صاحبتها نصحتها تخلع الحجاب علشان تتقبل ف الانترفيوا بتاع الشغل | يوميات مأذون ♥️🌸
صاحبتها نصحتها تخلع الحجاب علشان تتقبل ف الانترفيوا بتاع الشغل فوافقت ، وبعد ما قبلت فيه شرطوا عليها انها تلبس ميكروجب طول ال ٨ ساعات بتوع الشغل جوه الفندق فوافقت ، شافها مخرج سينما اعجب بجسمها وساومها ينتج لها فيلم مقابل ليله معاه فوافقت ، دخلت عالم السينما وبقت تلبس عريان وتقابل ناس وتقعد معاهم وهما بيشربوا خمرة عرضوا عليها فوافقت
قصه وهميه من تأليفي ملهاش تلاتين لازمه بس ساعات بتحصل معايا ومعاك ، لما نبدأ طريق التنازلات اللي بيبدأ بخطوه وينتهي معنا في سكه مكناش حابين نمشي فيها من الأساس ، وتقول أنا كنت داخل بجرب معرفش ايه اللي وصلني لكده !!
اللي وصلك لكده باب فتحته لنفسك علي سبيل الفضول والتجربة ومكنش لازم تفتحه
فاكر اول مره اتجرأت وكلمت بنت ، وشوف انت دلوقت فين
فاكر اول سيجاره شربتها وقلت اجرب وشوف وصلتك دلوقت لفين
فاكر لما فتحت موقع الإباحية علشان تجرب وشوف وصلك لفين
قال النبي " ويحك انك إن تفتحه تلجه ...
Ahmed Badr
