بوستنا اليوم عن فيتامين كتير قليل لنسمع عنو وهالشي يمكن بسبب ن | 🔴 منصة الصحة السورية - MedDose
بوستنا اليوم عن فيتامين كتير قليل لنسمع عنو وهالشي يمكن بسبب ندرة الاصابة بعوزه
بس هاد ما بيمنع انو نتعرف عليه وعفوائده المهمة اكتر بهالبوست صح طويل بس كفوا قراءة للأخير
هو من الفيتامينات الذوابة بالدسم وبيتواجد بكتير أطعمة ، وبيقوم وظائف كتييير مهمة بجسمنا هيي:
اولاً بيشتغل #كمضاد_أكسدة وبيساعد في حماية الخلايا من الضرر الناتج عن الجذور الحرة و بيحتاجه الجسم لتعزيز عمل #الجهاز_المناعي كما يلعب دوراً في توسيع الاوعية الدموية ومنع الدم من #التجلط داخلها بالاضافة الى دوره المهم في عملية الرؤية والتكاثر وصحة كل من الدماغ والبشرة كما يمكن استخدامه في بعض #الاضطرابات_العينية Eye disorders :
حيث أشارت الدراسات إلى انو تناول جرعات عالية من فيتامين E بالمشاركة مع كل من مضادات الأكسدة الاخرى والزنك والنحاس ممكن #يبطئ من معدل فقدان حاسة النظر عند الاشخاص المصابين #بالضمور_البقعي_المرتبط_بالعمر AMD والمعرضين لخطر تطور هاد المرض عندن
ولكن اذا بدكن تاخدو فيتامين E كمضاد للأكسدة فيفضل دائما تاخدوه من #مصادره_الطبيعية يلي هيي :
الزيوت النباتية مثل زيت جنين القمح وزيت عباد الشمس وزيت القرطم ( العصفر ) المكسرات كالفول السوداني والبندق وخصوصاً اللوز البذور مثل بذور عباد الشمس
وكمان بيتواجد ولكن بتراكيز أقل في : زيت الذرة وفول الصويا الخضروات الخضراء مثل السبانخ والبروكلي بعض حبوب الافطار وعصائر الفاكهة والسمن المدعمين به.
أما بالنسبة #لعوز_فيتامين_E فهو نادر الحدوث ولكن في حال صار عوز فممكن يسبب الاعراض التالية :
تلف في الاعصاب والعضلات وهالشي بيسبب فقدان الشعور في الذراعين والساقين - فقدان التحكم في حركة الجسم - ضعف العضلات - مشاكل في الرؤية
ضعف #الجهاز_المناعي
وبالاخير لازم نحذركن من انو الزائد أخو الناقص ، لهيك خلونا ناخد حاجتنا فقط بدون زيادة أو نقصان ، لانو تناول جرعات عالية جداً من المتممات الغذائية الحاوية على فيتامين E قد تسبب :
زيادة خطر حدوث #نزف في حال الاصابة بجروح( لانه بيقلل من قدرة الدم على التخثر ).
زيادة خطر حدوث #نزيف_بالدماغ والمعروف باسم السكتة النزفية hemorrhagic stroke.
كما اشارت احدى الدراسات الى انو تناول الرجال لجرعات يومية من فيتامين E بمقدار 400 وحدة دولية لعدة سنوات ممكن يخلين اكثر عرضة لخطر الاصابة #بسرطان_البروستات
وفي حال بدكن تاخدو متممات #دائماً استشيروا طبيبكن ، لانو تناول فيتامين E مع بعض الادوية بيسبب #تعارضن سوا وهالشي بيؤدي الى مشاكل خطيرة ، هي الادوية بتتضمن :
الادوية #المضادة_للتخثر medicines antiplatelet او مضادات التكدس الصفيحي anticoagulant medicines مثل الوارفارين warfarin تناولن مع فيتامين E بيزيد من خطورة حدوث #نزف
#الستاتين و#النياسين statin and niacin حيث ان تناول الدوائين هدول مع مضادات الاكسدة مثل ( فيتامين E او C او السيلينيوم او البيتا كاروتين ) بيؤدي الى خفض قدرتهم في التاثير على مستويات #الكوليسترول بالدم وهالشي بيقلل من فعاليتهم في #حماية_القلب
#العلاج_الكيميائي او #الشعاعي للسرطان chemotherapy or radiation therapy for cancer لانو تناول مضادات الاكسدة معهن #بيخفض من فعاليتهم
■ إعداد الصيدلانية: نور اكريّم
اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .
