حديث نسائي #سري عالي الخصوصية ...... كيكونة و مالارا قاعدي | 🔴 منصة الصحة السورية - MedDose
حديث نسائي #سري عالي الخصوصية ...... كيكونة و مالارا قاعدين الصبحيات عم يشربوا قهوة و لأنن لوحدن عم يسّروا لبعض عن علاقاتن مع أزواجن ..... كيكونة : و الله الحمدلله أمورنا عال العال و مبسوطين .
مالارا : و دخلك أموركن بالليالي تمام ؟؟؟
كيكونة : لك ايييي عم قلك مبسوطين حتى بتعرفي من كتر الحب عم يصيبني #تـشـنـج و وجـع بعد ما نخلص
مالارا : يووووه شو هالحكي لتكوني مريـضة ؟؟؟
كيكونة : لك لااااا عم قلك من كتر الحـب و الجـنان هيك بصير معي . ........ للأسف كيكونة ما بتعرف أنو التـشنـج المـؤلـم المـتـكرر بعد #الجـمـاع قد يستدعي زيارة الطبيب .
ليش ممكن يصيبنا تـشـنج كذكور و إناث بعد الجـمـاع ؟؟
قال لكتير أسباب : متل ايا جهد عضلي ... ممكن يخلينا نشعر بالتعضيل
النـشـوة بحد ذاتا :ممكن تستمر عضلات الحوض و البطن بالانقباض و بالتالي نحس #بألـم .
ممكن مشاكل #هضمية متل الغازات و الإمسـاك و القولون العـصـبي ... كلن ممكن يؤدوا لألـم بعد الـجـمـاع .
ممكن #التـهـاب السبيل البولي و المثانة يكونوا السبب ورا الألـم بعد الجـمـاع .
و محتمل الأمراض المنقـولة #جـنـسـيـاً
حتى الصدمـات العـاطـفـية ممكن تتحول لألـم بعد الممارسة او تسبب #عسـرة_جـمـاع .
طيب عند النساء بالتحديد ؟؟؟
قال الإدخال العميق يللي بوصل عنـق الرحـم أو بحالة الجـمـاع بفترة #الإبـاضـة او المـبـيض متـعدد الجـريبـات و ممكن وجود #تليـفات بالرحـم أو بطـانة رحـم هاجـرة تعمل ألـم .
هاد غير التـشنـج المـهبـلـي والالتـهابـات النـسائـية.
و عنا حالة منسميها الرحـم #المقـلوب ... بدل ما يكون منحني للأمام بكون منحني للخلف فبأثر القـضـيـب فيه ...... عند الرجال .... أقل شيوعاً و غالبا ما يكون السبب هو #البروسـتات بالتهـابـها و أحيانا قليلة بتضخمها. ..... لتتعرفوا عالعلاج و الوقاية انطروا كيكونة و مالارا بحديث تاني إعداد و تحرير: د. أدهم بكر
