العشر المباركات التي تنقلب فيهم الموازيين فيكون العمل الصالح | 3𝐛𝐚𝐫𝐚𝐭 || عبارات

العشر المباركات التي تنقلب فيهم الموازيين فيكون العمل الصالح أفضل من الجهاد الذي هو ذروة سنام الإسلام!!!
إلا حالة واحدة من الجهاد تعدل العمل الصالح في هذه الأيام ....جهاد من ضحَّى في سبيل الله بنفسه وماله
...عن عشر ذي الحجة و العمل الصالح فيها أحدثكم..
عن الأيام التي قال عنها النبيﷺ :
(ما من أيَّامٍ العملُ الصَّالحُ فيهنَّ أحبُّ إلى اللهِ من هذه الأيَّامِ العشرِ )

وزي مابتتقلب الموازين في الأيام دي عشانك ..انت كمان محتاج تقلب موازيين حياتك ويبقى العشر أيام دول مش زي أي أيام...المطلوب تجتهد فيهم في العبادة..ظبط خطتك من دلوقتي عشان تطلع أكبر استفادة ..
زود سرعتك في الطاعة لأعلى مستوى ..

وهنا هقولك شوية أفكار تساعدك :

١- خطة للصلاة ....تصلي الفروض في أول وقتها للبنات ...وجماعة في المسجد للرجال ...عشان تبقى عملت أفضل الأعمال في أفضل الأيام .

٢- خطة الذكر .. تحافظ على أذكار الصباح والمساء وتكتر بقى... التسبيح والتحميد والتهليل والتكبير..

٣- خطة لقراءة القرآن ..حاول تختم مرة في أفضل أيام الدنيا ....ولو مش هتقدر تختم ..حافظ على قراءة قرآن يوميا وحدد كمية ماتقلش عنها

٤- خطة للصيام... طول ال٩ أيام خاصة يوم عرفة اللي صيامه بيكفر صيامه ذنوب سنتين .

٥- خطة لقيام الليل.. ماتحرمش نفسك من الشرف ده في أفضل أيام الدنيا .

٦- الصدقة... وماتنساش ...المؤمن في ظل صدقته يوم القيامة .

٧- التوبة والبعد عن الحرام ....مال حرام ،نظرة حرام ،غيبة

الكون كله بيتغير في العشرة دول ....إنت كمان لازم تتغير


#رسايل_العشر1443هـ
#أفضل_أيام_الدنيا