أقره بـ مريم ... و دموعي فَسْرَتْ أول السوره خيام و سبايه ضلوع | الشاعر حاتم صبري الكاظمي
أقره بـ مريم ... و دموعي فَسْرَتْ أول السوره خيام و سبايه ضلوع مكسوره و انرسمت ابالي ... كل كربله اگبالي _______ أم البــنيـن أنه و صحــت بسم الله و بسم الـ مِشه و لا ما أخَذني وياه افتَحْتِ الكتاب و گلبي ناوي يقـراه بـ آية كَهيعَصْ طِــلع وجهك محلاه
وجهك شفته ... مو نفسه ذاك الحلوه أثاره مَضروب فوگ الجَبها بحجاره يالجرحك أوحالي ... كل كربله اگبالي ________ حزنك أشوفه بمصحف الله مكتوب شما أقره احسَّك مِنكسر لو متعـوب ما أدرَكَــت مـــريــم أبنــها مـصلوب وأنه اَمَّك الـ ما شِفِت ثوبك مسلوب
مختلفه هواي ... مو مثل زينب مِسحت دموعك و شافَت الخيل اطشّر اضلوعك دمعـتها تقرالي ... كل كربله اگبالي ____ و بكل حرف دمعي يبو الأكــبر طاف اعليك و علىٰ زينب تره گلبي يخـاف بـ الحَرْف الأول كــربله مَعنىٰ (الكاف) نار و خِــيَم معـناها زينــب تنــشـاف
بنت الزهراء ... معقوله زينب تمشي شافوها مو بالحبل ؟ سلسله گيدوها متغيره أحوالي ... كل كربله اگبالي ________ بأسمك نِزول الآيه معــــبودك شــاء معنىٰ هــلاك العـتره تفـــسير (الهـاء) مذبـوح عالغـــبره بظـُـهُــر عاشوراء يصيح الشِمِر هالراس لـ ابن الزهراء
ياهو المرفوع ... فوگ العواسل گلبي لو راسك يسحگني ريت الحافر الداسك و الـ بيك يجرالي ... كل كربله اگبالي ________ (يـاءٌ) يزيد الـ ما إجه بظُلـــمه ثــنين و مِنْ ثُمَّ صار گبالي تفـــسير (العيـن) بآخر رَمَقْ وتصيح (عطشان) حـسين يابس لِسانَك و الرمُـــل طبْ بالعــين
أخر أنفاس ... تگوم و تطيح تشوف گدامك بنيرانهم هجموا عله اخيامك و شفت المهر خالي ... كل كربله اگبالي ________ أم البنين و كل نيــاحي لـ حالَــك بـ(الصاد) صبرك و الصــبر ينعالك يا أول انســـان و يشِـيِبْ اخْيالَك و شتصبُر و زينب سِـبيّه اگــبالك
هذه المكتوب ... بس العكس يا ريته لو حاصل يا ريته حَي ما مات أبو فاضل و يرجع شكو غالي ... كل كربله اگبالي ________ وشگد تمنـيت انـته من اتســــافِـر ويه الاربعه الخامِسَه بالطـف باچِر سالِم تظل وانه الـ يدوسـه الحافِر اوياك انـذِبِح من تنــذِبـح بالعاشِـر
شگد بيه دموع ... محرومه منك ما بست صدرك موتـي اجاني و ما زرت گبرك ويه موتي تدنالي ... كل كربله اگبالي
الشاعر حاتم صبري الكاظمي
رواية (كهيعص) و تفسيرها كما كُتِبَت في القصيده منقوله عن الشيخ الصدوق في كتاب كمال الدين بإسناد تاريخي من سعد ابن عبد الله.. و خُيّل لشاعر أن ام البنين ع هي التي قرأتها والصوره الشعريه واضحه في القصيده ..
