من أهم الأسئلة اللي بيسأل عنها أي طبيب شو ما كان اختصاصو للمري | 🔴 منصة الصحة السورية - MedDose
من أهم الأسئلة اللي بيسأل عنها أي طبيب شو ما كان اختصاصو للمريض هيي إذا عندو سكري
طيب ليش
لأنو هاد المرض خطير كتير و بيسبب كتير اختلاطات بمعظم الأجهزة و اليوم رح نسلط الضو على #المضاعفات_الفموية للداء السكري
مرضى السكري عندهن خطورة أكبر لينصابوا بالتهاب اللثة إذا ما كانت نسبة السكر بالدم مضبوطة بشكل جيد، و التهاب اللثة هاد هو سبب رئيسي لفقدان الأسنان ويرتبط بزيادة خطر الإصابة بأمراض القلب والأوعية الدموية.
لهيك المفروض يتم إجراء فحوصات فموية منتظمة لضمان التشخيص المبكر، والتعامل الفوري مع أي مضاعفات فموية لدى المرضى . وكمان لازم المرضى هدول يراجعوا الطبيب في حال صار نزيف عند تنظيف الأسنان أو تورم باللثة.
ممكن يشكو المريض من رائحة الفم الكريهة خصوصي بالسكري غير المضبوط لسببين رئيسيين:
الأول التهاب اللثة يلي حكينا عنو والتاني ارتفاع مستوى الكيتونات بالدم يلي بتعطي رائحة فاكهة غالبا" بالسكري النمط الأول.
شو مننصح هدول المرضى للوقاية من التهاب اللثة ورائحة الفم
تنظيف الاسنان مرتين يوميا" واللسان أيضا" شرب كميات جيدة من الماء للمحافظة ع رطوبة الفم علكة خالية السكر لتحفيز اللعاب إيقاف التدخين
■ إعداد : د.علي مصطفى
اعـتماد : مِـنصِّـة الـصِحَّـة الـسوريِّـة #مـيددوز المتخصصة بنشر الاخـبار الـطبيّة #الـموثوقة و دحض الـخرافات و الشَّـائعات .
