أكو حسينية بمنطقتنا أخذنا إذن من المتولي وفتحنا بيه درس بعنوان جلسة حوارية. توفى المتولي رجعوا توليته لامام مسجد وبدت المضايقات والمشاكل حتى يطلعونا من الحسينية بحجج واهية. راجعت أمام المسجد گتله حسينية متروك سوينا بيه درس ليش تمنعونا منه ؟ شنو جان جوابه بعد نقاشات ختمها بهذا الجواب الي هو حجة لمنع الجلسة لأسباب لا تمت للدين بصلة .. ( أحنا نريد نفلش حسينية ونبني شقق وأرادتها للحوزة ) جوابته (قطعة أرض وقف للحسين عليه السلام بيها حسينية وقاعة باسم الحسين عليه السلام تفلشها حتى تستثمر فلوسها ؟!) وحتى القي عليه الحجة كتله بقينا بيها من تباشرون نطلع هم مقبل ...ولا حول ولا قوه الا بالله العلي العظيم شوف أهل الدنيا ميفكر يبني بناء عقائدي تفكيره بس شلون يجمع فلوس أو يخرب على الآخرين لأن مو من نفس توجه المرجعي ولابس عمامة السوء حاشاه عمامة رسول الله صلى الله عليه واله منها _ تلكاه يتفنن بهذا الشيء .... بس شنو جوابه يوم لا ينفعه لا استثمار ولا وكالة شراح يكله صاحب الزمان عجل الله فرجه الشريف وهو يأخر ظهوره المبارك ؟! حتى التعرفون المجتمع ليش ما يطور دينيا لأن هيج ناس دنيويين متسلطين على أمورهم الدينيه ... الله يرحم الشاعر عبد الحسين حلفي خوشو صفهم ..
الحمد لله گلت من راح صدام الحمد لله گلت بس عل سلامة أشو ياهو التكضة صار صدام وأكو صدام بس لابس عمامة ..
