بدروب العشك ،، كاصد كربله عالرايه انكتب ،، بالزاير | قصائد والحان الرادود مهدي الزينبي

بدروب العشك ،، كاصد كربله
عالرايه انكتب ،، بالزاير هله
1-
هواي احبن امي انه وامي صارت كربلاء
بربعين حسين نزلت تمشي املاك السماء
نصبت الناس المواكب تخدم وتنصب عزاء
الله سوه الكون كله لخاطر اصحاب الكساء

لحسين وعلي ،، مخلوق الفله
عالرايه انكتب ،، بالزاير هله

٢-
بلا خدمتك يعني ضلمه بعيني ماشوف الضوه
والنفس يدخل بصدري نار ما جنه هوه
دمعتي ولطمت اديه بمجلسك نزلن سوه
وشوفت عيونك حبيبي الكل مرض بيه دوه

ما توكف ابد ،، تمشي القافله
عالرايه انكتب ،، بالزاير هله

٣-
هايم بساحة غرامك والله جنني العشك
الدنيا جذبه ومو حقيقه وانته يحسين الصدك
من يمر ذكرك عليه سيدي بنار احترك
حته من يخلص عمرنه وياك ماضن نفترك

وبعيني وعلي ،، غيرك ما حله
عالرايه انكتب ،، بالزاير هله

٤-
هل نصبنه احنه المواكب والسواد بكل كتر
ما نطيح ولا نساوم هاي رايات النصر
حسين قائدنه ونحبه صحنه حيل بكل فخر
حسين مايوكف دمعنه ولا لطمنه اعله الصدر

وبهذا الدرب ،، كلها امدلله
عالرايه انكتب ،، بالزاير هله

٥-
كلنه مشايه اجينه بخدمتك يا ابو علي
والله ما عندي انه غيرك يا حبيبي الاولي
التخدم بهاي المواكب هاي كل ناسي وهلي
حسين قائدنه وشرفنه والندأ ضل يعتلي


ندخل كربله ،، ونقره البسمله
عالرايه انكتب ،، بالزاير هله

,,,,,,,,,,,,,,,,,
حسين عبد الجليل المالكيhttps://t.me/ML_mahhde