2022-03-01 23:12:00
لكل واحد حابب يبدأ فى مجال البرمجة وتايه ومش عارف يبدأ منين وازاى يركز هنا معانا
الكورس إن شاء الله هيبدأ من الصفر يعنى لو متعرفش أى حاجة عن البرمجة و الكمبيوتر يبقى الكورس دا أفضل اختيار ليك
هنتكلم فى الأول عن أساسيات الكمبيوتر الى تخص البرمجة من ناحية الــ Hardware والــ Software وبعد كدا هندخل على أساسيات البرمجة وفى النهاية هنختم بالــ Object Oriented Programming وخلال الكورس هنطبق بالــ ++C
وعلشان نكون مشيين على الطريق الصح لازم يكون فيه مرجع للمعلومات الى هنقدمها فى الكورس وعلشان كدا هنشتغل من كتاب
Introduction to Programming with C++ 3rd International Ed
وهنمشى معاه صفحة صفحة بالترتيب وبالأمثلة والتفصيل
https://www.amazon.com/Introduction-Programming-International-Daniel-Liang-ebook/dp/B00IZ0BDE4
كمان هيكون فيه Quizzes بسيطة خلال الفيديوهات الى هتنزل وهتابع أسئلتكم وتعليقاتكم على الفيديويهات على اليوتيوب والقناة
وهيكون فيه Project او اتنين سواء انا الى هنفذه خلال الكورس او انتوا الى هتنفذوه علشان نتعلم ازاى نفكر ونطبق وبالنسبة لإجابات الــ Quizzes و الــ Projects تقدروا تبعتوها على الميل هتلاقوه فى آخر البوست
حاليا أنا بسجل الفيديوهات وبنزل من 2 لـ 3 فيديوهات يوميا على القناة والكورس هيكون مدته حوالى 4 شهور تقريبا ومتنسوش تعملوا Subscribe للقناة علشان تتابعوا الفيديوهات أول بأول
أما الى هيتابع الكورس بعد ما يخلص خالص بردو ميقلقش خالص هفضل متابع التعليقات والــ Mail وأى أسئلة توصلنى فى أى وقت
كمان لو لقيت أقبال على الكورس دا ممكن نعمل تصويت على مجموعة كورسات تانية ونتوكل على الله فى الكورس المطلوب أكتر
أخيرا هدفى من الكورس أنك تكون خارج فاهم برمجة كويس وقادر أنك تفكر وتكتب كود صح وتقدر تحلل أى كود تشوفه وتفهمه من غير متشغله حتى وكمان لو عندك مشكلة ازاى تقيم الحلول المطروحة ليها وتقرر أفضل حل يناسب الــ Software بتاعك وفى النهاية من خلال الأساسيات الى هتتعلمها فى الكورس تقدر أنك تتعلم أى لغة تانية وتشق طريقك فى المجال بسهولة
لينك الكورس
Introduction Video:
Course Playlist: https://www.youtube.com/playlist?list=PLqItuIAASZlNwE5k-Ju0x_HvUjetr0Fi4
لغاية هنا كفاية كلام عن الكورس وهكلمكم عنى أنا أحمد مطير وشغال حاليا Development Team Leader وخبرة 6 سنين كــ Full Stack Developer واشتغلت فى مشاريع مختلفة وكتير مع شركات كبيرة ومش هطول عليكم كتير من كدا ولو عايز تعرف اكتر الــ Linkedin بتاعى فى آخر البوست هتلاقوا عليه كل شغلى
أخيرا الكورس زى مانتو شايفين مجانى 100% وهدفي منه هو زكاة عن علمى واني أساعد وأفيد الطلبة والشباب الخريجين بخبرتى و أوجههم للطريق الصح وكمان أنا موجود فى أى وقت لو أى حد عايز يسألنى عن حاجة سواء تخص الكورس او عموما تخص المجال والشغل وسوق العمل ممكن تسالوا فى التعليقات وقبله متنسوش Like و Share و Subscribe ولو ليكم صحاب او حد ممكن يستفيد من الكورس ابعتولوا الكورس وشيروا البوست وافتكروا دايما "أن الدال على الخير كفاعلة" ولا تنسونى بخالص الدعاء وبالتوفيق للجميع إن شاء الله
Linkedin: https://www.linkedin.com/in/ahmedmater
Youtube Channel: https://www.youtube.com/c/AhmedMater2016
Email: ahmedmotair@gmail.com
Whatsapp: 01273024235
Twitter: @ahmedmotair
#برمجة #مبرمج #كورس #كورسات
1.1K views20:12