شويه حاجات كده لازم تركز فيها قبل ماتفكر تتعلم البرمجه ١. في | Manjmy منجمى

شويه حاجات كده لازم تركز فيها قبل ماتفكر تتعلم البرمجه

١. في البدايه لازم تحدد هدفك
يعني ماينفعش تقول انا عايز اتعلم برمجة وخلاص . لازم تتخصص ف حاجه
ياما مطور تطبيقات الهاتف المحمول أو مطور تطبيقات ويب أو غير كده

٢. دور على لغات البرمجة التي تحقق لك هدفك في قائمة،
زي مثلا عشان تتعلم تطوير تطبيقات الهاتف المحمول يبقى يإما تتعلم جافا/كوتلن، أو بايثون أو جافاسكريبت أو غيرهم.

٣. وبعد ماتختار اللغة اختار المصادر الي تناسب المبتدئين

٤. قسم رحلة التعلم لخطوات صغيرة علي أيام.

٥. بعد ما تتقن لغة و تتعلم مفاهيمها البرمجية،
طبق عليها عملي فلو اخترت أنك تكون مطور تطبيقات الموبايل فحاول تعمل تطبيق يساعدك في أي أمر من أمور حياتك ..هتلاحظ أنك استخدمت لغة البرمجة الي اتعلمتها وفي نفس الوقت اتعلمت ال framework اللازم لبناء اي تطبيق.

٦. اهم حاجه ماتزهقش لو حسيت ان الموضوع صعب , أول خطوة دايماً بتكون الأصعب.
----------------------
وفي الاخر هتلاقي هنا اهم 3 مصادر لتعلم البرمجه من الصفر مجانا ومناسبه جدا للمبتدئين

اولا : تعلم علوم الحاسوب
هتلاقي كورسات كثيره للبدء في علوم الحاسوب و اشهر كورس هو كورس من جامعه هارفرد CS50
الكورس فعلا يعتبر بدايتك للكمبيوتر ساينس من الصفر شكل عام حتى لو ماعندكش اي فكره عن المجال ده

ثانيا :اهم المصادر المجانيه لتعلم البرمجه من الصفر من خلال اليوتيوب
دي تقريبا اشهر قناتين مناسبه جدا للمبتدئين
1- قناه اسامه الزيرو
2-قناه بغداد الجديده

ثالثا :اهم المواقع العالميه لاحتراف البرمجه من البدايه
1- موقع FreeCodecamp : يعتبر من أفضل مواقع تطبيق الي اتعلمته أثناء دراستك للبرمجة, فى أكتر من 7000 درس تعليمي وكورس على يد خبراء المجال.

2- موقع W3school : أهم مايميز w3school الأمثله وانك ممكن تجرب أي كود قدامك مباشره ويعتبر مرجع لا غنى عنه للعديد من المبرمجين

3- موقع Github : يعتبر موقع Github أكبر تجمع للمطورين في العالم، حيث يضم اكثر من 40 مليون مطور وبيحتوي على أكثر من ١٠٠ مليون مشروع

هتلاقي هنا كل اللينكات والخطوات مشروحه بالتفصيل من هنا :- https://bit.ly/3FTO7om