ضِـجْـيـٰج ☤

2022-07-18 22:43:17 أجلسُ ليلاً ، وحيداً ، كئيباً
كتابات الشَكِّ والخيانةِ تملئ محادثة وحيدتي ، أقلامي مُبعثره ، أولادي خرجوا من تحت الباب ، ودمي النازفُ من عينيّ يملئ وسادتي
أنا خائن ، خُنت قلبي مع عقلي
فلم يرغب بي أحداً بعدها
تخيّل إنك خرجت لتجلُب الحليب لطِفلك
لتتفاجئ بزوجتك تحملُ سكين وتنهش عُنقهُ الصغير
تخيل أن تحمِل بقايا طفلٍ كان يقول لك صباح الخير كُل يوم ، يمرُّ بدراجتِه الصغيره ذات اللون الاصفر من أمامك ليلقي التحيه ويبتسم ، كانت أسنانهُ البيضاء من بينها سِنٌّ مُسوس نافذةً للجنه
قبل أن يُذبح من مجهول
كعصفورٌ صغير نام على يد أحدهم من البرد فسحقه ، ك بقايا قِطعةِ مُثلجاتٍ على أحد الكراسي تذوب وتملئ الإرض
وكأنها رأس أحدهم بعدما خرقت رصاصةً ما جمجمته
#محمد_خالد باز کردن / نظر دهید

2022-07-02 03:53:47 -سؤالٌ فقط !!
هل الأصوات تخترقُ عالمنا ؟
فأنا اسمعُ صوتكِ في غُرفتي , رُبما بسبب الصدى حين تكلمين جدران غرفتكِ , لازلتُ أعزف هل تَصلكِ ألحاني؟
-غريبٌ أنني لا أراك , لاكنني أبصر خطواتك في زوايا غُرفتي , أترقصين هُناك الآن
-أم هو صوت ركضكِ من شخصٍ لآخر
-لاتقلقي ذالك ليس زلزالاً ليس سوى صوت رأسي وهو يضربُ جدران غرفتي لتخرس الأصوات ليس ذنبك أنتي
فلا تخفي , لاتفتحي الباب فذالك صوت أمي تحاول أيقافي لكي لا أحطم رأسي
-لاشيئ يا أمي لا شيئ , سأنام في مناماتي خيالات لن تلتقي الواقع أبداً
أنتشيتُ نفسي وتركتُ فُتاتكِ في الأرض
لاتخافي يا أمي لن اتكلم اكثر..... "سأحلُم"
سقطتُ من اعلى بناءٍ صنعتهُ مخيلتي لكي أسقُط بين عضميّ عُنُقِك , جُننت كثيرا وافرطتُ في شُربك اللعنه ,فالتخرجي الآن من أفكاري
دعيني وشأنك وسأدعك وشأني
حاولت العبور عبرك فألتسقت أجزائك فيّ
-شفتي وغيرنا شافو , واعتقدوا أنكِ مُجرد عابِره
اتخلل نهاري بتذكُر عينكِ
وأنام أمام صورتكِ الباهته
لأصبحُ كالمجنون أنضر لهاتفي لعليّ أشاهد كلماتٍ بعيدةٍ منك
لا أعلم من حَضِيّ بتلك الكلماتِ بدلاً مني الآن
-أغلبُ أماكننا كانت في غُرفتي , تخيلوا هذا ياناس وبعدها تحدثواعن "محمد" , البائس الحزين اللذي يكتُب لكم الآن ,
-أيفترضُ أن تضحكوا في مسرحيةِ دراما؟
دخلتي جنتي وأفسدتيها وكفرتُ بك والآن فالتنزلي
جَنّتي "غُرفتي"
-حُسم الأمر هكذا سأعيش
بطيفٍ مِنك يرقص يُلهبُ مجانيني
أختفى مِنك ما ألهب ألطفلُ اللذي بداخلي
وعودتكِ لن تغير شيئ
عيوني لاترى حتى ذالك الجسد
لاتجرئي وتحدثي جُدرانك عن الضياع
فغرفتي تصبح متاهةً شيئاً فشيئاً
وأزدادُ غرابة لأبحث عني وأجدني أنا وبرج الدلو قد ملئتهُ قيئاً
تبادلنا الادوار وأصبح شيئاً قذرا لاتستطيع حتى الدموع تنضيفهُ , شيئاً ليس نقياً
-كُنت وحدي ولازلت , طوفوا فيّ يوم موتي وستجدون أنني وحدي كُنت بدون كتف
-مشاعري كلها لي وحدي لن تشابهوني شعوريا ولا زمنياً لاقبلي ولا بعدي ياصغير
- أكبرمن الدموع وابتسامات الخيبه
اكبر من الخوف والخذلان والهيبه
الجنون لي والجنون مستخرجا من مشاعرسماويه
فكيف عسانا أن نتشاركهُ
مستحيل
فعروقكِ مُلوثة
-أنا "الأب" , وجدتُ أنفاسي من هواكِ
لكِ هُم ولجنوني وإنا لله وأنا أليه راجعون
نفس الشعور , انتي مُخطِئه
-سنتواجهُ لاحِقاً , لكن بغير جسدٍ وبنفسِ روح
#محمد_خالد باز کردن / نظر دهید

2022-07-02 02:58:08 - "إنه من النوع الذي لا يرفع صوته، ولا يظهر غضبه، ولا يؤذي أحدا بكلمة، شخص لا يعرف الفضول ولا الأسئلة، حديثه خجول ومختصر، إنه من ذلك النوع الفريد، ذلك الذي يظنونه ضعيفا.. لأن قلبه حنون جدا، لكنه حين يقرر قرارا .. لا يمكن لاي قوة في العالم أن تقف أمامه.."
#محمد_خالد باز کردن / نظر دهید

2022-06-22 01:43:55 - لا أذكر مالذي حدث حينها ، أذكُر إنني أستلقيتُ على ظهري وبجانبي كوابيسي التي لطالما ترجيتُ الله أن يُبعدها عنّي ؛ أغمضتُ عيناي بعد أن بكى قلبي كطفلٍ أخرجوه من بيت جدِّهِ مُرغماً ، لا أذكُر ما حدث نمتُ شخصاً و استيقظتُ شخصاً آخر يختلفُ جذرياً عَمّن أغمض عينيه ، أدركتُ حينها إن الله لا يَعطيني الحلول التي أُريدُها ، بل يُعطيني ما يُريد هُوَ ، وكلتُ أمري لله ؛ وأنا أثقُ بالله كـ ثقتِ بقدوم الصباح .
#محمد_خالد باز کردن / نظر دهید

2022-06-14 04:50:33 -لن تحتملوني
على الرغم من إخباري لهم بهذا الشيئ
لكنهم أصروا على البقاء ، كان بوسعهم الذهاب بسرعه قبل أن يتلبس قلبي بهم ويتركوا اثرا بالغا في داخلي اثناء رحيلهم اللذي لطالما ترجيتهم به ، إعتدتُ على رؤية ابتسامه الآخرين على أبتسامتي ، وسادتي وزاوية غرفتي " اعتذر لكما لأنني آتيكم دائما مُحملاً بندوبهم وأفرغها بكم"
تمنيت لو كان بوسعي أن احصل على محمد آخر يُرافقني "والآن أنا وحيد "
-شُكراً
#محمد_خالد باز کردن / نظر دهید

2022-06-06 17:30:58 الذكرى الثالثة لرحيلك ٢٠٢٠/٦/٦ باز کردن / نظر دهید

2022-06-06 17:30:57 اليوم وقبل ثلاث اعوام ٢٠١٩/٦/٦
-إنكسر ضهري ، وقلت حيلتي ، وشمت بي عدوّي ، وتوفى جدي .
بـ مثل هيج يوم قبل ٣ سنوات جان جدي نايم مستشفى وجنت انـا بحاله يرثى لها من المرض جنت حرفيا ماكدر اوكف ع رجليه حتى وصلت مرحله ابجي من العجز جنت اريد اروح للمستشفى يمه واشوفه حتى لو شويه بس ما اكدر رغم انا ماعفته ابد بقيت ويا من اول يوم دخل مستشفى لحد اخير ايام تمرضت بيها جنت اريد اروح بس مايخلوني
وبمثل هيج يوم ٢٠١٩/٦/٦ جان ثاني يوم العيد كعدت من لنوم ع امل يجيني خبر انو جدي زين ! او تحسن صارت الساعه ١١ وماكو اي خبر هنا بهاي الحضه اجاني احساس ماكدر اوصفه ابد ماكدر اوصفه حسيت راح يصير شي بجيت بحركه بجيت لان جنت مشايفه وحسيت انو راح افقده جان ابوي يريد يروح للمستشفى كتله اكثر من مره انو اروح وياك مقبل لان جنت بحالة كلش تعبانه من المرض ويخاف عليه المهم كتله لازم اروح ذيج الحضات ما انساها جنت ابدل وانا ابجي لان جنت احبه اكثر من هلدنيه كلها احبه اكثر من كل شيء وجنت خايف كلش دخلنه للمستشفى الساعه ١٢ دخلت شفته سلمت علي بسته اخير مره باوعت ع جسمه جان جسمه كله منفوخ (مورم ) تخيلو الجراحه تطلع من كل مكان بجسمه ادي رجلي من المسامات مال جلت تخيلو الوجع الي جان عايشه
اخير شيء كال كوموني اختنكت جان احمد علي ابن عمي موجود هوه الي كومه هنا بهاي الحضه جان شيء بعيونه غريب تصدكوني شفت الموت بعيونه حسيت يكلي هاي اخير نضره صفن علي جان البوبو مال عينه جبير لدرجه غير طبيعيه وجان اسود لدرجه بكد ما اكوللكم لنضره جانت غريبه مراح تصدكون لان بس انـا عشت هذا الشي ردت ابقى يمه محد قبل كالو أنـتَ مريض وانته متكدر وهاي وصراحه جنت كوه واكف ع رجلي مجنت اكدر اعوفه بس ابوي كلي روح وبليل تعال !! لحد هسه الوم ابوي ع هاي الحضه لان مخلاني ابقه ! جنت اعرف مراح ارجع ولا راح اشوفه ابد رحت للبيت ع امل ارجع بليل اشوفه اول مرجعت ودخلت للبيت ، متاخر الخبر هواي تقريباً ٢٠ دقيقه واجاني اتصال " ضياء حسين (عمي ) " جنت خايف ارد ع اي اتصال بذاك الوقت رديت
الو ؟ …. صوت بجي
الو !
-وين أنـتَ
-بلبيت
-ابوي توفه
بهاي الحضه انكسر ضهري نهد حيلي تهدمت حياتي جدي جان ابوي مو جدي جانت بس ضحكته كلش كافيه تنسيني الدنيه ولبيها
رجلي ترجف جسمي كله بقه يرجف اريد اتحرك ما اكدر كانت صدمه دمرتني مادري شسوي وقتها طلعت حافي بشارع وركضت لبيت جدي مسافه عنه سمعت صوت الصريخ والبجي !!! انتهيت حرفيا رحت للمستشفى وصلت للثلاجه (مدينه الطب ) !! عمامي كلها موجوده كل واحد يبجي بزاويه بيبيتي بلكاع تلطم ! ابوي حاضن جثه جدي !!!! معقوله جدي عافني وراح معقوله بعد ماشوفه ابد !! رغم كل الي شفته كبالي جنت متخيل هذا حلم رحت يمً جدي وخرت الغطه من وجه ، وجه ابيض شاحب حيل شفايفه زرك مشاهد مستحيل انساها بحياتي
ذاك لوقت انتهيت ماعرف شسويت وقتها شصار ضربت منو حاجيت منو شسويت ماجنت اعرف مادري بنفسي
تعرفون لهسه اكوً صرخات متروح من اذني وعبارات مستحيل انساها جنت اسمعهن
ابوي ( كسرت ضهري يابويه )
حيدر ( باقررر جدو مات بعد مانشوفه عافنه وراح باقر عافنه وراح )
علاوي ( جدووو ليش رحت وعفتني من اجي للبيت اشوف منو بعد )
عمتي ام محمد اخت جدي ( كسرت ضهري يـ ابن امي )
بيبيتي (جانت تنعي )
تعرفون الخيبه والكسره الي شفتها بعيون احمد ومحمد شنو (عمامي لصغار ) الي جان منتضرهم يكبرون يوم عن يوم حتى يزوجهم ويفرح بيهم
تعرفون شنو جانت الكسره بعيون بناته (عماتي )
جان يوم دامي جان يوم اسود يوم انطفه بي كل شيء بحياتي
خلو بتابوت صعدو ع سياره وراحو جنت اصيح ورا بعلو صوتي ( وين رايح وين عايفني ) جان حيدر لازم ايدي يتذكر كلش زين هاي الحضه شنو جانت وصلت جنازته للبيت او وصلت انـا ورا للبيت تخيلو الجنازه بلوسط ولنسوان داير مداير الجنازه من كل مكان ولصرخات ولبجي محد جان يتحمله انذكر وقتها نمت عً تابوت وشبكته وادك علي جنت متأمل يكعد ولله ماكدرت افتح التابوت اشوفه ومخليت احد يفتحه ماجنت اكدر اشوف وجه بهيج منضر صدكوني جان شوفت وجه وهوه ميت اصعب شي بدنيه طلعت الجنازه شلناه ع ضهرنه شيعنا بلمنطقه ورحنه للنجف ندفنه جان اطول طريق بحياتي وصلنه للمقبره لكينه لقبر مالته ديحفرون بي دفناه تقريباً ساعه ٢بليل وجانت اخر لحضات الوداع وجان واحدنه ميريد يرجع بده ينام بنص الليل بصف هلقبر محد جان يريد يعوفه بس هاي سنه الحياة رجعنه وكلنه مكسورين مهدود حيلنه الحسرات جان بكل بوجه الخيبه والكسر جانت تارسه البيت
لله يرحمك ياجدي ربي يجعل مثواك الجنه
شكراً لانك ربيتنه صح شكراً لانك علمتنه ع الاشياء والاخلاق الحسنه شكراً لانك وصلتنه او وصلت ابوي وعمامي وكل اهلك لهاي المرحله من الفخر بيك بحيث اي بشر يشوف ابوي ليوم يكله ( الف رحمه ع ذاك الاب الطيب )
شكراً لانك خليتني احبك لهلدرجه
شكراً لانك جنت ابو اليه وروحي من الدنيه
الوفي في حبك دائماً وابداً #مـحمـد_خـالـد احبك باز کردن / نظر دهید

2022-05-31 15:47:07 https://www.snapchat.com/add/moh_123kh?share_id=RDNFODEzOUEtNDQwNy00M0M4LThCMUUtMDQyNTdGODcyNjhG&locale=en_IQ باز کردن / نظر دهید

2022-05-31 15:46:13 حسابي ع الأنستا تبند كم يوم ويرجع
اي احد يحتاجني او يريدني موجود هنا تلي او سناب باز کردن / نظر دهید

2022-05-30 02:49:22 باز کردن / نظر دهید