عارف البطاقة اللي معاك ,,,, ايوة اللي شكلك فيها وحش دي عارف | Manjmy منجمى

عارف البطاقة اللي معاك ,,,, ايوة اللي شكلك فيها وحش دي

عارف أنك ممكن تستفيد بيها بما يساوي الاف الجنيهات تبقى تحت تصرفك
قوم هاتها جنبك الاول وتعالي ماتبوصش علي صورتك
ندخل في الجد بقي


انت معاك صلاحيه جامده جدا عن بقيه دول العالم

لان بلا فخر الموقع مش بيفتح غير ف ام الدنيا

يعني لو انت مواطن مصري

ف لازم تعرف عن حاجه اسمها بنك المعرفه المصري

الطبيعي ان اي حد فينا عايز يبحث عن معلومات او كتب بيبحث عن جوجل

ده لو انت مش مصري

لكن لو انت مصري فالدوله عاملالك موقع اسمه (بنك المعرفه المصري ) فيه تقريبا كل الكتب و المقالات اللي ممكن توفر عليك جهد البحث علي جوجل والتصميم بتاعه جميل جدا وسهل في التعامل معاه

هاتسجل باسمك والبريد والرقم القومي وهايبعتلك رساله علي البريد لتفعيل اكونتك وبس كده

هتلاقي هنا طريقة التسجيل في بنك المعرفة المصري ekb للطالب والمعلم والباحث باخر تحديث :-

https://www.manjmy.com/798

مبروك عليك الاكونت الجديد في اكبر مكتبه الكترونيه في العالم

****

ده لينك الموقع وركز كويس في الجاي

http://www.ekb.eg

الدوله عملت اتفاقيه بملايين الدولارات من اجل نشر البحث العلمي و العلم عموما مش متاحه

غير ليك ك مواطن مصري ليك رقم قومي

الاتفاقيه دي مع معظم الجامعات تخليك تقدر تدخل للجامعات ديه وتاخد المحتويات اللي بفلوس عندهم وبيقدموها

للطلبه عندهم وتخليك تاخد كل ده مجانا بشرط تكون مصري ومعاك بطاقه

افتحه هتلاقي الاتي

مقسم لاجزاء الاطفال — الطلاب — الباحثون —الزوار العاديين

هتسجل تبع القسم اللي انتا فيه ولو انتا باحث لازم تسجل من الجامعه بتاعتك وتدخل علي

الحساب مره علي الاقل كل 90 يوم من الجامعه والباقي براحتك من البيت

خلاص سجلت وكله تمام التمام ,,,هتلاقي بعد كده علامه السيرش

هتكتب فيها اي حاجه انتا عاوزها وتعمل بحث — استني ثواني — هيوصلك احدث الكتب

والمقالات والفيديوهات

اللي موجوده في الجامعات اللي عامله الاتفاقيه ومع المؤسسات الكبيره لدور النشر اللي عشان تاخد اي كتاب

منها مش هتلاقيه غير علي امازون بفلوس محترمه

نزل الكتب والفديوهات وعيش يامعلم

لو أول مرة تعرف المعلومة أو عجبتك أكتب تم أو أعجبتني في كومنت واعمل شير للبوست لتساعد في إنتشار المعلومة

تابعونا على التليجرام
https://t.me/manjmy

By : Noura Bassem