B A S S I ❤️.

2021-06-08 00:47:50 -قالو العرب لوّلا:
كونّ مزابي ولا تكونّ حسود. باز کردن / نظر دهید

2021-06-06 20:11:08 ف يوم ٨/١١/٢٠٢٠ قاعده ف العياده نرجا ف الدكتور عساس بيديرلي خروج المُهم جت عجوز قمعزت جنبي وانا م عنديش حيل نحكي ولا نقمعز حسيتها بتهدرز ،قعدت مقمعزه جنبي وكل مره تسأل فيا ع حاجه شن اسمك وكنك شن تحسي وكم عمرك وانتِ لمن واسئله لي هكِ،وهيَ من كلامها شرقاويه تقطير ولما سألتها قالتلي اعبيديه من البيضاء وانا م نتحملهش الدوه هذي،المُهم قالتلي شكلك غاويا قعدت نضحك قتلها صح ،تنهدت تنهيده طويله استغربتها انها تطلع من عجوز ف عمرها لانه ديما ردت فعلهن ع الحُب بأنه قطاف،قتلها تنهيدتك هذي وراها حاجه،قالتلي نحكيلك قصتي قتلها احكي،قالتلي انا البنت الوحيده عند هلي عندي خوت سته توفت امي وانا عمري13 سنه وخوتي كلهم ع روس بعضهم وصغار وانا زمان كنت غاويه ف واحد ينقاله غيث وين م نشوفه نخاف ونتحشم وانا م نعلمش انه هو غاوي فيا ولالا وانا كبرت ويجوني خطاب وباتي يرفض عشان نقعد معاه ومع خوتي وانا نحمد ف ربي لاجل نرجا ف غيث ،كم حد يجي وباتي يرفض لعند جا واحد ملعون بوه لي قناه ،يقرب ل باتي وجا قالي ل باتي نريد بنتك هنيه قاله باتي لا انت عارف لي هناك الوليه متوفيه وانا م عندي حد يشقى بيا وبعيالي غير هنيه قاله نزوجك وليه نعرفها وتقعد معاك كلا بنتك سيورها ماشيه وباتي اقتنع،جا خش عليا قالي را جا الحاج ونيس يريدك لولده وانا عطيتك له ،وانا اميه ساخنه تسلحب معايا م نقدر شي نقوله لا نا غاويه ف واحد،ازوج باتي وبعدها ب سبوع ازوجت انا وماني راضيه بلكل غير نصيب عدن عامات وعندي عيال وانا ف كل فرح نشتي ع غيث سمعت حتى هو ازوج ،بعدها توفا شايبي وعقبلي بنيتين وتلات شباب كبار بسلامتهم ،كلا بنيه لصغيره كانت مع خوتها لاتنين مروحين من المدرسه تدفسهم سياره توفو وقعدولي غير لبنيه ولوليد لكبار ازوجو وعدو وبعد فتره جاني خوي قالي ي هنيه تذكري غيث لي زمان يجينا وبعدها ازوج بعدك ب شهر قتله اها نذكره وانا من جوا"ماني ناسيته بلكل"قتله كنه توفا شي؟ وهو يقولي لا فارق مرته ويريدك انتِ تقعدي مع واشونه وانا بعيداً عنك م عاد عرفت روحي ف سماء لا وطاء قعدت نقوله ايش الكلام هذا بعد هالعمر تريدني نزوج مره اخرى ي عمر قالي ويش فيها مزلتي صغيره ،و افقت وازوجت غيث وهنا وين تريح بالي وقعدت عاد نعاني ف واشونه تقول عويلتي قعدت كل يوم نطلع ف شتاوي وغناوي ع النصيب ،واهو سيدك غيث قاعد مصادرك ،واللهِ ي بنيتي كان عندك نصيب ياخذك ياخذك حتى وانتو مقطوعين الرجا حتى بعد ستين عام،وختمتها عمتي هنيه بـ:

مَ هناك شي غلا مَ فيه..
مرجاااا طويل يـ عين اصبري.

لي كاتبها لك مولاك..
تجي لعندك مَ تخطاك.

بعد رجاي جابه القسم..
سعدي زين في دورة الغلا. باز کردن / نظر دهید

2021-06-06 20:05:21 -‏الشخص لي يبي يجي يصلح ما افسدهُ الاخرون ماعندنا بيش نقابلوه ، لي هناك عطيناها. باز کردن / نظر دهید

2021-06-06 20:04:04 -استغنينا و استكفينا و تعافينا ، نردو عليش؟ باز کردن / نظر دهید

2021-06-06 20:03:28 -مش لازم يكون عندك كتف تنسند عليه
أنهض روحك بروحك وفوت أمها عيشة المذرحه. باز کردن / نظر دهید

2021-06-06 20:00:29 -لي سيبك خليه في حاله ومع الايام حَ يعرف قيمتك وكل مَ تعرف ع ناس أكثر ويتعمق معاهم حَ يعرف قيمتك اكثر ،خليه يتفرج ع أصحاب الملصحه والناس لي عندها أكثر من وجه امشي وخليه الذكريات هيَ كفيله تعرفه والايام حَ تلف وتوريه إنه خاسر حاجه كبيره،
مش شرط يجي ويعترفلك بأنه فاقد وجودك ف حياته لكن ساد بينه وبين نفسه يقعد متأكد انه خسرك. باز کردن / نظر دهید

2021-06-06 19:59:13 -نقنه:
كان قسملي يزهىٰ حالي. باز کردن / نظر دهید

2021-06-05 03:38:51 -فينا لي يكفينا ..
نعيشو عقاب ايامنا خلينا..
بلا امواجعك.،
رانا بلاك ملايا..
هموم وغياض وواسقين سوايا..
ولا من يريد يقول عنا هايا..
وفينا الشامت دوم رافع عينه..
خلينا نعيشو شي ايام هنايا..
نكان ما تريد ادير فينا زينا. باز کردن / نظر دهید

2021-06-05 03:34:11 -شن الغايه من انك تخش حياة شخص تخربها وتطلع؟ باز کردن / نظر دهید

2021-06-05 03:32:40 -راهو لقطه عيب وبايخه وسخيفه انك تقرا الرساله من برا ومَ تردش حتىٰ انا زيك ندير فيها لكن هيَ عيب الحق. باز کردن / نظر دهید