2021-09-10 19:49:26
أنواع الحقن (Injection)
هنالك طرق للحقن
1-الحقن العضلي I. M
2-الحقن الوريدي I. V
3-الحقن في الأدمة I. D
4-الحقن تحت الجلد SC
الحقن العضلي : وهي عملية الحقن في عضلة المقعدة تعتبر هذهِ العضلة اكبر وأأمن عضلة يمكن الحقن بها في الجسم وهي الأكثر استخداماً.
لايتم الحقن إلا في الربع العلوي الخارجي من العضلة
لايمكن الحقن اكثر من 5ml في مكان واحد لانه راح يسبب خراج بمكان الحقن.
ممنوع نهائياً حقن ابرة بيها دم بعد فشل محاولة حقنها بالوريد لان ؤاح يسببلنا خراج وصديد للمريض.
للتدريب ع حقن ممكن تستخدم برتقال حتى تتعلم ع مسك السرنجة وطريقة الحقن.
مثل ابرة الفولتارين
زاوية الحقن 90ْ
طريقة الحقن بالعضلة شلون
اول شي نكشف مكان العضلة بحيث يكون نص العضلة مكشوف حتى ميسبب النا اي مشكلة
نقسم العضلة نظرياً الى اربع اقسام ونختار الجزء العلوي الخارجي نتأكد من مكان الحقن اذ اكو اي خراج او كتلة منحقن بيها
نعقم او نطهر مكان الحقن بالكحول والقطن بشكل دائري
نمسك مكان العضلة بأليد اليسرى حتى ميسبب الم بدخول السرنجة للمريض
نحقن برشقة واحده بيد اليمنى في الجزء العلوي الخارجي بزاوية 90ْ
بعض المصادر تكول سحب السرنجة اذ ماصار دم بيها معناها انت بالمكان السليم.
ودفع الدواء دفعة واحده بشكل معتدل لاسريع ولابطيئ
وبعدها تدليك مكان الحقن للحظات بالقطنة.
الحقن بعضلة الكتف
تحسس رأس عظمة الكتف
تعقيم عضلة الكتف بالكحول والقطن
مسك عضلة الكتف بالابهام وباقي اصابع اليد
حقن الابرة بزاوية 90 ْ
وأيضا ك باقي إجراءات حقن العضلة تدليك مكان الحقن بالقطن وسحب السرنجة.
الحقن الوريدي: یعد الحقن الوریدي من أفضل طرق إعطاء الدواء خاصة في حالات الطوارئ و ذلك لسرعة الوصول للنتیجة المطلوبة لإن الدواء یدخل الدم مباشرة.
من الممكن الحقن في أورده مختلفة من الجسم و في بعض الأحیان نضطر للحقن في أوردة الرقبة و لكن الأكثر شیوعا الحقن في أوردة الذراع و اليد.
نستخدمو لإعطاء السوائل والأدوية
الحقن الوريدي في الذراع... تمتاز الاوردة بانو تكون سطحية وواضحة لكن فس بعض الأحيان تكون الاوردة ضعيفة وغير واضحة نحتاج الى الچس لمعرفة اماكنها حتى لو منشوفه بس يحتاج
لخبرة ومهارة
مثل حقنة البلاسيل
زاوية الحقن ( ْ25)
شلون نحقن بالذراع...
نربط اول شي التورنيكا (الرباط الخاص بايجاد الوريد) اعلى مكان الحقن بمقدار 2 cm
نزل ايد المريض باتجاه الأرض حتى نجد الوريد وأيضا ننتظر ثواني حتى يضهر الوريد ونطلب من المريض انو يفتح ويغلق قبضة اليد
نتحسس الوريد باليد
أيضاً نعقم مكان الحقن بالكحول والقطن بشكب دائري
نسحب الجلد من منطقة اسفل الوريد جتى نثبت الوريد
ندخل سن الابرة الي يكون اتجاهو للاعلى بزاوية 25ْ على سطح الجلد
حتى نتاكد انو الابرة بالمكان الصح گيچ النيدل راح يأشر بية دم شوية معناها نحن بالوريد صح نفتح التورنيكا وتثبيت الابرة باليد اليسرى وبعدها ب الحقن الوريدي
أيضاً بعد الانتهاء وصع قطنة على مكان الحقن مع سحب السرنجة و رفع يد المريض للأعلى
هنا ميصير ندلك مكان الحقن ايد
الحقن الوريدي في اليد...
نفس الإجراءات
ملاحظة : ميصير نحقن باليد بالاوردة الضعيفة خصوصة كبار السن لان راح يسببلنا تليف بالاوردة
حقن تحت الجلد :نستخدمها في حالات الي يكون بيها اعطاء الادوية بصعوبة بالفم وتأثيرها يكون اسرع من الأعطاء الفموي
زاوية الحقن ( 45ْ)
(حقن الانسولين لمرضى السكري)
أماكن الحقن
بالقسم الوحشي من الجزء العلوي للساعد
بالبطن اسفل الحافة الضلعية حتى العرف الحرقفي
القسم الأمامي بالفخذ
ملاحظة مهما جدا جدا جدا
حقن مكان الانسولين يكون بشكل دائري بحيث انو المكان ميصير تحقن بي مرة ثانيا الابعد مرور اسبوعين.
حفظ الانسولين بالثلاجة مباشرة بعد الحقن حتى لايفسد
ميصير نستخدم الانسولين الي بقى خارج الثلاجة بالصيف بعد مرور نص ساعة علية او بالشتاء بعد مرور ساعة علية
ميصير نحقن الانسولين بمكان بيها التهاب اوعدوى
حقن مضادات التجلط:
یتم الحقن في جدار البطن على أحد جانبي السرة أو تحتھا قلیلا إلى الیمین أو الیسار. "
حقن الأدمة
اختبارات الحساسية :-
تجرى اختبارات الحساسیة مع بعض الأدویة لمعرفة إذا كان المریض عنده حساسیة من ھذا الدواء أم لا
مثلا اللقاحات او إختبارات الحساسية
زاوية الحقن ( ْ15_ ْ10)
طريقة الحقن
تأشير شكل دائري ع الساعد وحقن نص ملي داخل الطبقة السطحية للجلد اعلى الساعد
ننتظر 5_10 دقايق اذ ظهر احمرار بمكان الحقن والمريض صار يحگ مكان الحقن معناها انو المريض حساس لهذا الدواء وميصير ننطيه ياه واذ مظهر اي تحسس للعلاج ف عادي ننطي اله
اكثر فحص حساسية يكون لابرة السيفتراكزون
#محمد
https://t.me/medican125
98 viewsمحمد, 16:49