ملا مصطفى الطيب

2022-07-28 14:05:38 اعلان مجالس العشرة الاولى من شهر محرم الحرام 1444

رَحْلَة فِي زِحَام الْجَرَّاح ، بِهَا تَسِح دُمُوعُ الْعَيْنِ أَكْثَرَ مِمَّا تَنْظُر
لَا مَجَالَ للكتمان لِأَنّ ، الصُّرَاخ هُوَ الْأَكْثَرُ حُضُورًا

على بركة الله تعالى ،،،،،
ومولاي صاحب العزاء الامام الحجة ابن الحسن عج
نواسي السيدة الزهراء ع بمصابها الجلي في شهر محرم الحرام

نسال الله ان يعجل فرج امام زماننا وان يرزقنا حسن الخاتمة والقبول.. باز کردن / نظر دهید

2022-07-26 15:34:59 الله خـالـق طينتي . . . على حُـب الحُسين باز کردن / نظر دهید

2022-07-26 15:34:58 - قـال امـير المـؤمنين ؏ـلي ´ عليه السلام `

تَمَسكْ بِكُل صَديقٍ أَفادَكَ فِي الشِّدةِ.

المصدر : عيون الحكم والمواعظ باز کردن / نظر دهید

2022-07-23 09:23:57 تم نشر قصائد جديدة @h_ameer2 باز کردن / نظر دهید

2022-07-21 23:38:35 الضعن قادم / الرادود خضر عباس..

كالولي الضعن قادم كلت اهلآ بني هاشم
اول رايه للعباس اخر رايه للقاسم

تتباشر شفته الناس واني بجرحي الملوحه
وين اليضحك ومرتاح وين الياكل بروحه
عين العشگتك يحسين من دمعته مفضوحه
حبك لاسهو ولاطيش باقي ويانه للوحه

حبك مايمر نزوه كالولي وكلت هوه
عشگك بالجنون انقاس يالكلك ترف واحساس

كالولي الضعن قادم كلت اهلآ بني هاشم
اول رايه للعباس اخر رايه للقاسم

قانون العشك يحسين يرمي العاشك بذله
بس حب الوطن بي خير كالو محد يمله
دورتك ابين الناس كل واحد صرت حله
واذا حب الوطن بي خير يعني انته الوطن كله

كل واحد عكس دربه عنك يشعر بغربه
والعاقل حفظ درسه يعني انته الوطن نفسه

كالولي الضعن قادم كلت اهلآ بني هاشم
اول رايه للعباس اخر رايه للقاسم

من كالو ضعنكم جاي روحي اتلگتك عالحد
وجروحي الجبته وياي بجفوفك تريد الشد
عيوني خلصت من الماي وانه اعله البجي اتعمد
لايگلي الحزن وياك واكشخ لو لبست اسود

شفت الدنيا مگضيه خليتك نفس ريه
يالحادي اسرع ابممشاك عافيتي جبته وياك

كالولي الضعن قادم كلت اهلآ بني هاشم
اول رايه للعباس اخر رايه للقاسم

اتريد الصدك يحسين ليش انته علي غالي
خادمتك گبل مانام بالكاروك تقرالي
جانت من تناغيني يعبدلله المهد خالي
موتوها النواعي اعليك جانت امي تنعالي

ماتت بس بقيت انته الخير بخدمتك شفته
والراضع عشك بصباه للموت ويظل وياه

حي الله الضعن والبي ياعزنه وفخر طاهه
كتب الوصلتك يحسين مو احنه الكتبناهه
اوصل وانشد الزوار لعيونك خدمناهه
وحبوب المواكب هاي بالمدمع ترسناهه

مو بس الدمع والعين حته احنه بثواب حسين
يامحله العمر وياك نعمه ومانمل طرواك

ضلت ثورتك يحسين بين الماضي والحاضر
وبالفتوئ الكفائيه ترسنه الچول والساتر
حد سوت مراجعنه للمرتد وللكافر
واذا كررهه ابن العاص نرجع عابس وياسر

مراجعنه الله يحفظكم صمام الامان انتم
كون الفتوئ تتكرر نرجع صولت الاكبر

كالولي الضعن قادم كلت اهلآ بني هاشم
اول رايه للعباس اخر رايه للقاسم
...................... باز کردن / نظر دهید

2022-07-17 22:46:44 حبيب گلوبنه وشفيع اذنوبنه
علي محبوبنه علي مولى
................ 1

الك يابو الحسن يعله ندانه
وبسمك عالي ويرفرف لوانه
بهذا اليوم كل الخير اجانه
امانه الدين يا راعي الامانه

عله الدين.. يبو حسين.. فضل خيرك
ولا صار.. وله ايصير.. بشر غيرك

الالاه ايريدك عدل توحيدك
علي محبوبنه علي مولى

................2

الله هواي حبك يالصميده
ونزل جبريل بلغ باليريده
العلي يا طه كوم وارفع ايده
ويومك صار عند الشيعي عيده

هويناك.. عشكناك.. عله الفطره
للصحاب.. للحباب.. نزف بشره

امير وغالي وتضل للتالي
علي محبوبنه علي مولى

.............. 3

الدنيه تعطر باسمك هواها
ذكرك كل وكت نور وضواها
يفوز محبتك كلمن حواها
ويخسر ياعلي كلمن جفاها

عهد هاك.. نطيناك.. يقائدنه
فلايوم.. نسيناك.. يمنقذنه

الك وفايه واخير احجايه
علي محبوبنه علي مولى
............... 4

يحيدر عالحچي وماشايفينك
عشكناك ومشينه اله اعله دينك
نضل يوم الحساب مناطرينك
تروينه العذب من جف يمينك

الك صار.. يكرار.. امر ربنه
يبو تراب.. يضل دوم.. الك حبنه

فخر ياحيدر بديك الكوثر
علي محبوبنه عاي مولى

محمد هادي العقابي باز کردن / نظر دهید

2022-07-16 15:51:16 اقوى دعم الشعراء والرواديد
@h_ameer2 باز کردن / نظر دهید

2022-07-16 01:36:16 تريد قصايد جديدة لمحرم هنا تلكاهن @h_ameer2 باز کردن / نظر دهید

2022-07-13 17:07:02 لو عكست الدنيا وياك   أم البنين اتحلها
...........................................
بعينك لون ظلمه صفت دنيانه
وابوجهك يسد الوكت بيبانه
وروحك تصير معلعله وحزنانه
صد وجهك لأم عباس   واشماتريد اسألها
................................
لوغابت انوار الشمس والكمره
واتمرمرت حسره اوتعين بحسره
والعثره كامت تنتجي اعله الحسره
وغزلك تخلبص بس كوم   لام الوفاء وكلها
................................
كلها الوكت جارت علي أيامه
وكوز الصبر خلص مرامه اسهامه
شامخ تضل بالك تندك الهامه
وبالك تره لياهو الجان   الروح العزيزه اتذلها
................................
لوجانت جبال او صخر حسراتك
بس اطلب الحره بصدق نياتك
مد ايدك اتكلك واخذ حاجاتك
وابحيرتك لاتحتار   زين افتهم حللها
...............................
ربك كرامات اوقداسه انطاها
وباب الحوائج للخلك خلاها
وجيه خدمت حسين شكثر علاها
والله ونعم بنت اجواد   والعزه تستاهلها
.............................
زين استمع مني وأخذ هالحكمه
هذا العقل من  ربك  شكد  نعمه
وشوف شكثر عزه وكرامه الخدمه
وشاهد عظم حب حسين   والتخدمه يدللها
..............................
اسنين العمر تركض ركض خياله
والعايش  بذله  الكبر  أشواله
والأخذ حسنى العاقبه  هنياله
وخدمة أبوعبدالله   هنياله اليحصلها
..............................
حكم العقل يبن آدم او أفهمها
وحكمة عقول الراجحه اتعلمها
لحسين  دنيا  وآخره  سلمها
وغير العلي وفلك حسين  هالدنيا لا ما ألها
...........................................
علي صابر السراي
نسألكم الدعاء باز کردن / نظر دهید

2022-07-12 21:23:13 قصيدة يالعايش بعيوني وروحي
#الشاعر/ابو عدنان النجفي( قحطان الحسناوي)

…………………
يالعايش بعيوني وروحي
من بعدك شيداوي جروحي
شلون اتصبر… اه يا الاكبر
من بعدك شيداوي جروحي
…………………
يااجمل حلم عايش وسط عيني
يافرحة عمر مذخوره لسنيني
سالم ريت من الحومه تلفيني
ويمه بصوتك الدافي تناديني
عطشانه واريد بسمه ترويني
وفرشت القبلتك سجادة جبيني

يبني وياوردة كلب امك
عطشانه وردت اروه بشمك
كلبي تفطر… اه يالاكبر
من بعدك شيداوي جروحي
…………………
يالوجهك مثل فلقة قمر واجمل
بسحابات المنايه خايفه تهفل
رحت عني وبقيت لربي اتوسل
لحظن امك ترد سالم يالمدلل
من يومين ضامي وماي ما يحصل
واخاف عليك ياريحانتي تذبل

خايف كلبي ليغدرونك
شلون اصبر بفراك عيونك
لا مااكدر… اه يالاكبر
من بعد شيداوي جروحي
…………………
عود الضمه لتضن جمرتي وجهه
فراكك ياحبيب الهيجهه
دمعتي وحسرتي على فراكك امزجهه
وجروحي يروحي شلون اعالجهه
خيوط الصبر ثوب لكلبي انسجهه
وصحت كل شده لابد الله يفرجهه

يارب انخاك بهالشده
كل غايب الامه ترده
ابقه اتنطر… اه يالاكبر
من بعدك شيداوي جروحي
…………………
يااول فرحتي وفدشة عيوني
من عمري على عمرك لو خيروني
اكصدك ياحبيبي لو يخلوني
مااكدر على فراكك يعذروني
اخاف بذبحتك يبني يفجعوني
سالم ريت وبدالك يذبحوني

ليك انه اتعنى لو بيدي
وارويك بدمعي يوليدي
كلبي تحير…اه يالاكبر
من بعدك شيداوي جروحي
…………………
انه بخيمتي يوليدي وانت هناك
وخذتني ذكرياتي يم ليالي رباك
جن كلبي المهد وبنبضته لولاك
واحسبلك ايامي وتكبر اتمناك
تمنيت العمر اكضيه كله وياك
وتغمض عيوني موتتي بيمناك

تمنيت بساعات اجالي
تنكطلي دموعك يهلالي
ريتك تحضر…. اه يالاكبر
من بعدك شيداوي جروحي
…………………............................................
يبني ياعلي ردوك لخيمك
وابوك تمدد بطولك شبك جسمك
على خدك وضع خده وغده يشمك
وخضب شيبته يوليدي من دمك
يالمدلل شلون بفركتك امك
شلي بالعمر فدوه العمر لاسمك

مذهوله وماصدك يبني
اندب باسمك متجاوبني
وسفه موذر… اه يالاكبر
من بعدك شيداوي جروحي
…………………...........................................
ماجان الامل مذبوح اشوفنك
صاير وذر يبني شلون المنك
معفر دامي حرت منين اشمنك
يجازي الله الحرمني ياعلي منك
صعبه للتراب شلون اعوفنك
بين ظلوعي ريت اكدر اضمنك

لو بيدي جسمك ماعوفه
شلون اكدر وجهك ماشوفه
بيش اتعذر….اه يالاكبر

#اللهم عجل لوليك الفرج
#اسألكم الدعاء باز کردن / نظر دهید