الخادم محمد توفيق الجياشي

2022-08-02 23:40:25 يوم(الانصار)
هلا بنصار الحسين وياهلا
كبار ماتحمل عركهم كربلا
*
هلا بنصار الحسين الما تغمض اعيونهه
الراي واحد صار عدهم زينب ينصرونهه
خايفه يسمعون زينب خافن ايخلونهه
وگفوا اباب المخيم هوسه وايسمعونهه
(انموت وما نطي الخيمه)
*
شدو الرايه ابرايه وصاحو احنه ازلامهه
اليوصل يم طارف الخيمه نزل بيه عدامهه
اشتطلع ازلامچ يزينب والحسين الامهه
المثل هذا اليوم ربچ يبت حيدر ضامهه
(بس زينب نادت جيناهه)
*
واحدهم ايعادله ميه انتي بس انخيهه
ازلام ومعدله عندچ خويه تچي عليهه
باجر انخلي زلمهه امذبحه اشوفيهه
الگاع وي الروس باجر زينب انساويهه
(أنهد الطف بس انخينه)
**
انته يحسين اليحبك ما يضل بحيره
وحنه من جود ابو فاضل شربانهه الغيره
احنه طلابة ملاحم موش عركه ازغيره
من يطب واحدنه يرهب لو صرخ تكبيره
(واليوم انرد بيهه الكوفه)
****
ماتهم كثرت عددهه ولا تهم الوادم
المالحك يحسين بيكم يكضي عمره نادم
احنه مولاي ويغيرك ابد ما نتوالم
نطي الركاب احنه دونك ونته ترجع سالم
(طلابت حگ وي انصارك)
*. باز کردن / نظر دهید

2022-08-02 23:25:06 نزال (مولاي مسلم ع)
...
حي الله مسلم.....يحي الله مسلم
**
من عمك يمسلم ماخذ اهواي
غيره والشجاعه
ومعروف انته سابك ناس ابهاي
وتميز الطاعه
مثل الحسن انته تكرم الضيف
َومشبع الجياعه
وجبير بعركهه بطكت السيف
يمهيل اطباعه

ياحيد وشهم
يلكلك عزم
منك والنعم
ياشيخ الزلم
حي الله مسلم.... يحي الله مسلم
.........
يمونس ابطكه مثل عباس
يلترهب اعيونك
عالي وما تطخ بلحومه الراس
وشعرك علمتونك
انته بلملاكه هزبر الحيل
وكل يعرفونك
لو صار النزل امكابل اوجوه
لا مايكدرونك

ياليث الحرب
وحدك من تطب
حيدر بلغضب
يقاموس الادب
حي الله مسلم... يحي الله مسلم
........
يلثابت ابعزمه وما عرف خوف
بفعاله الحلوه
سفيره حسين انته ختارك ابهاي
يم مثل الاخوه
مرسال انته صرت لجيش الحسين
يلبيكم تئكوه
يلخليت بيه الكوفه نيشان
يلسطرتك تدوه

الك ولهلك
الله منزلك
محد يوصلك
حسين محزمك
حي الله مسلم..... يحي الله مسلم
****
ابن عم الحسين وعاشك حسين
يامسلم دخيلك
سبع انته وتسوي الزلمه نصين
ياهو اليعتنيلك
يكوسر والزلم  اكبالك اتراب
هاشم بعد حيلك
يلشايل الغيره ياكلف حيد
يلعابد ابليلك

يلعمك علي
شتطلع ياولي
ياناسي وهلي
ابحبك مبتلي
حي الله مسلم... يحي الله مسلم
***
مسلم يلملكط الكوفه ألكاط
يلساحك زلمهه
ابن عم الحسين ودخل ازماط
من الشارب يجرهه
ريشاته علراسه جنه عباس
ياغيرت كمرهه
خله الجيش كله مكمط كماط
وضل يكسر ضهرهه

شايل رايته
طوعه تلكته
بغيره خدمته
بزينب وصته
حي الله مسلم... يحي الله مسلم
..... باز کردن / نظر دهید

2022-08-01 16:58:14 (شور)
لسان حال مولاتي الرباب ع تخاطب عبدالله الرضيع ع
عبد يمه...... عبد يمه
?????
عشرتي وياك ست أشهر مالحكت اودعنك
واسمع للبلابل صوت ما اسمع صد ألونك
شمالك ياغصن ريحان بارد يبني شو حظنك
رأسك ما اشوفه اوياك عاشرت الرمح جنك

شمالك عاشرت رمحه/// عبد ماطالت الفرحه
.... عبد يمه
     **
اظمنك وخاف اعليك مني الوادم اشمك
يلمخلوط هيل وياس شنهي الزعلك بمك
سولف يابزر تعبي من فدوه رحت لسمك
شني البدلك ونويت تعز عله امك اضمك

مو مالت ذبح يبني// عبد حاجيني ذا تحبني
عبد يمه...... عبد يمه
.......
ليش ابفرحتي ابجي موحكي افرح ابولدي
محسوده من اشمن بيك هوه جم طفل عندي
ما خلوني افرحن بيك كلهه اتجمع ضدي
وكاروك صبح ارماد وجتالك غده يحدي

حاجيني عبد يمه//// صوتك عني لا ضمه
عبد يمه..... عبد يمه
........
يلمونس صفنتي وياك شيجبركسرت الخاطر
يبني من رحت لليوم امك ضالة اتناطر
كل يوم اليمر انساه وكولن ينجبر باجر
وكولن ابنيي مامذبوح ماهو ابركضت العاشر

يرد بينه زمن ياريت//عبد يم اخته جاه خليت
عبد يمه....... عبد يمه
...................
يشمامت أبوك حسين اتخاون دمعتي وني
احلم ادعي افز ولكاك يبني نايم ابحضني
يعبدالله ولأني الشيب كلهه ابروحتك مني
مثل نسمت هوه الغركان باكو شوفتك يبني

يلمدلل خلص عمري// كله ابروحتك يبني
عبد يمه... عبد يمه
......... باز کردن / نظر دهید

2022-07-30 17:01:26 (ام)
للسان حال مولاتي زينب ع تخاطب الامام الحسين عليه السلام
عند عودته من المشرعه
.........
اسمع فرح وطبول بلجيش
حاجيني خويه تعطلت ليش
مو لونك هذاك*متغير شجاك
(حاجيني يحسين//حاجيني يحسين)
............
رديت ولونك تغير..... مو هذاك البي مشيت
تمشي ودموعك تهله..... وعله الخاصر انتجيت
يابسه اشفافك وتهمس... مدري ياخويه شحجيت
وعينك علنهر صدت...... ونضرت ليه وبجيت

ابعيونك اشكد شايل اجروح
شلون مدري وضلت الروح

وحيد بلا لواك /////متغير شجاك
(حاجيني يحسين)
..........
حجي عيونك بي سوالف.. . وعتب ويه النهر
شنهو يحسين الجرالك.. . وهيج كاسرلك ضهر
عدل لو ميت اخيي... كلي شو راح النضر
حسين عباسك تخر.... سولف اشعندك خبر

عباس وينه وين الوعود
ويه زينب ماهوه موجود

شو سومر ضواك////متغير شجاك
****.
كلي يبن امي اجرالك....مابقت بيه انه روح
ليش ايد ابيد تصفك.... والحزن منك يفوح
مو ملامح وجهك انته....وينه ابو وجه السموح
عباس عفته ليش وحده.... خاف من عندك يروح

مساعه وي عباس امشيت
جا ليش وحدك خويه رديت

اشصاير وراك///متغير شجاك
(حاجيني يحسين)
..........
أمسابك الحسرات اشوفك....والنفس بيك اختلف
وطيحت خيمتك عضيدك....وانه كلبي شو رجف
جنه ما يرجع كفيلي.... ذاكه  ال بزينب كلف
خويه ضهرك محني بسلا.... راس عباسي نخسف

عذر كلي حته اقنع
ميت لو عباس يرجع

مخنوك ابهواك/////متغير شجاك
(حاجيني يحسين)
..........
الدنيا ضلمه بعيني صارت.... من بعد فئي الاخو
بعد ساعه انته رايح.....وانه ضل بين العدو
ياهو اليضل ليه بعدك.....وينغر لزينب منو
تموت زينب احسن الهه.... بعد بلدنيا شكو

حسين اموتن لو عفتني
يلي بشوفك دللتني

ذابحني جفاك////متغير شجاك
(حاجيني يحسين)
.......
خادمكم باز کردن / نظر دهید

2022-07-29 23:43:08 نواعي مولاتي العليله ع
.....
مكسوره خاطر ...عليلتكم بقت...... مكسوره خاطر
يرد باجر...... موكتلي اخيج.... يرد باجر
ضليت اناطر...... وي صب الدمع.... ضليت اناطر
.....
وبعد ماشوف...... طول هل السفر...... وبعد ماشوف
ومرني الخوف...... خافن ماترد... ومرني الخوف
امسح بلجفوف.... مجان البي كعدنه... امسح بلجفوف
.........
وي ذيج الضعون..... بويه الروح طلعت... وي ذيج الضعون
ماضلي كل عون.... خلوني غريبه.... وماضلي كل عون
ويه اليردون....... اتاني خبر منكم..... ويه اليردون
......
ضلمه البيت...... عكبكم ياهلنه... ضلمه البيت
انه اشتاكيت...... لعبدالله ورقيه.... انه اشتاكيت
وكعده صليت..... افراكك هدلي حيلي.. وكعده صليت
......
مامش اوياك..... وحدك بلكلب.... ومامش وياك
اتمنه ملكاك......خلتني كربله... اتمنه ملكاك
صعب فركاك... يلساكن ابكلبي.... صعب فركاك
....... باز کردن / نظر دهید

2022-07-29 22:52:17 شوط كربلائي (مستهل)
ريض يهلال الحزن... خلي حسين اودعنه
بس اليله اخيي وياي... اشبع رايده منه
****
يهلال بضهر عاشور** تلتم باجر اعليه
بين امسلب ومذبوح** ونار الخيمه المدويه
ولياهي تصير الروح**للبو الف وتسعميه
لو يم الكمر عباس** ابلا رايه اشوفنه
****
باجر بس حرم وطفال**بين الخيل مطشره
وباجر فوك صدر حسين**تسحك خيله العشره
ابن امي الجيت اوياه**أساوه وي الرمل صدره
ومابيهم زلم اجواد **تبعد خيلهم عنه
***
يهلال الحزن وياك** انه الماشافو اخيالي
اركض بين هذه وذاك** وين امشي العده كبالي
اودع باجر الطيبين**غالي من بعد غالي
وصعد فوك ذاك التل** ابن امي ودورنه
*
وام جسام والاكبر**ينوحن بلحزن يمي
تاخذ كربله الشبان** و أزيد علي همي
ونه مدوهنه ونعه**ودور وين ابن امي
وتتفرج عليه الناس** ولعباس احشمنه
***
اودعنه اريد حسين**بس هليله خليني
اشمابيك ابغيابك طول **تحله بشوفهم عيني
خوان الدهر وياي** ومني ياخذ اسنيني
ومابعد ارد بخوان** وبيه كبرت الضنه
***. باز کردن / نظر دهید

2022-07-28 02:51:14 عتذار الخادم
****
(حيل اعتذر)
ملتهين اندور اسوالف جديده
وهذه مو كد المقام ومانريده
انه اسف صار جرحك مو قصيده
وما تبجيهم بعد ذبحو وريده
( حيل اعتذر)
اعذرنه يامولاي من نوكف ابابك
نلتهي بحاجاتنه ونسه مصابك
وذنبي كلما يكثر يهيج عذابك
شنهي عذري باجر ابساعت عتابك
(حيل اعتذر)
بجيني بجلمه حسين واه زينب
بجيني من يصرخ الناعي يلمسلب
بجيني بنار المخيم غدت تلهب
بجيني من حضر عزاك يلمتعب
(حيل اعتذر)
كون بس عليك نقراهه القصايد
كون بس انته النحبه وماكو واحد
انته بس يحسين كمت عليك ازايد
انته وحدك بلكبك مولاي كاعد
(حيل اعتذر)
عليك بس انته لكيت الدمع يحله
والبجي شما طال لجلك ما أمله
انته بس حبك صدك مابي خله
واليحب غيرك اثاري يعيش ذله
(حيل اعتذر)
**** باز کردن / نظر دهید

2022-07-26 17:40:24 (حيل اعتذر)
ملتهين اندور أسوالف جديده
وهذه مو كد المقام وما نريده
انه اسف صار جرحك مو قصيده
وما تبجيهم بعد ذبحو وريده
( حيل اعتذر)؟ باز کردن / نظر دهید

2022-07-26 09:38:52 لسان حال مولاتي العليله ع كاني بها تخاطب الامام الحسين عليه السلام (ثكيل)
################
(المستهل)
عيوني لضعنهم تربي  *ومنتضره جلمت ركبي

والسكته تاكل بحشاي
ما كال كومي امشي وياي

انه العليله****انه العليله
*
يبنيتي كومي ما كلت وما باوعت بعيوني
خافن اجرحك والدمع تارس بقه بجفوني
العبره تاكل بلكلب والحيل هد امتوني
غركانه وبجلمت تعاي أمتانيه اطلعوني

راحن خواتي وياااا//بس انه ضليت هناااا

محتاره مابيدي راي
ما كال كومي امشي وياي
انه العليله**انه العليله
****
يا بويه مابيه المرض خليني بس امشي وياك
تتركني وحدي بلا سبب موتي يصير ابفركاك
جم مره اموت ابغيبتك وعدل يبويه ابملكاك
خافن يطول هل سفر يابويه اخذني اترجاك

اخدم ضعنكم امشي// وعبدالله حطه ابرمشي

ابشوف ابوي انه ادواي
ما كال كومي امشي وياي

انه العليله ****انه العليله
**
اعزازي جدامي مشو وانه انتظر وتاني
اركضت وياهم ردت مهضومه شو رداني
بس انه ليش بغربتي لازم اضل وصاني
يمشي ضعنهم مبتعد وحيل الهضم بجاني

كبالي ضعنهم يبعد//وانه انتظر هسه يرد

مافاد وني ولا بجاي
ما كال كومي امشي وياي
انه العليله***انه العليله
***
مدري ليش ابهل السفر لجمني كلبي ابخوفه
جنه اليصير ابكربله ما تحمل عين اشوفه
مجبور اضلن وحدي وبعدك اضل ملهوفه
يرجع ابوي من السفر وتحضني حيل جفوفه

يا فرحتي من الكاك//ياواحد ماثاني وياك

اوياه ماعشت اهواي
ما كال كومي امشي وياي
انه العليله****انه العليله
*
وره الضعن ماي ارد اذب ودعي ترد اعليه
وعن لا يمسك اي جرح وسالم ترد اليه
شمحله لو رديت لي وبيدك جبت رقيه
وعبدالله بيدك يبتسم وركض وامد اديه

ابحضني عبدالله يصير//افرح اشوفنه ابخير

وشربه من ايدي الماي
ما كال كومي امشي وياي
انه العليله***انه العليله
...............
خادمكم.. باز کردن / نظر دهید

2022-07-22 11:18:33 لحن القصيده هذه والتوفيق من اهل البيت عليهم السلام باز کردن / نظر دهید