#باقي_من_الوقت ! تخيل معايا وانت في لجنة امتحان لمدة 3 ساعات | 3𝐛𝐚𝐫𝐚𝐭 || عبارات

#باقي_من_الوقت !

تخيل معايا وانت في لجنة امتحان لمدة 3 ساعات
امتحان هيحدد حاجات كتير في حياتك ومسيرتك ..
قعدت تبص في الامتحان ، كل النقاط في المتناول
محتاج بس أركز .. بلاش أشتت نفسي
فجأة المراقب قال بعلو صوته : عدى ساعة !
يعني ثلث الوقت خلص ..
ايه ؟!
مستر مراقب .. أنا لسه بشمر عشان أحل
مثلا .....
11 أيام مرت من رمضان ..
مرت 11 فرص للعتق من النار ..
مرت 11 فرص للدعوة المستجابة عند الافطار ..
مرت 11 فرص على العرض الرباني الرمضاني ..
لنيل الرحمة والمغفرة ..ولنيل العفو و"صك" العتق من النار

- هل احنا عندنا استعداد اننا تصيبنا دعوة جبريل عليه السلام ..وتأمين النبي ﷺ بالابعاد والطرد عن رحمة الله عزوجل لو ضيعنا فرصة رمضان ؟!
الهدف الرئيسي من الشهر المبارك ده هو تحصيل التقوي
{كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ}

انك تجعل بينك وبين غضب الله عزوجل وقاية
تجعل بينك وبين النار وقاية
بفعل الطاعات .. بالتوبة .. بالعودة لله عزوجل
باجتناب النواهي .. البعد عن المعصية .. البعد عن المهلكات

مر 11 أيام ولسه بعض الناس هدف تحصيل التقوى مش واضح قدامه
مش بيسعى ليه !
- مش معقول يكون هدفك تحصيل التقوى .. وانتي لسه لابسه نفس اللبس اللي عارفة انه ماينفعش
- مش معقول يكون هدفك تحصيل التقوى .. وانت بتفضل تشوف مسلسل على حساب ورد القرآن
- مش معقول يكون هدفك تحصيل التقوى .. وانت مكسل عن القيام بعد 4-5 أيام من رمضان

يا شباب .. يا بنات
محتاجين نراجع نفسنا ..ونفتكر نفسية دخول رمضان والتصميم على الفوز بيه
نفتكر فضله وقيمة كل دقيقة فيه
نفتكر اننا محتاجين للتقوى .. محتاحين للعتق
محتاجين رضا ربنا علينا ..
محتاجين نفرح في الدنيا بعد انتهاء الشهر بتوفيق ربنا لينا للعبادة
ونفرح يوم القيامة بالجنة والعتق من النار

"مر الثلث .. والثلث كثير"

@MOOD11011