السلام عليكم ي عيت 47 اكيد توا كلكم عرفتو النظام الجديد وش | Questions 47

السلام عليكم ي عيت 47
اكيد توا كلكم عرفتو النظام الجديد
وشن مطلوب منكم وشن اللي حديروه
ولما تبدو اول اسبوع في الجامعه
وتبدو في المستشفى حتعرفو اكثر
وكلها اسبوع وحتعودو على جو الكلينك
حتواجهكم مشكله ثانيه
اللي هيا منوين نقرو ؟؟؟
بالنسبه للباطنه
راهي كل جامعه عندها اسلوب معين
جماعة طرابلس ومصراته والجامعات اللي في الغرب  يختلفو في حاجات علينا
ومصر تختلف في حاجات
وحتى هنا في درنه نختلفو عليكم في حاجات
لان الكلينك هذا مهارات مختلفه
وكل حد عنده راي
في اللي ايتقبل الاراء الاخرى
وفي اللي ميتقبلش اللا  الشي اللي عطاه
بس اللي اطمن ان جماعة الباطنه متفقين على مرجع واحد الي هوا ماكلويد
هذا العشق امتاع اي دكتور باطنه
واي دكتور اتقوله حاجه ايقولك شن مصدرك اتقوله ماكلويد معش يحكي امعاك بالعكس ايحبك اكثر
في شيتات اخرى وملخصات
وحاجات ايطلعنك من الحوسه وينجحنك
بس نصيحة اخ خصوصا الباطنه
حاولو اتعمقو فيها
لانها كل ما اتعمق حتكتشف حاجات جديده ومعاكم ثلاث شهور
يكمل فيهن ماكلويد
نحن هنا شهر ونص مش زيكم ثلاث شهور  وقريب كملناه ماكلويد وفي اللي كمله اخرى ماشاء الله
ف الوقت كويسس بككل ويساعدكم
ف نصيحتي الكم جماعة الباطنه
عليكم ب ماكلويد وخصوصا الجداول اللي فيه
وعشان تسهل عليك الموضوع اللي تاخذه في المستشفى او في الجامعه
عدي دغري اقراه من ماكلويد
ؤعشان اتكمله بسرعه
وما تحفظش واااجد يعني
مش كل حاجه حفظ
اللي قريتها عدي طبقها على اول مريض
وعود روحك تاخذ هستوري واااجد
واكزامنيشن
هذا بالنسبه لجماعة الباطنه
البوست الثاني للجراحه ان شاء الله
بالتوفيق جميعا