محمد ماهر - للصف الثالث الثانوي

2021-08-08 00:09:16 كيف تختار كليتك ؟ ... فيديو جديد مهم جدا لكل طالب خلص ثانوية عامة .. لازم تبعته لطلاب ثانوي عام اللي عندك



باز کردن / نظر دهید

2021-08-02 23:24:01 فيه حاجة انا بعملها كل فترة وعايزة اعرفهالكم يمكن تستفيدوا منها وتعملوا زيها ..

الحاجة ديه هي اني كل اسبوع تقريبا ... لازم اروح الجامع واقعد مع نفسي خالص واقعد ادعي ربنا واطلب من ربنا واستغفر ربنا من ذنوبي كلها واني اشوف علاقتي بربنا عاملة ازاي عموما ... مقصر في ايه بالضبط ومحتاج اغيره ... ايه الحرام اللي بعمله ومحتاج فعلا اعمله خطة واوقفه خالص

وديه مش حاجة صغيرة خالص .. ديه حاجة عظيمة جدا .. عشان ديه خلوة بس خلوة حلوة .. خلوة مع النفس ورب النفس .. خلوة مفهاش ذنوب .. هي ديه الخلوة اللي ممكن ترفعك لحد سابع سما ... مفيش حد شايفك غير ربنا وكمان بتطلب منه وبتدعيه وبتعبده .. مش همك الناس خالص بالعكس مفيش حد شايفك اصلا ...

بتفرق على ناحيتك النفسية جدا عشان بتفرغ همومك بجد عند من لا يخيب رجاء العباد ... عند أرحم الراحمين ... هتحس براحة عظيمة جدا ... مش شرط تكون في الجامع ... ممكن لوحدك في البيت .. في البلكونة .. في اي مكان تكون فيه لوحدك بس ومحدش معاك ... ابكي وادعي وارفع ايدك وشوف حالك هيتغير ازاي ونظرتك نفسها للدنيا هتتغير ازاي .. وهتدعيلي باز کردن / نظر دهید

2021-08-02 16:27:40 طلاب الثانوية العامة دلوقتي باز کردن / نظر دهید

2021-07-31 22:28:09 باز کردن / نظر دهید

2021-07-26 23:24:56 عملت قناة تليجرام.. لكل الناس .. هنزل فيها نصائح للشباب كل يوم .. لينا كلنا

ادخلوا فيها يا شباب وابعتوا لصحابكم .. هبعت فيها كل يوم معكم لآخر الطريق إن شاء الله

https://t.me/MohamedMaaher باز کردن / نظر دهید

2021-07-26 17:31:58 محمد ماهر. باز کردن / نظر دهید

2021-07-26 17:31:58 هكلمكم شوية عن ذنوب الخلوات يا شباب عشان خطيرة جدا وبيقع فيها ناس كتير ... ولاد وبنات شباب وعواجيز .. صلوا بقا على النبي كده وركزوا معايا

ذنوب الخلوات ديه من الآخر كده يعني ذنوب بتعملها لما تكون لوحدك .. لما تقفل على نفسك الأوضة ... لما تكون لوحدك في الشقة .. لما تتأكد إن مفيش حد شايفك غير ربنا ... هنا بقا بتظهر الجرأة بتاعت العبد وبيعصي الرب .. طيب ايه هي الذنوب ؟ كل واحد عنده ذنب .. واحد يشرب سيجارة ... واحد يكلم بنات في الحرام ... واحدة تجيب صور وأفلام زنا وفواحش .. أيًا كان ... كل ده اسمه ذنوب الخلوات

طيب هي ليه خطيرة يا محمد ؟ خطيرة عشان محدش بيشوفك غير ربنا ومع ذلك بتتجرأ وتعملها ... خطيرة عشان الرسول اتكلم عن ناس يوم القيامة هييجوا بحسنات قد الجبال لكن ربنا هيمحيها خالص ولا كأنها جت أصلا! الصحابة سألوا والرسول جاوب وقال : قوم كانوا إذا خلوا بمحارم الله انتهكوها ! ... كلمة قاسية أوي .. ناس لما تقعد مع نفسها بتنتهك حرمات الله ... بتعمل حاجة حرام .. عشان كده الذنوب ديه خطيرة جدا ومخيفة فعلا

طيب يا محمد انا دلوقتي بعمل ذنب معين كده ... هل فيه حل ؟ أه طبعًا فيه ... اسمع مني بقا وركز

1- لازم تاخد قرار جاد إنك تمنع خالص أي حاجة بتوصلك للذنب ... امنعها من جذورها خالص ... يعني لو موقع معين تقفله وتقفل أهله خالص وتقطع أي وسيلة توصلك بيه ... لو صفحة ع فيسبوك ولا جروب تقطع علاقتك بيه خالص وتطلع وتعمله بلوك ... لو علبة سجاير ترميها خالص أصلا .. لو صحبة فاسدة بيجرجروك للحرام تبعد خالص عنهم ... ابعد ابعد ابعد خالص عن أي حاجة بتقربك للذنب ...

2- لازم لما تجيلك الفكرة إنك تعصي ربنا ساعتها ... لازم تقوم تعمل اي حاجة ... لازم تغير نشاطك ساعتها ... تقوم تصلي .. تنزل تلعب 10 ضغط ... تتمشى في الشارع شوية .. تكلم صحابك ... تعمل ساعتها أي حاجة .. تلجأ لربنا سبحانه وتعالى ... وربنا هينجيك ساعتها بإذن الله ... وافتكر إن سيدنا محمد علمنا أن من ترك شيئًا لله عوضه الله خيرًا منه

3- لازم يكون ليك هدف في الحياة وحاجة مشغول بيها ... مينفعش خالص يا جماعة تفضل قاعد فاضي كده ... شيطانك هيوديك ويجيبك وانت قاعد محلك سر .. لازم يكون فيه هدف بتصحى عشانه .. حلم بتحلمه وبتسعاله ... عندك قيمة في الحياة .. وليك قيمة .. فيه حاجة بتعملها بتخلي يومك كل يوم أحلى رغم كل الظروف الصعبة اللي انت فيها ... لازم يكون فيه حاجة في حياتك بتعملها بجد بتخليك فرحان ومبسوط وبترفع من احترامك لنفسك

4- لازم ترفه عن نفسك دائمًا وأبدًا بالحلال .. الحياة مش كلها جد .. لازم طبعا ترفه عن نفسك بالحلال ... مينفعش تشيل الحرام اللي كنت بتعمله وتسيب مكانه فاضي ... يعني مينفعش تبطل سجاير وتفضل قاعد كده .. لازم تشوف حاجة مسلية ليك وحاجة بتفرحك بالحلال ... وكل واحد أدرى بنفسه ... اعمل حاجة بتحبها ... لما تبعد عن ذنبك كافئ نفسك دايما .. شوف حاجة بتحبها .. انزل اتمشى مع حد بتحبه .. روح مكان حلو ... أي حاجة .. أهم شيء لازم ترفه عن نفسك كل ما تبعد عن الذنب ... لازم المكافأة

5- لازم تكون صبووووووووور ... ديه والله العظيم أهم نقطة ... بالله عليكي لازم تصبر ... يبني الموضوع مش هيروح في يوم وليلة ... لو طولت عادي أهم حاجة تكون ع الطريق الصح ... لو بعدت عن ذنبك يومين تلاتة ورجعت تاني ... هل ديه نهاية العالم ؟ لا خالص ... انت مش هترجع للصفر تاني خلاص + انت اتغيرت بالفعل + انت ماشي ع الطريق الصح + انت بتجاهد نفسك ... ده كله عظمة أصلا وحاجة روعة بجد ... لازم تبقى شخص عنيد .. لو وقعت مرة تقوم ألف مرة .. لو اتغلبت في معركة تقوم وتعمل 10 حروب

وقعت في الذنب بعد ما بطلت كم مرة ... عادي .. اعرف انت وقعت ليه .. وعالج المشكلة ... واعمل خطة طوارئ ترجع بيها أقوى من الأول ... وكل ما ترجع للذنب بترجع لربنا أقوى من الأول ... لحدا ما هتبطل خالص ... الصبر والاستمرار ده أهم حاجة بجد ... معظم الناس مش بتعمل كده أصلا وهي دي المشكلة ... عايز الحل يجيله وهو قاعد .. وده مستحيل

6- لازم كمان تعمل بيئة إيمانية لنفسك ... لازم تبدأ تغير من حياتك واللي حواليك ... اتعرف على ناس كويسة واتعلم منهم ... ابدأ اتعلم دينك واعرف عن عقيدتك وربك ورسولك ... اقرأ سيرة الرسول واتعلم العلم الشرعي ... مش بقول إنك تكون شيخ .. لكن لازم تعرف دينك وتعرف رسولك وتتعلم بجد ... كل ما يزيد علمك كل ما هتزيد خشيتك لربك وكل ما هتبطل الذنب اكتر ... شجع صحابك ع الخير واعمل صحبة صالحة ... لو مفيش بيئة صالحة اعملها انت وابدأ انت ... فكر صحابك بالصيام والصلاة وشجعوا بعض .. جمعوا من بعض وتصدقوا ... لازم تكون شعلة في الخير واعمل بيئة إيمانية بجد

وبإذن الله هتبطل خالص وهتدعيلي .. ولو انت بتقرأ الكلام ده دلوقتي اعرف إن ديه رسالة من ربنا .. استغل الرسالة ديه بالله عليك واوعى تطنشها ... واشتغل على نفسك من دلوقتي ... وهييجي يوم وهتدعيلي .. بإذن الله

- باز کردن / نظر دهید

2021-07-26 03:55:36 باز کردن / نظر دهید

2021-07-26 03:54:20 صلاة الفجر يا شباب باز کردن / نظر دهید