2021-10-30 06:37:38
طرق التعامل مع الطفل المتذمر
اول حاجه لازم نعرفها مين هو الطفل المتذمر اصلا
الطفل المتذمر هو طفل رافض دايما لاي اوامر اي مهام موجهه ليه اي مسئوليات بسيطه هدفها المشاركه
يعني ماما تقوله (هات كذا.... اعمل كذا.... ساعد اخوك... لم لعبك.........)
الاستجابه علي كل ده دايما الرفض العياط الغضب وعدم تنفيذ لاي اوامر
طرق بسيطه لتخفيف حده التذمر عند الاطفال
لازم ك مامي اكون فاهمه ان مفيش عصا سحريه هقدر بيها اغير سلوك الطفل او اخليه يسمع كلامي
لازم تدريب لازم وقت
اولا : ك ماما او ك بابا التزم الهدوء والابتعاد عن الغضب، العصبيه، التذمر
امر طبيعي جدا اني بشتغل علي عيب سلوكي في الطفل مينفعش ب اي شكل من الأشكال اكون عندي نفس الصفه الغير مرغوبه
(يا ماما ويا بابا انتو مرايتي في الدنيا وبكتسب منكم صفاتي وتشكيل شخصيتي) ف لازم اهدي واتمرن علي الهدوء صعب ف الاول اكيد بس الوقت والتدريب هيخليكي تقدري
ثانيآ : لا تظلمي الطفل الهادي علي حساب الطفل المتذمر
يا مامي تعبتي من كتر ما الولد مش بينفذ الاوامر والمهام بس اخوه طيب وهادي وبينفذ ومش بيتذمر زي اخوه يبقي لما اخوه يرفض اوجه نفس الامر لاخوه بقي ممنوع
ليه
اولا انتي كده بتظلمي طفل حتي لو كانت المهام سهله وبسيطه ف حدود قدرته وبتحسسيه بانه ضعيف ودايما هو الموجه ليه كل المهام من جانب
الجانب التاني بتثبتي سلوك التذمر الطفل اذكي مننا بكتيييير. وعنده( مكانزمات) بيقدر يعملها ويثبتها لما يلاقي ان الاب والام بتسكته وبتتجنبه لما يعملها زي انه يرفض ويعيط ويتعصب ف خلاص خلاص متعملش حاجه
هيثبت ده وهيبقي ده اسلوب حياته علشان ميتوجهلوش اي مهام
الجانب الاهم بتبني الاعتماديه في الطفل ده
"الحل اصبري عليه قدر المستطاع وتوصليله فكره ان محدش غيرك هيعمل المهمه بتاعتك وان كل حد فينا ف البيت ليه مهام ومحدش ينفع يعملها بالنيابه عنك +شويه تشجيع وقد ايه الشئ ده مش هيتعمل الا بقدراته الخاصه الكبيره وانه شخص قوي وجامد وشاطر جداا"
ثالثا: لا تلبي طلباته دايما بالقبول وحدثيه عن هدوئه ومزاياه التي يمتلكها
مش دايما ماشي ومش دايما لا ك مامي اكيد عندي سينسور اميز بيه هل الطلب ده اوافق عليه ولا والتعزيز بالمميزات حل سحري ف تحويل شخصيه اي طفل
رابعا: اغمري طفله بالحب والحنان
فكره تقبل الطفل واني بحبه رغم انه بيتعصب وبيعيط وبيضايقني انا وباباه ومش بيسمع الكلام والحضن السحري من الاب والام هيهدي الطفل جدا هيحسسه بالامان وهيساعد علي تقبل الاوامر منكم
خامسا : لا تفرقي بين الطفل واخوته
مش لازم كل طفل يعمل مهمه لوحده ويتجمعو بس وقت اللعب
ممكن يشاركوا بعض ف مهام ف البيت ويساعدو ماما فيها وده هيعزز المشاركه بينهم بشكل كبير
دمتم واطفالكم هادئين
قناة نهضة عمالقة التعليم
@MissNahed6000.
52 viewsAbou El Leith, edited 03:37