العليله ع إخذ يا طير ... كلمه بدمعـة جفوني عساك بخير ... بويه | الشاعر حاتم صبري الكاظمي
العليله ع
إخذ يا طير ... كلمه بدمعـة جفوني عساك بخير ... بويه ياضوه عيوني بلا روح انه من دونك علـيله و أسأل شلونك...عساك بخير ............ إخذ من خٙدّي دمعه تموج وتلالي يا (طير اليٙمام) لـ حٙـضرت الـوالي وإخــبرٙه الي تــودّك ... جــرح ياذيــهــا بُعدٙك يتـــيمه ابلايه زندٙك ... يـ بيتي وحشه بٙعـدٙك ضحكتك شمعته وهسه اظلم وخالي
يطير النوح ... خٙـــبِّر مٙرهٙم اجروحي أنه بلا روح ... بعــــدك يا بعد روحـي يالمهاجرني بضـعونك علـيله و أسأل شلونك...عساك بخير ........... إخذ هالكلــــمه من اتهاجر اديارك شلونك يا حبيبي الغالي شخبارك؟ گلــب حــٙنّ لـ خليله ... أنه طفله و علـــيله يـ طير اخبِر دلـــيلـه ... يجـــيلي لو أٙجيـله أنظاري تره عــــطشانه أنظــــارك
يطـير وياك ... لـ المــشتاگه أخباره إسأله هناك ... يبقه لو يجي لـ داره واذا أهلي يـــنشدونك علـيله و أسأل شلونك...عساك بخير ............ غابت عني كل اســـــوالفه التـرفه بقت بس ذكرياتي بوستي لـ چٙفّـه ضِمٙتْ عيني لـ نٙظرتٙه ... يحنْ چفي لـ شٙبـُگته الهجُر ذابحـني سكته ... البخٙت تاركني بٙخٙته جرح فگد الأبو يا طير ما يـــشفٙه
جرح فرگاه ... تشفي هٙـــبّت أنفاسه يـــطير بـأه ... سلـملي اعله عبــاسه وأخبره فدوه لعـيونك علـيله و أسأل شلونك...عساك بخير ............ شــاب الباب من فــارگها لٙـــمساته عله الجدران دمعي نِقٙش ضحكاته صٙداه ايعــيده ذاتـي ... هلا بشمعـــة بـناتي وتجاوب ذكـــرياتي ... أنه البــاقي بحياتي ألف مرّه أموت لـ شوگ كــــــلماته
يطير المـوت ... أرحم من جرح خاطر عسه بتابوت ... أسكن بعد المســـــافر وأگله احسبني بظنونك علـيله و أســأل شلونك...عساك بخير ............ گِلّه حسيــن بنــــتك مرّت بأحلام شفت بالرؤيه دخان و لهيب خيام ذبحني بويه منــــظر ... جسد وبلايه منحر بخيول أهل المعسكر ... صــــــدر منّه تكسّر عرفتك هذه أنته الـ عالترايب نام
