اليوم بالصدفة نازل من البيت الساعه ٦ الصبح .. مخنوق و فاصل من الدراسة و عم اشرب قهوة شفت اكتر منظر مرعب بحياتي حرفياً، بنت سايقة وماشية بسرعة جنونية .. دخلت بسيارة عيلة تانية و بعدين كسرت سور الطريق و تشقلبت
البنت توقعتها ماتت ما فكرت حتى عين عليها؟ بس كان الأمل بالعيلة، ركضت عالسيارة طفلين وأمهم والاب، كلو كدمات تقريباً بس مافي حد ما واعي غير الأب، و الناس تجمعت و صارت بلبلة .. لا إرادياً صحت #أنا_دكتور
الكل بعدلي و فتحلي طريق، كان معهن علبة first aid جايه مع السيارة، فتحتها و طلعت منها شاش حطيتها عالجرح اللي براسو وخليت واحد يضل ماسكها ويغيرها كل شوي الرجال ما واعي أبدا و مافي تنفس ولا نبض
خطرلي أنو لازم أفتح مجرى الهوا و بلش CPR لبين ما يوصل الإسعاف أنا بين ولادو ومرتو والبكي والعويل صوتو عالي كتير .. الفقد صعب كتير كتير
فتحت بلوزتو و بلشت بكل ما الله عطاني من قوة .. و الحمدلله بعد دقيقة و نص سعل و بعد نص دقيقة أجى الإسعاف
أنا نمت عالرصيف و اطلعت عالسما .. ما مصدق اللي صار و جسمي كلو عم يرجف .. و الناس عم تدعي "الله يوفقك يا دكتور"
أول مره بحس بقيمة اللي انا درستو .. و أنو الله جعلني سبب هالولدين و أمهن ما يخسروا أبوهن