السلام عليكم ي عيت 47 اول شي الف الف مبروك لكل حد ربي وفقة  | Questions 47

السلام عليكم ي عيت 47
اول شي الف الف مبروك لكل حد ربي وفقة  بالنجاح وان شاء الله عقبال باقي السنوات
واللي ربي ما كتبلش
خليك على ثقه ان ربي كاتبلك شي افضل
في اشياء انت توا متشوفش فيهن
وربي كاتبهن لك فيهن  خير باذن الله
وهذي مش النهاية كلنا انتعثرو
اهم شي الواحد يوقف ويكمل مشواره
وربي ايباركلكم ويوفقكم يااارب
ثاني شي
رابعه
والحوسة اللي اتسير في بداية السنه
موضوع جديد ومواد جديده ونظام جديد
وكل حد مش فاهم شي
نعطوكم ملخص بسيط على بداية السنه
نظامكم انتو اول 6 شهور
حتاخذو فيهن باطنه وجراحه
اللي هنا مواد سنه خامسه وملهنش علاقه بسنه رابعه
كيف نظامهن ؟؟
هذني يعتبرن الجزئي امتاع الباطنه والجراحه امتاع خامسه
يعني تقراهن توا وتمتحن فيهن
ويسجلولك درجتك ويجمعوها لك في سنه خامسه ان شاء الله
كل مادة حتاخذ 3 شهور
حتقرا فيها موضوعين فقط لا غير
اللي هوا history اللي هوا كيف تاخذ
تاريخ مرضي من المريض
والشيء الثاني اللي هوا الexamination يعني كيف ادير فحص كلينيكي للمريض
يعني في 6 شهور مش حتقرى شي ثاني خاطيهن
في خامسه ان شاء الله
ايكملولك الباقي اللي هوا
الinvestigation والmangment
المهم
اكيد قسموكم قروبين كبار
قروب جراحه وقروب باطنه
وكل حد وحظه
سوا اللي جا جراحه او جا باطنه
حتقرو اول ثلاث شهور زي ما قلت
هستوري و اقزامنيشن
وبعد ثلاث شهور ايديرولكم امتحان
هنا عبارة عن 30 درجة
الامتحان الاول البيبر حيكون عليه 15 درجة عبارة عن mcq
والامتحان الثاني حيكون كلينك
يعني ايخشوك على كم لجنة
وعليها 15 درجة اول لجنه حتكون هستوري اتخش على مريض وتاخذ منه هستوري وبعدها يسالوك فيه
واللجنتين لخرات حيكونن اقزامنيشن
طبعا الاقزامنيشن فيه اكثر من واحد
توا تاخذوهن في جنيرل وفي نيورو وفي ابدومن وفي شست وفي كارديو
في الامتحان انت وحظك ايقولك اللي يبيها هوا وانت ادير ويسالك فيها
خلااص كملت ايسجلولك درجتك ويعطوها لك ويقولوك نلتقي في خامسه بعون الله
وتبدلو بعدها اخرى في الروته اللي بعدها وتقرا ثلاث شهور اخرى في الماده اللي بعدها ويمتحنوك نفس النظام هكي اتكون كملت 6 شهور
وبعد اتكمل
اتوكل على الله
وتبدا في رابعه
وتوا نحكو عليها بعد 6 شهور كان تمينا من هل الدنيا بعون الله
هوا في الاغلب ميدققوش واااجد في الحضور
بس مفش حد يشطر يقعد في الجراحه
ويمشي للباطنه من راسه
دور بديل ويسجلوك وتاكد انهم سجلوك
لانه في الامتحان مش حيفهموك
لانه بعد ثلاث شهور كل واحد يمتحن في مجموعته وعلى حسب هوا باطنه ولا جراحه 
فكل حد عنده مجموعه يلتزم بيها
لانه هيا اللي يبو يمتحنوه فيها
هذي نظره عامه هكي على النظام للي مش فاهم
هكي طولت عليكم
كيف ومنوين تقرو والمراجع خلوهن مره اخرى
واسمحولنا كان طولنا عليكم
بالتوفيق للجميع ان شاء الله