Questions 47

2022-08-03 00:46:09 درت ترتيب معين انت شوف شن ايريحك فيه لان حندير شباتر الهن علاقه ب بعضهن وممكن ايساعد الشخص اللي تايه ومش عارف شن ايدير اول شي - Autonomic - CVS - Renal هذني الهن علاقه كبيره معه بعضهن فتقراهن مع بعضهن افضل يعني واسهل الوقت في تقديري الشخصي يومين … باز کردن / نظر دهید

2022-08-03 00:40:09 درت ترتيب معين
انت شوف شن ايريحك فيه
لان حندير شباتر الهن علاقه ب بعضهن
وممكن ايساعد الشخص اللي تايه ومش عارف شن ايدير
اول شي
- Autonomic
- CVS
- Renal
هذني الهن علاقه كبيره معه بعضهن فتقراهن مع بعضهن افضل يعني واسهل
الوقت في تقديري الشخصي يومين لانك قاريهن في الجزئي ومش حتاخذ وقت كبير
بعدها
- Respiratory
- GIT
بعد زحمة الثلاثه الاولات تاخذ هذني مع بعضهن
بسيطات وسهلات واغلبكم عارفين الادويه امتاعهن
ومافيهنش هذك الكلام الواجد
تقديري الهن يومين
بعدها
- Endocrine
- Autacoid & inflammatory
- Blood
هذني امتع شباتر في الفارما بجد ومعاهن الCNS
ممتعات وفيهن جو
المهم تقراهن وحتعرف ليش قلت امتع شباتر في الفارما
تقديري 3 ايام
بعدها
Antimicrobial
وهذا عطيه يومين
عارفه فيه اشووي سماطه
وثقيل بس حنزللكم بوست كيف تقراه ان شاء الله
وكيف اتنظم امورك فيه
اللي ابعده
CNS
هذا كويس بككل وفيه جو
تقديريا يومين
هكي انكونو كملنا
2 + 2 +3 +2 + 2 = 11
11 يوم تبي تقرا فيهن اقل شي 14- 16 ساعه
تبي تضغط روحك فيهن
توعى على الشيتات وترقد على الشيتات
ملكش علاقه بالعالم لاخر نهائيا
مازال عندك الشبح
الجنيرل اللي مرات اتجي منه امسكيوه وحده بس
ومرات نص الامتحان منه
هذا من ال15 ساعه يوميا ديرله ساعه بروحه من كل يوم
حتطلع تقريبا ب 11 ساعه تقريبا يكمل
وعندك يوم الكبيره
من اول وعيتك لعند ما ترقد وانت اتحل في mcq
لانك تبي اتراجع الشباتر هذن كلهن في يوم واحد اتضيع في وقتك
وتخش في سترس ملش نهايه
هذا بالنسبه للي يبي يبدا في من بكرا
اللي بادي من امس له الافضليه
ولك انت الخيار انك تختار شن اتحط البدايه وشن النهايه
مش معنى الترتيب هكي تمشي بيه هكي
نا ساعدتك في تقسيم وقتك
وهذا اقل وقت ممكن كان زدت تبي تبدا اتبيع
وكان نقصت حيريحن منك حاجات
فشوف انت شن الشابتر اللي تبيه
وعندك عدد الايام حاول تنهيه فيهن
ومعليش على الاطاله
وربي ايوفقكم جميعا باز کردن / نظر دهید

2022-08-03 00:31:50 اكيد اغلبكم توا شن نقرا ؟؟ بااهي نبي نقرا فارما بس بشن نبدا ؟؟؟ نبدا بالشباتر لكبار خير انتريح من قصتهن حتى كان دهشت في الاخير نعرف نصرف فيهن الشباتر الصغار ؟ واللا الصغار خير عشان اتجيني نيه نقرا ونخش للفورما ؟؟ بااهي كان… باز کردن / نظر دهید

2022-08-03 00:24:51 اكيد اغلبكم توا
شن نقرا ؟؟
بااهي نبي نقرا فارما
بس بشن نبدا ؟؟؟
نبدا بالشباتر لكبار خير انتريح من قصتهن حتى كان دهشت في الاخير نعرف نصرف فيهن الشباتر الصغار ؟
واللا الصغار خير عشان اتجيني نيه نقرا ونخش للفورما ؟؟
بااهي كان بديت كم يوم نبي لكل شابتر ؟؟
ازعمك ايسدن ليام ؟؟
ياااااااااااااااااي عليك قصه
عليك موضوع ايش اندير في روحي توا
اغلبكم للاسف في الدوامه هذي
اول شي توكل على الله
ودير اللي عليك والباقي على الله
وتاكد ان كل شي توفيق من الله ان شاء الله تقرا 24 ساعه كامله
والله العظيم ما تاخذ اللا الدرجه اللي كاتبها لك ربي
توكل على الله اول شي
وابدا اقرا واعرف كيف تقرا وكيف تستغل وقتك
والباقي مش شورك دير اللي عليك والباقي الامر عند الله
حنعطيكم هكي ترتيب مرات يمشي مع البعض والبعض الاخر لاا
بس نا درته عشان الترتيب وتعرف شن تقرا وكيف اتقسم وقتك
وتقدر انت اتعدله من عندك
حنديره في رساله اخرى عشان تقعدش الرساله طويله باز کردن / نظر دهید

2022-08-02 22:52:19 السلام عليكم ي عيت الخير
موفقين ان شاء الله في امتحاناتكم
اول امتحان الكم الفارما ان شاء الله
نصيحة اخ ركزو على المكنزم اوف اكشن وافهموه اكويس
الله الله نصيحة اخ
وعلى فكره مش حتنسال فيه واااجد
بس هوا اللي اينورلك الطريق لاستخدام العلاج والاضرار امتاعه
تقريبا لو فهمت المكنزم اوف اكشن حتفهم ثلثين الاستخدام وحتستنج الاضرار امتاعه
وهذي الفارما راه كيف اشتغل العلاج وفيش يستخدم وشن اضراره هذا بس
نظريا وعلى الطاوله الموضوع بسيط
بس هوا متعب اشووي للي يحفظ ومايفهمش
ونكرر الاستخدام والاضرار معتمدات على فهمك للمكنزم او اكشن بنسبه كبيره
وربي ايوفقكم ان شاء الله
ونشوفوكم كلكم في رابعه السنه الجايه باذن الله باز کردن / نظر دهید

2022-08-02 21:43:38 اللهم إنّا مقبلون على أيّام تحتاج توفيقك ،
فاجعل أوّلها تساهيل و آخرها فرح .

طب بشري دفعة 47 باز کردن / نظر دهید

2022-08-01 16:33:41 "في عصر السرعة، وزمن العجلة ، قد تنظر لإنجازاتك بعين البُطء، حتى تكاد تتخلى عنها ظناً منك بعدم جدواها، لكن سأخبرك أمراً يا صديقي: أن أكثر الأشياء رسوخاً وجودة هي تلك التي تأخذ وقتها الكافي لتنمو، وتمر بكل مراحلها لتنضج، أنت لا تحتاج لشيء سوى المثابرة والصبر،
"فما انقادت الآمال إلا لصابر" " باز کردن / نظر دهید

2022-08-01 01:21:22 على الblood vessels
نا قلت في الفيديو انه M1
على اساس شيتكم قايل هكي
وما علقتش عليه
بس هوا الصح M3 الحق
بس انتو نبيش انلخبطكم
ف درت زي شيتكم M1
ف قلت انقولها الكم للتنبيه
ربي ايوفقكم ان شاء الله باز کردن / نظر دهید

2022-08-01 00:23:54 أُكرر اذا في سؤال مش مفهوم نشرحه عادي. باز کردن / نظر دهید

2022-08-01 00:07:27 الاسئلة مش صعبة حد الاستحالة غير تعنيت يكونن زي المراجعه.
وأي شي مش واضح فيهن عادي نوضحوه.
وبالتوفيق بكرا وإن شاء الله كلكم تجيبو درجات عالية. باز کردن / نظر دهید