انت عارف ان فيه مواقع وبرامج بتقدم خدمات رهييبه فعلا وانت لسه | Manjmy منجمى
انت عارف ان فيه مواقع وبرامج بتقدم خدمات رهييبه فعلا وانت لسه مش عارفها ولا بتستفييد منها
دي شويه مواقع عنب تابعها كل يوم ومش هتندم
1- mutaz program
نبتدي مع الكينج الكبير مع اشهر المواقع على الاطلاق لتحميل البرامج
هتلاقي الاف البرامج المجانية كما ولو كنت بتحصل عليها من الشركات المقدمة لها دون انتهاك لحقوق الملكية.
وبمجرد دخولك إلى الموقع هتلاقي كمية ضخمة من برامج ويندوز مصنفة بحسب الاختصاصات ومهيأة للتحميل بشكل مباشر من خلال خوادم مباشرة تدعم الإستكمال،
بحيث لو انقطع الإنترنت عن جهازك ممكن بعد كده تستخدم ميزة استكمال التحميل الموجودة في برامج إدارة التحميل، مثل: IDM أو EagleGet.
2- giveaway
الموقع ده بقى مش واخد حقه زي الموقع الاول
متخصص بردو فى تحميل برامج الويندوز والماك والاندرويد والالعاب
ولكن الي بيميزه فعلا ان فيه برامج كتيره مدفوعه ممكن تلاقيها مجاناً لانه يوميا بيعمل عروض على التطبيقات والالعاب المدفوعه مجاناً.
3- factslides
الموقع ده بقى من امتع المواقع الي بتقدم حقائق سريعه بسيطه فى كل المجالات تقريبا
كل الي عليك انك تدخل على اي مجال عايز تتعلمه وهوا ببساطه هيقدملك لك الخلاصه
4- dictation
الموقع ده باختصار هيساعدك فى تحويل المحتوى الصوتى الى مكتوب بدقه عاليه جدا جعلته يتميز على بقيه البرامج ده غير انه بيدعم اللغة العربيه.
وطبعا مفيد جدا للناس الي بتكتب مقالات كل يوم
5- virustotal
الموقع ده بقى بيعمل scan لاكبر عدد من الملفات ويقوم بفحصها بعدد كبير جدا من برامج ال antivirus مثل avast و svg و غير ذلك
6- sosav
الموقع ده بقى اكتشاف لانه هيساعدك ازاي تصلح و تعمل صيانة لجميع انواع الموبايل و الايباد والتابلت و ساعة ابل وسامسونج واجهزة البلايستيشن والايبود وغير ذلك , بالصور وبالخطوات ويقولك ايه الادوات الي ممكن تحتاجها.
7- photopea
الموقع ده بقى معروف جدا انه بديل الفوتوشوب الاقوى ومفيد جدا لاصحاب الاجهزة الضعيفه والي ماتقدرش تستحمل برنامج الفوتوشوب بكفاءة
لانه ببساطه بيقدم واجهة تشبه الفوتوشوب تماما بكل الادوات والامكانيات سهله الاستخدام ومن غير تحميل برامج
8- zamzar
الموقع ده بقى بيحويل كل الصيغ من صور او فيديو او صوتيات او ملفات وغير ذلك بسرعه وبدون اعلانات ومجانا
9- musclewiki
الموقع ده بقى ياسيدي اول ماتدخل عليه هيسالك ذكر ام انثي وهتعلم على مكان العضلة الي عايز تدريبها وهوا هيقدم لك كل التمرينات الخاصة بيها عن طريق بعض مقاطع الفيديو بالخطوات.
10 - dribbble
لو انت مهتم بالتصميم فلازم تتابع الموقع ده يومياً
لانه بيقدملك باستمرار الجديد فى عالم التصميمات
عشان تعرف كل ماهو جديد فى سوق التصميمات الخاصة بكل الانواع مثل تصميمات اللوجو والسير الذاتية والدعايا وكل ماهوا جديد فى مجال التصميم.
لينكات كل المواقع دي بالصور من هنا :- https://bit.ly/3C2wAYy
------------
ولمتابعه كل جديد بشكل مباشر تابعنا على قناه التليجرام
https://t.me/manjmy
