الشاعر مهند قاسم الكاظمي

2019-11-05 20:59:24 The account of the user that created this channel has been inactive for the last 5 months. If it remains inactive in the next 10 days, that account will self-destruct and this channel will no longer have a creator. باز کردن / نظر دهید

2019-10-26 22:35:06 The account of the user that created this channel has been inactive for the last 5 months. If it remains inactive in the next 20 days, that account will self-destruct and this channel will no longer have a creator. باز کردن / نظر دهید

2019-10-17 13:29:03 The account of the user that created this channel has been inactive for the last 5 months. If it remains inactive in the next 29 days, that account will self-destruct and this channel will no longer have a creator. باز کردن / نظر دهید

2019-05-12 18:17:54 (وراثة يتِم)
***
الله ايعين الزهـــــــره
اتيتمت باُمهه ازغيْرَه
طفله اشگد منقهــره
ويلاه
والله ايعين الحُــــــرَّه
انعادت بيهه الكَــــرَّه
وورثت نفس الحسره
والآه
******
الگلبي امرده
منزل غِــــده
ابلا والـــــده
وچنِّي ادخلتله وطبِّيت
الروحي تِفِــت
صـــورة بِنِـــت
مِـــن تلتفِـــت
ماتلگه اُمهه بالبيـــــت
الطفله ام الحسن والدهر يتَّمْهـــه
شفتهه اتلوب واتدوُّر خديجه امهه
تبحث تصرخ وينچ
يُمّه فدوه العينـــچ
مو وكته وحَل بينچ
والله
رجعي لتعوفيـــــني
يا يُمَّه وحاچيــــــني
متسمعين اونيــني
والآه
*******
وچف الزمـن
تالي دِفَـــــن
ام الحســــن
وابزينب المشهد عاد
الگلبي احْرِگَت
اتدوُّر بُگَـــــت
بس اشلگَـــت
عالباب آثار ارمــــــاد
يتيمه وتدوْر امهه وفوگ هالحِرگـــه
لِگت مِن اُمهه ذكرى اعبايه مِحترگه
وهالمشهد ألَّمهــــــه
عالحايط دم اُمــــــهه
ابحيره اتصد الدمهـه
وتنعاه
وصاحت بس متألمه
حضريني يا يُمّــــــــه
انعادت بيَّه الهَظْمــه
والآه
*******
ابليل اليجِـــــن
الطفله تحِـــــن
الأعطف حضـن
حضن امهه بي حتى اتنام
امن اتيتمَـــت
وامهه اختفَت
فاطم غُفَــــت
ونامت ابحضـــــــن الآلام
من دور الطفوله اتمحْنت الزهراء
وكل هاي المحن ورثتهه للحـوراء
الزينب عالي اونيني
وسالت دمعة عيني
هَم صاحت كَلْميني
اُمّاه
زينب وامهه الزهـره
نفَس الحِس والنبره
امبيْنَه بيهْ العَبْــــره
والآه
*******
اشگد تفتقِد
امهه التصِد
امهه ابلحِـد
وبالأخص لو طفله اتكون
الحَدْ الكُبُــر
تنسه الصبُر
ويبقه گبُـــر
امهه ابگلبهه مدفـــــون
بنت النبي حتى ابيوم عصرتهـــه
خديجه ابالهه ولا أبَد ما انسَتْهه
الصار اوياهه كِلَّــــــــه
وكل صوره وكل جُمْله
نفسه ابَّتهه الطفلــــه
ألگاه
المِن كبرَت يسروهــه
بس لا ما نسّوهــــــــه
ضلع امهه العصروهه
والآه
******
يتشابهـــن
ام الحسـن
وام المِحَن
باليِتِم وبكل امصاب
وكلشي انرسم
ابنفس الألــم
وجمر الخيَـــم
ميلاده من نار الباب
القصيده يستحق هالبيت يختمهه
زينب بالمصايب طِلعت اعله امهه
القاري ابقِصة الزهره
اليعرف معنى العصره
يلگه ابقصة الحُــــــره
معناه
تشبهْ امهه البَضعـه
زينب هَم منفجعــه
نفس الهَم والدمعـه
والآه
******
كلمات خادم اهل البيت (عليهم السلام)
الشاعر مهند قاسم الكاظمي باز کردن / نظر دهید

2019-05-12 18:16:59 انكسر ظهر النبي ابليلة غيابك
وعِلَن عام الحزن طه المُصابك
والزهره وعلي ابموتك ينوحون
كل هذا الجره ومو مسلم اشلون
يبو طالب يبو طالب………………
مُشرك ايگولون عنّك وانته مُسلم بالادلّه
والذي مَيْريد يفهم هذا عنده بأصله خِلّه
وهالطعن أمْره جَلَي
اليطعنك يبغض علي
اشلون دينك جاهلي
واعله جثتك طه صلّه
اشلون المانطق عن هوى ايكلمك
وبچه وناده يَعَم الله يرحمك
ووحي كل حچْيَه ندري سيْد الكون
كل هذا الجره ومو مسلم اشلون
يبو طالب يبو طالب………………..
يالفديت الدّين لمّن للنبوّه صرت كافل
لو يذمّك شخص ناقص يعني انته صدگ كامل
ونهر اسلامك عَذِب
واللي يرميك ابكذب
خَلّه يرجع للشِعِب
اهناك يلگه اشگد دلائل
ثلث اسنين آويته النبينه
وحفظت اتباعه كلهه وصنت دينه
والله الكفّرك حاقد وملعون
كل هذا الجره ومو مسلم اشلون
يبو طالب يبو طالب…………… ..
من إجه الاسلام فرّق كل مُسِلْمه وزوج كافر
وبت أسَد چانت مُسِلْمه وانته إلهه ابقيت حاضر
اشلون ظلّت زوْجتك
وليش أبَد ماعافِتك
بُقَت هيّه ابذمّتك
لأن دينك چان طاهر
زين اشلون اذا كافر عفتهه
صارت مُسْلِمه وما طلّگتهه
الأدلّه هواي بس جيب اليسمعون
كل هذا الجره ومو مسلم اشلون
يبو طالب يبو طالب……………
بالعكس انته واُسرتك چنتوا اول اُسره تسلِم
والأبو سفيان جدّه صار بيكُم يطعَن ايذِم
ويكفي ناداك النبي
يابو طالب يا أبي
وللغيور وللأبي
بالتقيّه تبقه مُلهِم
لأنك مارست دين التقيّه
صاروا يرفضوهه الناصبيه
يمن تبقه جبل مهما يعصفون
كل هذا الجره ومو مسلم اشلون
يبو طالب يبو طالب……………… .
وَختاماً يابو طالب مثل طه اعليك ننعه
وبالمجالس والمآتم يوم موتك نصُب دمعه
ياللي حمّاي الحمه
والوديعه فاطمه
بچوا حَدْ ما بالسمه
مِن بچيهم بچي انسمعه
تظل ليلة وفاتك ليله صعبه
وبيهه المصطفى يشعر ابغُربه
أب ثاني بعد منهو إلَه ايكون
كل هذا الجره ومو مسلم اشلون
يبو طالب يبو طالب…………… .
خادم اهل البيت( عليهم السلام)
الشاعر-مهند قاسم الكاظمي باز کردن / نظر دهید

2019-03-30 15:48:54 (محلوله)
****
المصيبه تريد واحد كَلِف ويحلهه
وابو طلبه كفو امن اتميل يعدلهه
*****
لاتنهار لا تيأس ولا تحتار
ابو اربع مناير روحله خطار
كفو مِنَّه چريم وفتح باب الدار
ويلگه العون كلمن بابه يدخلهه
*****
لاتلتفت وامشي ثابت الخطوات
ولاتهتم ابد لمگاطف الشِمَّات
اهدئ واطمئن يم قاضي الحاجات
ذبهه ابحضرته وهوّه ايتكفلهه
****
خل تطفه جمرتك لاتظل تسعر
وكل اقيود همَّك خلهه تتكسَّر
بس گلَّه مدد ياموسى ابن جعفر
وشوف اشلون تنفض شدَّتك كِلهه
****
زمان المعجزه لاتظن فات وراح
موسى انخاه البابك تلگه الف مفتاح
احچيله الإمامَك گِلَّه مارتاح
آنه ابصايتَك واحوالي بَدلهه
****
عليمن مرتبك خل ينمحي خوفَك
لتصدَّگ الكاظِم طايح ايعوفك
فجأه ولَن تشوفه اتناوش اچفوفك
ويطَلْعَك مِن الحفره وماترد إلهه
*****
عيش وشوف واتذكَّر احچاياتي
أنه عن تجربه سَطَّرت چلماتي
چنت حاسبهه صعبه وگضَت حاجاتي
وكل الزود للكاظم السهَّلهه
*****
كلمات خادم اهل البيت(عليهم السلام)
الشاعر مُهند قاسم الكاظمي باز کردن / نظر دهید

2019-03-30 15:48:10 قصائد استشهاد الامام الكاظم عليه السلام
قصيدة(علي ابن السُّويَد)
****
خَبَر جَاهه الشيعه يوم الجُمْعه
امن الحَبِس يطلع إمام الرِفْعَـه
*******
بَعَد غيبه وفاتت اعليهه سِنيــــــن
موسى بيهه غاب عَن العالميــــــن
الگيد بايده ورجله وابسجنه رهين
مِختفي عَن شيعته والوَسْعه
*******
مِن گرب يوم الفرج مبعوث إجَـــه
مِنَّه يحْمَل خبَر موعِد فَرَجَــــــــــه
الجمعه يصرخ مِن طوامير الدُجـه
موسى ابن جعفر ينول الطلعه
******
ليل وانهار اعله اتباع الرســـــول
ظَل علي ابن اسوَيد يفتر ويجول
يِخْبِر الوادم بُگه ابلهفه ويگــول
انكشَف ضُرْ موسى حليف الدمعه
********
چِنِت عنده وگال حَل عنِّي الشَقَه
ثلثتيـــــــام الفَــــرَج مِنَّـــه بُقَـــه
وابجسر بغـــــداد گـــال المُلتقـــه
ويَّه أشياعي الصُفَت مِتْوَزْعه
*******
الشيعه لابن اسوَيد لَمَّن سِمْعِتَه
يبشِّر النـــاس ابوليهــه وطَلْعِتَـه
شِكْرَت الرَّب الرؤوف وحِمْدِتَــــه
فَك حَبِس حامِل كِتابَه وشَرْعه
*******
لِبْسَت الشيعه أرَق وأجمَل لِبِس
اتريد تتلگَّـــه الإمام امن الحَبِس
والأجِل مِطْلاعه صارَت كِــل نَفِس
مِطْمَئنَّه وبالفرَح مِتگبْعه
******
للرصافه اتوَجْهَت الشيعه جمــــوع
وعالجسِر علگت المولاهه الشموع
تنتظر وگفَت يحِل وكت الطلـــــــوع
من سجون الظُلُم لابْن البَضْعه
*******
وبين ما تنتظر چانَت مَطْلَعه
لَن نعش لاح ويشيلوه اربعـه
ماتبيَّن إلْهه عُظْم الفاجعــــه
إلَّا مِن گام المُشيِّع يِنْعه
*****
ينعه وينادي وصرخ يارافضـــه
هُمُّوا لَن هذا نعِش عود الرضه
خَل نشيله وأمْرَه لله انفوُّضــــه
وبمدامعنه وهَضمنه انشَيْعَه
*****
انگلبت الأفراح أحزان وجــــــروح
عالجنازه صارت الشيعه تنـــــوح
وين نرحَل صاحت ابفگده ونروح
اووين ننطي الوَجهْ مِن انودْعه
*****
كلمات خادم اهل البيت (عليهم السلام)
الشاعر مهند قاسم الكاظمي باز کردن / نظر دهید

2019-03-30 15:47:55 قصائد استشهاد الامام الكاظم عليه السلام
قصيدة(باب الحاجات)
***
يم گبرك جينه بهالليله ياباب الحاجات
ومثلك يابِن جعفَر نصرخ للذلَّه هيهات
الك نحضر
يبِن جعفـر——ياباب الحاجات
*******
مشايه وازحوف وركض هوسه ابأثرهه هوســه
هالخَلَگ مِن كِل الدول حِضرَت الك ياموسه
للحضره توصل لاهفه اتكض الضريح اتبوسه
وكل المجاميـع الإجَت بوْلايتك محروسه
چم شايب مايگدر يمشي وچم عاجز مشلول
گوَّمته ابجاهك والعالَم بيك اصبح مذهول
غِدَه امحيَّر
يبِن جعفَــر——ياباب الحاجات
********
معروفه ليصيبه مَرَض يگصد لَعِد دكتوره
وينطيهْ وصفه امن الدوه متضحه هاي الصوره
واحنه عكس كِل هالبَشَر شخصك فقط لِنْزوره
وتنزاح مِن عدنه العِلَل مِن گبرك ومِن نوره
نتشافه ابسرعه لضريحك بس نتعنَّه انزور
صَحنَك مستشفى وكِل عِلَّه إلهه انته الدكتور
طبيب البَر
يبِن جعفـر ——ياباب الحاجات
********
چم خَرسه واشچم عاجِزَه يمَّك حِچَت واتشافَت
وچم حادثه وچم مُعجزه يَمَّك الوادِم شافَت
اتعنَّت إجَت وصلت إلَك مِن كِل غَدِر ماخافَت
وصارت تِحج ابحضرتك واعله ضريحك طافَت
مثل الحِجَّاج اعله اضريحَك صارت هالزوَّار
ماتهتم الأي إرهابي وماتعرف الاخطار
ولَو فَجَّـــر
يبن جعفر——ياباب الحاجات
******
متعجِّبه اعقول الغَرِب والشَرِق كِلْهه ابشخصَك
ابيا منزله رب العرش فضَّلَك هُوَّه وخَصَّك
متأيِّد ابروح القدس والعلي العالي امرخصك
تنطي الحوايج للبشر تنشر عليهم حرصك
تِحْرِص مَتْخيْب اليتعنَّه ومَتْرِد أي مِحتاج
والكون أصبَح يابو طِلْبَه من نورك وَهَّاج
وبُگه يزهَر
يبِن جعفَر——ياباب الحاجات
*******
خَل ينظر اعليك الزَمَن خَلْ تِصِد ليك اعيونه
وايشوف وين انته صِرِت وين النذل هارونه
گبرك مناير أربعه شايلهن اعله امتونــه
وگبتينك اعليهن بُگه الذهب يلمع لونه
ين الطاغي وقصره الشامخ دلوني ابهارون
لامِن گبره لامِن عَرشه موجود ابهالكون
گِضَه اويه الشَر
يبِــــــــن جعفَر——ياباب الحاجات
*******
وآخِر كلامي سيِّدي ينتهي اوياك ابدمعه
اتعنيت الك يابو الرضا وضاگت عليَّه الوسعه
كِلَّك كَرَم واليگصدك مَتْخِيِّبَه ومَتْرَجْعه
طالب الثار ارد افتهم يمته تِصِحْلَه الطلعه
مسجونين وصبر الغيبه صار النه الزنزان
چم يوم العَدَّه وچم ليله والغايب مابان
مَتَه يظهَـر
يبِن جَعْفَر——ياباب الحاجات
********
كلمات خادم اهل البيت (عليهم السلام)
الشاعر مهند قاسم الكاظمي باز کردن / نظر دهید

2019-03-30 15:47:32 قصائد استشهاد الامام الكاظم عليه السلام
قصيدة(سُلطان الكاظمية)
****
من اطرقت باب الحوائـــج
ماخَيِّبَت دَگَّت اديَّــــــه
ومايوم مِنَّه ارجعت خايب
سُلطان ارض الكاظميَّه
********
صدري مِن يختنگ ابصحنه أشم الهَوه
وبالمرض عنده بَس روحي تلگه الدوه
يم موسى بن جعفر أحس أهْده وتطيب اجروحي
واتحومي تُبقه اعله الگُبب مثل الحمامه روحي
الگُبتين والأربَع منـــــايـر
چَن جَنَّة الله اعله الوطيَّه
وهالمَمْلكه أصبح مَلِكهه
سُلطان أرض الكاظميَّــــه
******
خاطبت حَضْرِتَه امن ادخلت حَضْرِتَـــه
يالتُفـــــك العِگَد گلبي فُـــــك عِگْدِتــه
اعليك اقسِم ابذاك السِجن الليل وصبح چان اظلَم
بعيوني ظلمه دنيتي ضوّيهه واكشف هالغَم
أدريك حلّال المشاكـــــل
وأعرفك تجلي كِل رزيَّـــه
الهذا السبب سَمّاك ربَّك
سُلطان أرض الكاظميَّـــه
******
بيك ياسيدي گلـبـي من ينتخــي
ايجاوبك والنِّعِم يا امامي السخي
وحاچيت گلبي المحترگ لو جمر دهرك مَسَّك
جمرتك تبرد تنطفي بس بابو طلبه اتمسَّك
اعليك اقسم ابدمعة سجودك
نظرتك خليهـــه عليَّــه
وهِنيــــال كِلمَـــن حاز نَظْــرة
سُلطان أرض الكاظميَّه
******
گبل لا اندبك تفتهم نِدْبتـــــي
يابو طلبه وبِدَي تنوضع طِلْبتي
ما ادري كيف آنه اشكرك يالعيَّشتني ابجالك
بس گطره من بحرك ردت غرَّگني بحر افضالك
ومن ابتعد عَنَّك أحسَّـك
تشتاگ الي واتحِن اليَّــه
ويا كُبُر حظِّي حين ازوراً
سُلطان أرض الكاظميَّــه
*****
اشما اطُب للصَحَن ايظَل خيالي يوِن
واذكر المُعْتَقَل البي چنت مِنْسِجِـــن
ابسجن انفرادي وللأهل دمعك جِرَه امن اشواگك
ساجد وحمره السلسله الرضَّت اديك وساگك
أهلَه بچوا يوم اعتقالـــــه
وماناحوا ابيوم المنيَّـه
مادروا بي مِن مات بالسَّم
سُلطان أرض الكاظميَّه
******
كلمات خادم اهل البيت(عليهم السلام)
الشاعر مهند قاسم الكاظمي باز کردن / نظر دهید

2019-03-30 15:47:12 قصائد استشهاد الامام الكاظم عليه السلام
قصيدة (جنازة غريب)
****
ابدمْعه تغَسْلـه
للميِّت أهْلـــــه
عــــازتهه عازه
وموسى ابُغربته
ابموته ودفنتــه
وحشه الجنـازه
****
كلمَن لفاه الأجَل أهله يحضــــروه
وكلهه عليه تنثبر يم جسمه ينعوه
بين اليحَضْر الچِفَن بين اليغَسْلوه
ومو اربعه للنعش مِيَّه اليحملــوه
بس موسى وسفه
مايــــدري چتفـه
ابنعشه تـــوازه
ابعيده المسافه
ابجسر الرصافـه
وحشه الجنازه
*******
الكاظــــم صِدِگ قِصِّته كِلْهه مُعانــــاة
گَضَّه حيــــاته ابغُرُب وابغُربتــــه مات
اشمحله التِشَيْعَه هَلَه وترفعله الآهات
ويلي اعله الجنــــازته مايمْهه حسرات
غاب الينوحـه
وينعه جروحه
ابِّيت ارتجازه
المايَمهه وَنَّـه
المايَمْهه حَنَّه
وحشه الجنازه
******
فوگ السجن والغُرُب وافراگ الاحباب
تاليهه بالسَّم گِضَه وگلبه السَمِح ذاب
صعبه اليموت ابغُرُب واحبابه غِيَّــاب
ماتشعُر ابفرگتـــه لتشيعه الاغــــراب
النعش الترفعه
غُربه وتشَيْعـــه
واضح نشـــازه
الغايب وِلفْهـــه
الما وَن خَلِفْهه
وحشه الجنـازه
*******
امْبَيْنه الجنازه تره امن الإلهه جَنّـاز
ابچتفه يميل النعش ليشيِّع اعــزاز
الشايل عزيز ابنعش يبچيله ألمــاز
اي والله طبع النعش للدمعه يعتاز
وموسى فگدهه
ناس اليودهـــه
البيهه اعتـزازه
ابتشييعه واضح
يرسم ملامـــــح
وحشه الجنازه
*******
موسى ابن جعفــر تره ناحتله الگيــود
وونَّت على فُرگتــه آثــــــــار السجــود
والموته صـــار السجن قُضبانه ممرود
وچتف الجسر شَيَّعه ودمعه بُگه يجود
إبن الفضلهه
عالدنيا كِلهه
هيچي تِجازه
گلبه امرده السَّم
المايمهه مأتَــــم
وحشه الجنازه
******
كلمات خادم اهل البيت (عليهم السلام)
الشاعر مُهند قاسم الكاظمي باز کردن / نظر دهید