2022-02-03 21:33:17
طلابنا في #الشهادة_الثانوية
تعالولي هني بسرعة عندنا هلباااااااااااااا كلام مهم
طبعاً اكيد معضمكم الاسبوع هدا مشّاه راحات ونوم والأسبوع الجاي عطلة من المدرسة حتى هوا لكن عندي ليكم نصيحة #خو
حاولو تبدو تستغلو في وقتكم واتبتو افكاركم للفترة الألى لأن حني ما نرضوش بغير الفل مااااااااااارك هدا اتفاقنا
اولاً : الأسبوع الجاي لا توجد محاضرات ليا انا
( فيزياء ، ميكانيكا ، رياضيات )
لأن عندي امتحانات على مدار الأسبوع يتمو يوم الخميس ف دعواتكم لأستادكم الي ديما يسهللكم في المنهج
ثانياً : قررت انديرلكم مسابقة وكلها استفادة ليكم والمسابقة شامله طلابي وغير طلابي
حتكون المسابقة لأفضل ملخص ( شيت ) يديره الطالب بحيث يكون مرتب ومنظم وشامل كل الافكار وسلس
وانا حنجمعهم منكم الاسبوع الي بعد الجاي وحيتم فرزهم واختيار افضل ملخصات وتنزيلهم على الصفحة
واكتر ملخص يجيب تفاعل برأي باقي الطلبة حيكون هوا الفايز الأول معانا وحناخدو اعلى تلاته تصويتات
شروط كتابة الملخص :-
1- اسم الطالب ثلاثي
2- اشراف المهندس عبدالقدوس الدريبي
3- #نحن_لم_نخلق_للهزيمة_نحن_خلقنا_للنجاح_والوصول
4- عدد الاوراق لا يتجاوز 10 اوراق ولا يقل عن 8
المواد هيا : #فيزياء & #ميكانيكا
اختار المادة وابدا اقرا ودير ملخص بطرييييييقتك
الفائز الأول : كورس مجاني + 50د.ل رصيد + جائزة خاصة
الفائز التاني : كورس مجاني + 30د.ل رصيد + جائزة خاصة
الفائز الثالث : كورس مجاني + جائزة خاصة
موعد تسليم الملخصات يبدا من يوم السبت الموافق 12-2-2022
وينتهي يوم الاثنين الموافق 14-2-2022
الملخص يكون في الباب الأول كامل في المادة الي تختارها
نبي منكم انّ كل طالب يجرب ويتحدى روحه وانا واثق ومتأكد انه حيفيدكم بنسبة 100%
كل طالب/ة يدير تاق لزميله ويقوله هي نتحدو روحنا فيها جوائز من غير الاستفادة
وملاحظة مهمة : كل طالب عنده رغبة ودار ملخص حتى لو مربحش معانا حتكون عنده جائزة منّي انا وحينزل اسمه في القروب والصفحة مع تحية شكر وتقدير
وبأذن الله يد بيد حنوصلو لأبعد من حلمنا
#الميكانيكي
425 views18:33
م
