... تجميعة كويسة جدااا لشوية مواقع وأدوات مفيدة جدااااا هتسه | Manjmy منجمى

... تجميعة كويسة جدااا لشوية مواقع وأدوات مفيدة جدااااا

هتسهل عليك حاجات كتير وتوفرلك وقت كبير ..

1 - كلنا عندنا فيس بوك وإيميل وكذا أكونت على مواقع مختلفة .. المشكلة اللى بتواجه الكل
وهى السيكيورتى .. وازاى أضمن أن محدش يقدر يتعدى على خصوصياتى أو ايميلاتى .. بالتأكيد الخطوة الأولى لدا هى الباسوورد .. طب أزاى أعمل باسورد قوية بحيث تصعب الموضوع على أى هاكرز بيحاول يكسرها .. سهلة يا كبير أدخل الويب سايت دا :
https://howsecureismypassword.net/
اكتب الباسوورد اللى انت عايز تعملها ... وتحتها هايكتبلك لو حد فكر يكسر الباسوورد دى ممكن ياخد وقت قد ايه .. وكل ما كانت المدى أطول كل ما كانت الباسوورد بتاعتك قوية جداا
2 - تعبت من كتر برامج تحويل الملفات من صيغ إلى صيغ أخرى ... طب عايز تحول ملفات ال Word- Exel - PDF والكتب الاليكترونية وغيرها لصيغ اخرى او لنفسها ...
طب كل ملفات الصوتيات وكل ملفات الفيديو وكل الصور بصيغها المختلفة ..
هتلاقى كل دا فى الموقع الرائع دا .. كل اللى عليك اختار هاتحول من صيغة ايه ل صيغة ايه واختار الملف الموقع هاحوله وتعمل له دون لود فى الحال ..
بدون أى برامج ولا مشاكلها :
https://bit.ly/3t2b3xR

3 - معاك لينك فيديو على
YouTube, MegaVideo, Dailymotion, Metacafe, Veoh
او أى موقع مشابه لهم
ومحتاج الصوت اللى فيه MP3
هتلاقى فى الموقع دا اللى انت عايزه .. اديله اللينك فقط وهيعملك دون لود لملف الصوت بس :
http://www.vidtomp3.com/index.php

4- ركز بقى معايا هنا .. الأداة دى مفيدة جدااا وخصوصاً للناس اللى ضعيفة شوية فى الإنجليش
وبتشتغل فى أماكن بيستخدموا فيه الإنجليزى كلغة رسمية فى المراسلات
بتعمل ايه بقى دى .. دى يا سيدى بتصححلك أخطاء الكتابة واخطاء القواعد اللغوية أثناء كتابة أى شيىء ... لها اكستنشن بتنزل من الجوجل كروم .. هتلاقيها معاك فى أى ويب سايت ممكن تكتب فيه .. زى ايميلك مثلاً أو فيس بوك أو اى حاجة بتكتب فيها
ولها كمان " Add on " مع مجموعة ميكروسوفت أوفيس
https://www.grammarly.com/?AT3663=4
------
5- اما ده بقى موقع لمدرس أمريكي بيشرح اللغة الانجليزية من مستوى A B C من غير كورسات ولا فلوس
كل الي عليك تمسك ورقة وقلم وسجل المعلومات الجديدة .. بطريقتك الخاصة لكي
اذا انتهيت كل يوم من 4 دروس في حوالي نصف ساعة…
هتخلص المجموعة كلها في حوالي
شهر ونصف بحد أقصي شهرين…
من هنا :-
https://bit.ly/3svcVPz


5 - عندك كتاب او وثائق مصورة أو أى حاجة عملتلها " Scan " وعايز تحولها لملف مكتوب زى الوورد او PDF .. من هنا يا بشمهندس .. ارفعله الصورة وهايحولك الكلام اللى فيها لكلام مكتوب تقدر تعدل عليه زى ما انت عايز .. الموقع يبدعم كل اللغات تقريباً .. احمم ... عدا العربى للأسف .

http://www.onlineocr.net/


6 - شغال فرى لانس "مدخل بيانات " ؟ .. أو شغلك بيتضمن كتابة كتير ع الكمبيوتر ؟؟
طب عايز تحسن سرعة كتابتك على الكيبورد ؟؟ .. عايز تعرف أصلا سرعة كتابتك قد ايه ؟؟
من هنا يا كبير ... الويب سايت دا من أفضل المواقع اللى شوفتها
تقدر تعمل اختبار أول ما تدخله .. هايديك قطعة تكتبها وهايحسبلك فى خلال دقيقة انت كتبت كام كلمة .. ويقولك مدى سرعتك
طب أنا سرعتى ضعيفة وعايز أحسن من نفسى .. بسيطة .. فى كورس كامل على الموقع من البداية لتحسين سرعتك خطوة بخطوة
https://bit.ly/3JL4i9r

لا تنسونا من صالح دعائكم وجميع من ساهم بنشر العلم
#شير_فى_الخير #Genius_Tech #OSL
by
Mohamed Saee