2022-08-04 10:25:51
هات القلم واكتب من القول توثيق
وسجل من اللي بالعمر صار ويصير
بـعـض الـمـواقف كـنها بـلت الـريق
عـقب الـظما وتـعلمك دون تـفسير
يـاللي لشعري تتعب الكف تصفيق
ويـالـلي تـفـرق بـيـن واقــع وتـزوير
بـيـني وبـين الـخاطر يـدور تـحقيق
والـحـق اقـولـه دون سـبـه وتـبـرير
يـا خـاطري لا عـاد تحزن ولا تضيق
مــدام رزقــك حـافـظه رازق الـطير
الـواحـد الـلـي بـأمـره تـنام وتـفيق
الـلـي تـكـون بـأمره الـكون ويـسير
ومـدام حـولك مـن وجيه المطاليق
ناسٍ تضيق ان ضايقك موقف صغير
غــن وتـفـنن بـالـشعر والـطـواريق
لا يزعجك وان شفت بالوقت تقصير
ربـي كـفاك بـناسٍ ارسا من طويق
تـهـوا الـشكاله والـكرم والـمسايير
الله كـتبلك مـع هـل الـطيب توفيق
خــوت نـشـاماً مـاتـعد الـمـخاسير
اللي لهم في ساحة الطيب توثيق
ناسٍ على الفزعه. كما سالم الزير
عـز خـويا تـاقف لاجـل فكت الضيق
وعــز الـرجال وعـز يـا طـاري الـخير
تـم الـكلام الـلي مـن الخاطر يويق
وتـمـت حـروفٍ سـقتها گ الـدنانير
صـلو عـدد مـا غـمضت عين وتفيق
عـلى شفيع الخلق سيد التباشير
42 views بو هزاع الشحي, 07:25