2021-11-21 22:44:52
#معلومات_طبية
ال hypertension شنو؟
ارتفاع ضغط الدم باختصار هو (قوة الدم الموجهة على جدران الأوعية الدموية).
زين منين يجي؟
causes is unknown..
سببه غير معروف لكن هناك عوامل تؤدي أنه يصير بالشخص مرض الضغط..
مثلا حجم بلازما الدم أو تغير بالهرمونات أو عوامل بيئية مثل السترس(ضغط العصبي) فماكو شيء يسوة تحرگ دمك عليه وتعصب وتعيش بضغط نفسي وتجيب لك أمراض مزمنة،
وايضا قلة الحركة لهذا قالو الحركة بركة.. تحرك
وكذلك أمراض الكلى تؤثر على الضغط.
(فطنِّش تعِش تنتعِش).
احفظها يلا وياي الأسباب اللي #ممكن تسوي ضغط بالشخص..
1.مرض السكري diabetes
2.أمراض الكلى kidney diseases
3.الحمل pregnancy.
4.السمنة obesity.
5.زيادة وخربطة غدة الثايرويد hyperthyroidism.
6.الضغط النفسي stress.
عموما هذولي أسباب تخلي الضغط يجي على الإنسان.
زين شنو الأمراض اللي يسببها هذا الضغط المسلط على الأوعية الدموية؟
يسبب للمريض المضاعفات الخطيرة التالية.
جلطة قلبية(heart attack).
سكتة دماغية(stroke).
فشل القلب(heart failure).
تمدد أو تضخم الأوعية الدموية (aneurysm).
يعني اي شخص كبير بالعمر او حتى شباب عنده ضغط توقع يصير بيه هذه المضاعفات اذا ما ضبط ضغطه بالعلاج المستمر..
لان مرضى الضغط عادة يعتبرون(chronic)..خلاص مرض مزمن طول العمر لازم يبقى مستمر على العلاج حتى يحافظ على حياته.
اتفقنا؟!
السؤال المهم هسة شون الشخص يعرف عنده ضغط؟ او شخص اجاك يعاني من اعراض معينة شون نعرف عنده ضغط او لا؟
من خلال الأعراض الجاية.
يكون عنده
صداع حاد.
ألم بالصدر.
صعوبة بالتنفس.
خربطة بالرؤية.
ضربات قلب مضطربة.
التعب او الارتباك.
أصناف ضغط الدم حسب المؤسسة الأمريكية للقلب تگول.
120/80 يعتبر نورمال طبيعي.
120-129/80 يعني اكو ارتفاع بسيط.
130-139/80-90 مصاب بارتفاع ضغط الدم المرحلة الأولى stage 1
اذا كان 140 فما فوق /90 فما فوق فهو مصاب بضغط الدم stage 2.
اذا كان أكثر من 180 / اكثر من 120... فهذا خطرررررر يستوجب زيارة طبيب فوراً. يسمي hypertension crisis.
شنو نصائحك #لمريض_الضغط؟
گله
ابتعد عن الضغط النفسي.
حاول تتمرن رياضة منتظم.
تنظيم وزن الجسم.
لا تستهلك ملح كثيغ.
امتنع عن الكحول.
لا تدخن.. لا تدخن.. لا تدخن
ابتعد عن القهوة ( هاي النقطة ل أصحاب #احتساء القهوة ). بالإضافة إلى خطرها على القلب عموما للكل وتسبب التوتر والأزرق الليلي واضطراب ضربات القلب بزيادة الكافيين الموجود بيها.. قلل بسسسس واستمتع بيها.
قلل دهن وكثِّر فواكه وخضراوات..
167 viewsمحمد, 19:44
M
