رح نحكيلكن اليوم عن #أهم فيتامين #للحامل ويلي بيضل مرافقها طول فترة الحمل ليعتني بطفلها ويحميه
أكيد حزرتوا عن مين عم نحكي فيتامين B9 المعروف باسم تاني هوي الفولات
هوي واحد من الفيتامينات الذوابة بالماء وموجود بالعديد من الأطعمة ، وخلينا نبدا بأهم #فوائده :
اولاً بيساعد على انقسام الخلايا و تصنيع المادة الوراثية ...
ثانياً هوي مهم في الوقاية من عيوب الأنبوب العصبي عند الأجنة :
متل ماحكينا بالبداية انو هوي ضروري للحامل لأنو نقص الفولات عندها ممكن يسبب تشوهات بالانبوب العصبي عند الجنين
وكمان الو دور بالوقاية من #الاكتئاب :
لأنو تبين انو الاشخاص اللي عندن مستويات منخفضة من B9 بيكونوا معرضين للإصابة بالاكتئاب بشكل أكبر لهيك مكملات B9 ممكن تزيد فعالية مضادات الاكتئاب عند هالفئة
واخيراً بيفيد في الوقاية من أمراض القلب والأوعية :
حيث اشارت الدراسات الى انو مشاركة B9 مع B6 و B12 بيقلل من خطر الاصابة بأمراض القلب من خلال خفض مستويات #الهوموسيستيئن يلي هوي حمض أميني موجود بالدم بترتبط المستويات العالية منو ببوادر تطور الامراض القلبية
ولأهميتو الكبيرة بحياتنا لازم نحاول نحصل عليه من الأكل او المتممات الغذائية ، ولحسن حظنا فهو #متوفر بالعديد من الأطعمة منها :
لحم كبد البقر
بعض انواع الخضار متل الهليون و السبانخ والخردل.
الفاكهة وعصائرها (خاصة البرتقال)
المكسرات متل الفول السوداني
البقوليات، الفاصوليا والبازلاء
وممكن كمان ينضاف حمض الفوليك لبعض الاطعمة متل الطحين والمعكرونة
وبالرغم من تواجد فيتامين B9 بكتير أغذية في ناس ممكن تعاني من أعراض العوز ، وأكثر الناس #عرضة ليصير معن عوز فيتامين فيتامين B9 هنن :
الفتيات اللي أعمارهن بين 14 و 18 سنة
النساء اللي أعمارهن بين 19-30
النساء السود غير اللاتينيات
متعاطي الكحول
الأشخاص الذين يعانون من اضطرابات تقلل من امتصاص B9 متل امراض الجهاز الهضمي الالتهابية و الداء الزلاقي
الأشخاص اللي بيعانوا من طفرة بجين MTHFR# لانو ما بيقدرو يستفيدوا من الفولات إلا لما بيتواجد بشكل 5- ميتيل الفولات اللي رح يسهل لجسمهن استخدامه والاستفادة منه.
وبالنسبة لأعراض العوز هيي :
فقر الدم كبير الكريات يلي بيتسبب ب
تعب - صعوبة بالتركيز -تهيج - صداع - خفقان في القلب - ضيق في التنفس.
تقرحات على اللسان و بداخل الفم
تغيرات في لون الجلد أو الشعر أو الأظافر.
و مابدنا ننسى أنو صديقنا المشكلجي بيهدد الحامل بانجاب طفل سابق لاوانه منخفض الوزن وقد يعاني من #عيوب_بالانبوب_العصبي مثل السنسنة المشقوقة
بالأخير لازم نحذركن أصدقائي من انو الزائد أخو الناقص ، لهيك خلونا ناخد حاجتنا فقط بدون زيادة أو نقصان
وفي حال بدكن تاخدوا متممات دائماً استشيروا طبيبكن
لانو تناول #جرعة_زائدة من الفولات :
بيخفي اعراض نقص فيتامين B12 وبالتالي يؤدي الى تفاقم هالاعراض
قد تزيد من خطر الإصابة بسرطان القولون والمستقيم وبعض انواع السرطانات الأخرى عند بعض الاشخاص
بالإضافة إلى انو ممكن يصير #تداخلات_الدوائية للفولات مع كل من :
الميثوتريكسات methotrexate
الأدوية المضادة لنوبات الصرع أو أدوية الصرع مثل : الفينيتوين phenytoin ، والكاربامازيبين carbamazepine و الفالبروات valproate
سلفاسالازين sulfasalazine
استونا ببوستاتنا القادمة ضمن سلسلة الفيتامينات
■ إعداد الصيدلانية: ميتان أحمد
اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .
الـمصـدر العلمي » NIH
https://ods.od.nih.gov/factsheets/Folate-Consumer/
انستاغرام: https://bit.ly/2LNgb3E
التلغرام الدوائي » t.me/Meddose_ph
الـفريق الـطبّي الـمنزلي » 0996681334
#ميددوز #تغذية #فيتامينB9
