يعودُ يومًا
لنخبِرَهُ بما فعل الفراتُ

فليس سواه للظمأى فراتٌ
وليس لنا سوى الحامي حياةُ

متى غابَ الحبيبُ أتت جيوشٌ
تُسَلِّبُنا ويضرِبُنا الطغاةُ

وما رحموا اليتيمةَ إن أتاها
أبوها في المنامِ وهُم حُفاةُ

فصاحت في الخرابةِ: "أين عمري؟؟
أتاني الآنَ تتلوهُ السِماتُ

أتاني نورُ وجهٍ لا يُضاهى
وفي رؤياهُ تُروى الصالحاتُ

وأجلسني بحضنِ العطفِ حُبًّا
وزوّدني بما يروي الأُباةُ

وقال بأنّهُ قربي عطوفٌ
فقرب الأهلِ تأتَمِن الفتاةُ

ولكن لست أدرك أن بقربي
يدور الرأسُ.. تحضنه القناةُ"

بهيئةِ عاشقٍ يفدي برأسٍ
أتى الحامي..تُبَسمِلُهُ الصلاةُ

وفي عينيهِ آهاتٌ تنادي:
"قليلَ الماءِ للأطفال هاتوا

ورفقًا بالصغيرةِ فوقَ رأسٍ"
فهل بالفقدِ تُختَبَرُ البناتُ؟؟

فقلبُ يتيمةٍ أضحى دليلًا
وحقَّ الشوقُ إن أهْلُوهُ ماتوا

رأت هولَ المصابِ فلم تَسعـْها
سوى -لِلقاهُ لبّتها- الوفاةُ

#حوراءنصرالله باز کردن / نظر دهید

2022-08-31 10:30:39 #طور_الفراق
#طور_مستهل_طيحت_ إيدك مو وقتها



︎...رقية تنتظر ابيها الحسين في خرابه الشام ، وصارت تبث حنينها وأنينها ....


واعدتني    .. هنانه يابويه تجيلي
واعدتني    .. بهالخرابه وتعتنيلي
واعدتني    .. ليّه تحضر يا خليلي  .. واعدتني


آيحزني    .. منهو مثلك دللتني
آيحزني    .. طفلة واحتاجك عِفتني
آيحزني    .. ريت وي موتَك خَذِتني  .. آيحزني


بإنتظارك     .. إرجع لبنتك يا غالي
بإنتظارك     .. ترجع وتِضوي الليالي
بإنتظارك     .. انظر لوجهك يلالي ..بإنتظارك

مِن اشوفه ..
شرايدة يا رقية اذا شفتي ابوك الحسين ..!!

مِن اشوفه    .. راح اقله هالمصيبه
مِن اشوفه    .. زينب الحره غريبه
مِن اشوفه    ..تمشي مكتوفة عجيبة  .. مِن اشوفه


خادمة أبي الفضل باز کردن / نظر دهید

2022-08-31 10:30:39 #طور_الجفيري
#نعي


︎....في تلك الليلة في خَربة الشام .. زينب متعبة مهمومه .. ارهقها درب السبي والجوع والعطش .. ارهقتها عيون الشامتين .. وكأني بعدما نامت الأطفال والنساء توجهت ناحية كربلاء تخاطب اخاها الحسين :


تقله شلون حالك يبعد الحال
من بعدك ترى بينه الوقت مال
صُفينه بخرابه افراشها رمال

يريت  الغاضريّه حلم والقاك
عساني بيوم عاشر متت وياك
حرام العيش يابن امي بليّاك

اهل الشام عدهم عيد وافراح
وانا بحزني عليكم واصفق الراح
سبايا ويضربونه بكعب الارماح

طور الجفيري :

ليل وخرابه وبس ونين
زينب تنادي ابكل حنين
ليلتنه هاذي اعلى التراب
محتاجة عطفك يا حسين

خويه عجيبه هالجره
نِسوانك إحنه مخدّره
غَصبَن علينه هالعدى
خَلّانه بالمجلس تره

#بعد الى من وجهت خطابها روحي فداها ..  لمن تبث شكواها ؛

صوب الوديعه البل بقيع
نادت تعاليلي بسريع
نقره النّواعي للحبيب
للرّاسه عالرّمح الرَّفيع

بعد المعزّة والدلال
يْدَخلونه مجلس للرجال
شحكي ييمّه اشقد صعب
وبزنودي مطبوعه الحِبال

عيوني ما نامت بالدّرب ( تعبانه يا ام الحسين ذبح ، وسبي ، وشماته، واويلاااه)

عيوني ما نامت بالدّرب
محتاجه اغفى من التعب
حِرسي ييمّه العايله
ولولي لرقيّه التنتحب


خادمة ابي الفضل باز کردن / نظر دهید

2022-08-30 22:03:56 #الاربعين

#تراث

رجوع ضعن الحسين يوم الاربعين

زينب يخوتي صاحت اجينه من اليسر جينه
ما تدرونه ابيا حال رحنه وبيش ردينه
ــــــــــــــــــــــــــــــــــــــ
ما تدورنه ابيا حال رحنه وبـيش اجيناكم
مـا والله علينه يهون على التربان عفناكم
بكت بكلوبنا حسره مشينه ولا دفناكم

ومـن الشام اجينـه اليوم
مضلومات للمضلوم
حله بعيون اخوتي النوم

واحنـه وكفت الـديوان بالشام او جرت بينـه
ــــــــــــــــــــــــــــــــــــــ
وصلت الشام مسبيه عسـاني لا وصلت الشام
الزلم ويه النسه طلعـت تتفـرج علـى الايتـام
جمـع ضـلام والنسوان تتراجف مـن الضـلام

ولا واحد من اخوتنـه
يحظر ويشوف حالتنه
بالديوان وگفتنه

يهل الشرف والغيره تاذيكم وتاذينه
ــــــــــــــــــــــــــــــــــــــ
ردتكـم يخوتي بالشام تحظرون وتشوفونه
بالديوان يالوليان والشمات هضمونه
وكل واحد من المجلـس علينـه شـابحه عيونه

وينادون يخت حسين
وين اولاد عمي وين
يزينب ليش ما تحچين

ننشد عـن اخـوچ حسـين وحمـاي الظعـن وينـه
ــــــــــــــــــــــــــــــــــــــ
ذيج السا صحت يحسـين العمر لا طالت ايامـه
يخويـه الشـام هد حيلي ودعاني الليل ما نامه
علـى يزيد الـرجس طبيـت وراسـك چـان جـدامـه

ويضرب راسك اكبالي
وهــيج نار دلالـي
صـحت لا تظرب الـوالي

عسـه شلت يمينك ليش تـظرب راس والينـه
ــــــــــــــــــــــــــــــــــــــ
يزيد ومـن سمـع حجيـي نهض سب والدي وسبني
بذاك المجلس الميشوم كام يريد يظربني
عمـت عيني الـدهر لشام عكب حسـين دولـبني

وعگب الخدر ذاك الفات
لني بمجلس الشـمات
يعود النه الدهر هيهات

وتعود اخوتي وبالخير تتعمر نوادينه
ــــــــــــــــــــــــــــــــــــــ
هم تعود الي يحسين حي وتعـود ايامك
انت السيد الجانت تحب الوادم اجدامك
امس واحد من أهـل الشام يتضرج على يتامك

وچانت يالولي نيته
بتك تخدم ابيته
حرمه وكمت رديته

وبجيت وصحت ، بالديوان خويه حسـين ذلينه
ــــــــــــــــــــــــــــــــــــــ
هذا الشام يبن امي مصايب بي شـفـت كثره
شوغه اشد من شوغه وجمـرة أشـد مـن جمـرة
مصايب كصـن ضلوعي وحك ضلع امك وكسـره

وهسا يالولي جيتك
بعيالك وأهـل بيتك
يبن أمي تمنيتك

عـدل وتشوف حالتنه ونحاچيك وتحـاچينـه
ــــــــــــــــــــــــــــــــــــــ
جيناك وتمنيناك حـي وتشوفنه بعينـاك
اوتشـوف اشلون يتهاون على كـبرك نساوينك
متكلـي يخويه شحال بـين أعيالـك وبينـك

ماني اختك المضلومه
وعيالـك المهضـومه
نمـت عـنهم فرد نومـه

شكول أنسـيـت يبن امي عـزيـزة كلبـك سـكينه
ــــــــــــــــــــــــــــــــــــــ
لا والله اعتذر ما كول اخـوي حسين ينسـانه
اخـوي الشـرف والغيره وحفـظ الـخـدر مـن شـانـه
لا چـن صـار ذاك الصـار وبهالحـال خلانـه

اخـوي ومـا لـوه جيـده
وللذل مـا يمد ايده
يخسه العدو وتهديده

اخـوي بمهجتـه ضـحه وبعيالـه لجـل دينـه


الحاج المرحوم مُعين السباك

#اللهم_عجل_لوليك_الفرج باز کردن / نظر دهید

2022-08-30 15:47:14 #السيدة_رقية

لسان حال رُقَيَّه تُخَاطَب أَبيهَا الْحُسَيْنِ عَلَيْهِ السَّلَامُ

ضَلَّت رُقَيَّه اتنوح بحَسْرَه وَدَمْع مَسْفُوح
ضَلَّت رُقَيَّه تنوح
★★★★★
صَاحَت يبويه حسيْن.    وينك ينور الْعَيْن
يابويه غايب وين . عَنْ عَيْنِي  تَالِي ترُوح
★★★★★
يلماعليَّ رَدِّيت . سَالِم تَجِئ اتمنيت
عَلَيْك شكثر وَنيَّت . وَنَّت حَمام الدَّوْح
★★★★★
وين انْتَه يارجواي . گالو رحْت للماي
عَنْك سئِلْت اهواي . وهاي الْمَنَايَا تَلُوح
★★★★★
ليش أَصْبَحْت مفگود . بكل خَيْمَه ماموجود
بگلبي أَمَل مَشْدُود . . انْتَه وَحَيَاة الرُّوح
★★★★★
فراگ الابو چتال . يزِيد الهظم بِالْحال
مِن اتهدَّم الدَّلَّال . مِنْ الْهَمِّ بنيت اصروح
★★★★★
يابويه يلمهيوب . گلبي عَلَيْك ايلوب
خَوْفِي ابرمح مصيوب لوبالسهم مَجْرُوحٌ
★★★★★
نار وزلم وسهام . . وانوبَّه حرگ اخيام
يلمرعب الظْلَّام . كلّ خوفِي لامذبوح
★★★★★
لاحس ولا أَنْفاس   . لا انْتَه لاعباس
التمَّت علينه النَّاس . عفْت الْحَمْل مَطْرُوحٌ

الشاعر حسن لعيبي الحريشاوي باز کردن / نظر دهید

2022-08-30 15:47:06 #السيدة_رقية

نعي
لسان حال رقيه تخاطب والدها الامام الحسين عليه السلام

عگب ذاك دلالي الحال مهظوم
يبويه عليك أصبَّح چنت كل يوم
ياخدري ودلالي  مووكت نوم
يلوجهك سمه وضحكاتك انجوم
صدگ بويه ذبيح ومالك ارسوم
طحت وعداك يمك ظلت  اتحوم
هذا الظيم اليه وين  مظموم
يبن حاكم الناس اتصير محكوم
صدگ راسك يبويه بسيف مهشوم
وفوگ الرمح وجهك ينزف ادموم
نَهابَّه   لفت  لحمولنه . الگوم
بيرغنه  تگول الناس ملموم
وبصف الخيم مطحونه الجسوم
يدين الله  بغيابك  صار مثلوم
يروح المصطفى ونوره يمعصوم
خلافك بويه صار الحيل مهدوم
اتاني الموت  واخلص من الهموم

الشاعر حسن لعيبي الحريشاوي باز کردن / نظر دهید

2022-08-30 15:44:59 #الشام
القصيدة-3-

وراحَت بناتُ الوحي ِّللأسرِ حُسّرا
وشمرُ الخنا للشام ِفيهنَّ قد سَرىٰ
وفوقَ نياقٍ عُجّفٍ دونَما وِطا
رَكِبــنَ فأينَ الهاشميونَ يا تُـرىٰ !
وزينبُ بعدَ الخدرِ تُمسي سبيةً
وعباسُ جنبَ النهر ِ ثاوٍ وما دَرىٰ !
بأنّ اختَهُ مابينَ باغٍ وشاتمٍ
مُعَنّفةٌ والسوط ُ في المتنِ أثّـرا
وقد فارقَت سبطَ الرسول ِوجسمُهُ
طريحٌ عفيرٌ لا يزال ُ على الثرىٰ
فودّعَت ِ الإخوانَ لكن ْ رؤوسُهُم
تُرافِقُها والوضعُ يُدمي النواظِـرا
ليالٍ وأياماً تَسير ُ بغربة ٍ
ووجهُ ابنَة ِالزهرآ سريعاً تَغَيّرا
وسيقَت إلى قصرِ الطليقِ وإنّـها
لَـتخطو حيآءً ثم تمشي تَـعَّثُراً
ولكنّها تأبىٰ الخضوعَ لجورِهِم
وقد قرَرّت في الحالِِّ أن تتَصَبَرا
ومازادَها وَجداً سِوىٰ أنها رأَت
يزيداً ثنايا السبطِ بالعودِ كسّرا
فأنّت ونادَت يابنَ أمي ووالدي
وقلبٌ لها مُذ شاهدَتُه ُ تفَطَـرا
أخي ياحسينٌ ليتَ حانَت مَنيّتي
ولم أر َ ذا الباغي عليكَ قد اجتَـرا
تُعاتِبُه ُ عتب َالأخوة ِ قاسياً
لها الكون ُمن ذاكَ العتاب ِ تَكَدَّرا

#سمير_الصالحي
#البصرة_الموالية

نعي متنوع الأوزان
شكوىٰ العقيلة من آلآم ومآسي السبي
وطريق الأسر للشام بصحبة الأعدآء
نعي-مجردات

درب اليسر گطع دليلي
وراسك گبالي يهِِّد حيلي
ولحد اليفزعلي ويجيلي
وظل عالنهر نايم چفيلي
—————————
نعي - مجردات

ماحسَّبت للشام أوصل
يحسين واصعد نوگ هزَّل
وآني العقيلة وما اتحمّل
ومااظن مروتك هيچ تقبل
بحادي الظعن حيف اتوسل
چا وين عني الي تِكّفل
نام وعليه عيب يسأل ..

#سمير_الصالحي
#البصرة_الموالية

—————————————-
نعي مجردات

طبيت للمجلس اسيره
ومجتفه واني الاميره
بحبال خويه مستديره
لن النذل بايع ضميره
بكصره تطب وادم جثيره
تتفرج وما عدهه غيره
من شافني جناحي كسيره
مفجوعه والحاله خطيره
وسط الطشت راسك يديره
صديتله بحركة چبيره
كتلك يبن خيرة الخيره
يحسين ياشيخ العشيره
لحگ تره زينب بحيره
خدري انهتك ماليش غيره
—————
بحر طويل
راسك يبن حامي الحمه
بالطشت خلاه
وبخيزرانه هل رجس
يضرب ثنايا
محد نغر من ساعته
ولحد تدناه
ياوسفه هاي الناس
لا مذهب ولادين

لني اشوفك ياحسين
ابن الزچيه
بعيونك تصدلي
وتذكرني بوصيه
حفظي يزينب عيلتي
اوياهم رقيه
وزين العباد برگبته
مگيد و الايدين

#سمير_الصالحي
#النجف_الأشرف
—————————-
نعي مجردات

للشام جد السير بيه..........
وميسره لبن الدعيه .......
بحبال مچتوفات اديه ......
مامش بگت عندي تچيه ......
ولا ظل ولي ينغر عليه ...... ..
وين إخوتي سباع الثنيه ......
لا خوان وانه الهاشميه ......
وراسك يبن خير البريه .....
ابطشت الذهب جابو هديه......
صديتله بعبره جريه ......
ملزوم اَسمَعك هلشچيه ......
ترضه نطب ديوان أميه ......
وصاحو عليه خارجيه .....
لمن سمعت الشتم بيه .....
حنيت وبدمعه خفيه .....
كتلك يبن حامي الحميه ......
انه الخدر عنوان اليه .....
وجدي رسول الله ونبيه ......
وعودي علي وامي الزچيه .....
يحسين أذوني اذيه .....
بكلبي تظل نارك سريه .....
—————-
بحر طويل
يحسين تدري بالخدر
راح ودلالي
وسفه عله زينب
تراني هذه حالي
مكتوب اظل بعدك
يخويه بغير والي
نمشي حرم وايتام وي اجناب ترضون

خويه الاشد واصعب
عليه فكد الاحباب
شنهوالبصر يحسين
كلبي من الحزن ذاب
عن عيني يبن المرتضى
شخصك فلا غاب
يبن الزچيه الطاهره و يانور العيون

#سمير_الصالحي
#النجف_الأشرف
‏ باز کردن / نظر دهید

2022-08-30 15:44:28 #الشام
الشام_والسبي

أروح ميسره ومچتوفه لارض الشام
وآني الچنت اميره وأهلي الحكام

محشومه چنت والخدر عنواني
فخر هاشم أنه وبجال خُواني
وسافه اعله الدهر تاليهه خلاني
سبيه وعل الهزيله بولية الظلام

على الهزل مشيت بلا ستر وگناع
وخدر بيت الوحي بطيحة الكافل ضاع
محد ينتخي ولحد يجي فزّاع
يفكني وما أظن ترجع بعد لايام

ما ترجع ايام الچانت ابالي
زينب آني محد شاهد اخيالي
وين اهل الرحم تتفكر لحالي
بت حيدر عجيبه بيا وكت تنضام

عجيبه انهضم واسمع كل حچي الشمات
اويصيحولي يزينب شو كفيلچ مات !!
وتسيل بحرگه من عيوني الدمعات
واعاين بس عليل اويه النسه وايتام

نساوين ويتامه وآني احاميهم
وعگب عباس صار الشمر حاديهم
ومحد لو بچوا ويلا ااا يخليهم
وجرح سبيي يعالم أبد مايلتام

هيچ اولاد حيدر روسهم برماح !
واشوف الشام گامت تعلن الأفراح
ويزيد الكفر من جابونا ظل مرتاح
وآني ملوّعه ومني الگلب محتام

#سمير_الصالحي
#البصرة_الموالية باز کردن / نظر دهید

2022-08-29 21:31:39

اللهمّ احمِ العراق وشعبه، واحفظهم، وفكّ ضائقتهم وفرّج عنهم.
اللهمّ وحّد كلمتهم، واحفظ مرجعيتهم، بحق الطاهرين المدفونين في أرجاء العراق، إنك أرحم الراحمين. اللهمّ وصلّ على محمّد وآله الطاهرين باز کردن / نظر دهید

2022-08-29 09:02:57 أعظم الله اجوركم
*١ صفر ذكرى مصيبة دخول الركب الحسيني الى الشام*
*وفي هذه المناسبة نضع بين ايديكم روابط لقصائد ومجالس تعينكم لإحياء هذه المناسبة الأليمة*

‌ ⁩ *قصائد الدخول الى الشام*
https://t.me/manbarhoysayne1/19372

*بالإضافة الى الضغط على هاشتاغ*
#السبي #الشام #السيدة_رقية

*مجالس*

‌ ⁩آلام دخول السبايا الى الشام
https://t.me/majalesmanbar/1150

‌ ⁩لقاء الامام زين العابدين عليه السلام مع سهل الساعدي
https://t.me/majalesmanbar/344

مجلس مصائب السبايا في خربة الشام(من الارشيف)
https://t.me/majalesmanbar/319

مجلس السبايا في الشام خطبة الامام زين العابدين ع
https://t.me/majalesmanbar/313

مجالس شهادة رقية عليها السلام

https://t.me/majalesmanbar/1551

كوريز بعد حديث الكساء لقاء السيدة زينب ع بهند زوجة يزيد لعنه الله
https://t.me/majalesmanbar/415

كوريز من دعاء كميل لمجلس السبايا في خربة الشام https://t.me/majalesmanbar/357


نسألكم الدعاء باز کردن / نظر دهید